Misir ehramları — Dünyanın yeddi möcüzəsindən biri.Misir ehramlar hər biri 20 ton ağırlığında olan qaya parçalarından tikilmişdir. Bu qaya parçalarının yonulduğu karxanalar isə ehramların yerləşdiyi ərazidən 200 km uzaqlıqda yerləşirdi. Onların necə daşınması haqda ağlabatmayan fərziyyələr irəli sürülüb. Ehram kimin şərəfinə tikilmişdisə, həmin fironun mumiyasının olduğu otağa günəş şüaları ildə iki dəfə – fironun doğum və taxtaçıxma günlərində düşür. Ehramların daxilində ultrasəs, radar, şüaötürmə cihazları işləmir. Məqaləni oxu...

Misir inqilabı (2011) – ərəb ölkələrindəki ümumi antihökumət nümayişlərinin mühüm tərkib hissəsi. Nümayişlər və aksiyalar Qahirə, İsgəndəriyyə və bir sıra digər mühüm şəhərlərdə keçirilmişdir. Nümayişçilərin ən fəal olduğu yer Qahirənin mərkəzindəki Təhrir meydanı olmuşdur. Onlar Misiri 30 ildən artıq bir müddətdə idarə edən Məhəmməd Hüsnü Mübarəkin hakimiyyətdən getməsini və ciddi konstitusiya islahatlarının keçirilməsini tələb etmişlər. 17 günlük etiraz nümayişlərindən və qarşıdurmalardan sonra Hüsnü Mübarək istefa verdi, konstitutsiyanın fəaliyyəti dayandırıldı, parlament buraxıldı. Hakimiyyət Ali Hərbi Şuraya keçdi. Məqaləni oxu...

Ənvər Sədat (ərəb. محمد أنورالسادات;‎;Mit-Əbul-Qum, - Qahirə, Misir) — Misir hərbi və dövlət xadimi, Misirin 3-cü prezidenti (1970-1981), marşal (1973). Nobel Sülh mükafatı laureatı (1978). 1978-ci ildə İsraillə Kemp-Devid sülh müqaviləsini imzalamış və ərəb dünyasında kəskin etirazlarla qarşılanmışdır. Məqaləni oxu...

Circi Zeydan (ərəb. جرجي زيدان‎) - ərəb yazıçısı və tarixçisi, maarifçisi və publisisti. Ərəb ədəbiyyatında tarixi roman janrının yaranıb geniş yayılması birinci növbədə onun adı ilə bağlıdır. Onun romanları hələ müəllifin sağlığında fars, türk, Azərbaycan, hind, urdu və bəzi Avropa dillərinə tərcümə olunmuşdur. Circi Zeydanın ərəb ədəbiyyatının və elminin inkişafındakı xidmətləri, istər ərəb alimləri, istərsə də Qərbi Avropa və rus şərqşünasları tərəfindən yüksək qiymətləndirilmişdir. Ərəb alimlərindən Məhəmməd Hüseyn Heykəl, Abbas Mahmud əl-Aqqad, Mutran Xəlil Mutran, Əbdüləziz əl-Bəşəri, Yusif Həcm və başqaları Circi Zeydana elmi məqalələr və məruzələr həsr etmiş, onun yaradıcılığını yüksək qiymətləndirmişlər. Məqaləni oxu...

• IV və VI əsrlərdə Misirdə Xristianlıq əsas din olmuşdur.
• Qədim Misirlilər 1400-dən çox Allah və İlahələrə ibadət edirdilər..
• Dünyanın ən qədim paltarı Misirdə tapılmışdır və onun 5000 yaşı olduğu güman edilir.
• Misir pramidalarının tikilməsində 20 mindən çox fəhlə həlak olmuşdu.
• Sudanda Misirdən daha çox piramida var.
• Azadlıq Heykəli Misir üçün nəzərdə tutulmuşdur.
• Misirin son fironu Kleopatra misirli yox, yunan idi.
• Misir Piramidaları ödənişli işçilər tərəfindən inşa edilmişdir, qullar tərəfindən yox. Bu sadəcə, yunan tarixçisi Herodotun əfsanəsi idi.
• İtmiş Misir şəhəri Heraklion 1200 il sonra sular altından tapılmışdır.
• "İslam Həmrəyliyi Oyunları"nda indiyədək ən çox medal qazanmış ölkə Misirdir.

Qədim Misir mifologiyasına görə qoruyucu tanrı (başı insan, bədəni şir). Gizədə Qədim Misir dövründə qurulmuş sfinks heykəli. Nilin qərb sahilində, Gizə yaylasında yerləşir. Ehtimala görə, Qədim Padşahlıq dövründə (təqribən e.ə. 1575-1465-ci illər) qurulmuşdur. Nəhəng və monolit qayadan yonulmuş uzanmış, insan başlı şir formasında heykəlin uzunluğu 73 m, hündürlüyü 20 metrdir.Heykəlin üzü Nil çayına, gündoğana baxır. Qədim Şərqdə şir günəş ilahisi kimi tərənnüm edilirdi. Qədimdən fironlar şikarını parçalayan aslan kimi təsvir edilirdilər. Məqaləni oxu...

Camal Əbdül Nasir (ərəb. جمال عبد الناصر حسين;‎;İsgəndəriyyə, - Qahirə, Birləşmiş Ərəb Respublikası) — Əbdül Nasir 1918-ci il 15 yanvarda Misirin İsgəndəriyyə şəhərində kiçik poçt məmurunun ailəsində anadan olub. Onun uşaqlığı İskəndəriyyədə keçmiş, orta məktəbi isə Qahirədə bitirmişdir. Ağlına, bacarığına görə yaşıdlarından seçilən Camal çox erkən yaşlarından ətrafında baş verənlərin, həmin dövrdə hökm sürən ingilis ağalığının, xalqının aşağılandığının fərqində idi. Və bütün bunlarla barışa bilmirdi. Məhz bunların nəticəsi idi ki, yeniyetməlik vaxtlarından heç nədən qorxmadan siyasi aksiyalara qoşulmağa başladı. İlk dəfə antibritaniya nümayişində iştirak edəndə onun cəmi 12 yaşı var idi. Amma illər irəlilədikcə anladı ki, ürəyindəki amalları həyata keçirmək üçün daha optimal yollardan istifadə etməlidir. Məqaləni oxu...

Leyla Murad (ərəb. ليلى مراد‎‎ 17 fevral 1918 - 21 noyabr 1995) — Misirli müğənni və aktrisa və dövrünün ərəb dünyasının ən görkəmli super ulduzlarından biri idi. Lillian Zaki Mourad Mordeçay, Qahirədəki Əl Daher rayonunda bir yəhudi ailəsində anadan olmuş, sonradan adını səhnə adı olaraq Leyla Murad olaraq dəyişdirmişdir. Leyla Murad üç dəfə evlənmişdi Məqaləni oxu...