Naser Şadli

Naser Şadli (Fransızca tələffüz: [nɑsɛʁ ʃadli]; 2 avqust 1989) — Liqa 1 təmsilçilərindən olan Monako klubunda və Belçika milli futbol komandasında yarımmüdafiəçi kimi çıxış edən peşəkar Belçika futbolçusudur.

Naser Şadli
fr. Nacer Chadli
Şadli Belçika millisi ilə 2018 FİFA Dünya Kubokunda
Şadli Belçika millisi ilə 2018 FİFA Dünya Kubokunda
Ümumi məlumatlar
Tam adı Naser Şadli
Doğum tarixi (34 yaş)
Doğum yeri Lyej, Belçika
Vətəndaşlığı
Boyu 187
Çəkisi 78 kq
Mövqeyi Yarımmüdafiəçi
Klub haqqında məlumat
Klub Fransa Monako
Nömrəsi 20
Karyerası
Gənclik karyerası
1994—1998 Belçika Tiye-a-Lyej
1998—2005 Belçika Standard Lyej
2005—2007 Niderland
Klub karyerası
2007—2010 Niderland 90 (28)
2010—2013 Niderland Tvente 84 (25)
2013—2016 İngiltərə Tottenhem Hotspur 88 (15)
2016—2018 İngiltərə Vest Bromviç Albion 36 (6)
2018—h.h Fransa Monako 0 (0)
Milli yığma
2010 Mərakeş Mərakeş 1 (0)
2011—h.h Belçika Belçika 51 (6)
  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarın loqosu Vikianbarda əlaqəli mediafayllar

O, peşəkar karyerasına Eerste Diviziya təmsilçilərindən olan Apeldoorn klubunda start vermişdir. 2010-cu ildə isə Tvente klubuna transfer olmuşdur. O, ilk mövsümdəcə KNVB Kubokunun qalibi olmuşdur. 2013-cü ildə Şadli Tottenhem Hotspur klubu ilə müqavilə imzalamışdır. Üç il sonra isə klub rekordu olan £13 milyon qarşılığında Vest Bromviç Albion klubuna transfer olmuşdur.

Şadlinin atası Mərakeş vətəndaşıdır. O, 2010-cu ildə Mərakeş millisində debüt etmişdir. Növbəti ilə isə o, Belçika millisini təmsil etməyə başlamışdır. O, milli ilə 2014 və 2018 FİFA Dünya Kuboku turnirləri də daxil olmaqla, 51 oyunda iştirak etmişdir.

Klub karyerası

Apeldoorn

Şadli gənclik illərində Tiye-a-Lyej, Standard Lyej, Maastrixt klublarında çıxış etmişdir. 2007-ci ilin yayında o, Niderland ikinci diviziya təmsilçilərindən olan Apeldoorn klubu ilə müqavilə imzalamışdır. Şadli skautlar tərəfindən Maastrixt akademiyasında kəşf olunmuşdur. O, klubda ən istedadlı futbolçulardan biri hesab olunurdu. Şadli Apeldoorn klubunda baxışdan keçərkən Kaliffe uydurma soyadından istifadə etmişdir. Çünki baş məşqçi Ted van Leeuven oyunçunun digər klubların diqqətini çəkəcəyindən narahat idi. Şadli peşəkar karyerasında ilk qolunu Apeldoorn klubu ilə Volendam klubuna qarşı oyunda vurmuşdur.

Tvente

 
Şadli 2011-ci ildə Tvente klubunda çıxış edərkən

2010-cu ilin yayında Şadli Tvente klubu ilə müqavilə imzalamışdır. Növbəti mövsümdən o, Erediviziya çempionu olmuş klubun əsas komandasında iştirak etməyə başlamışdır. O, Erediviziyada ilk qolunu PSV klubuna qarşı oyunda vurmuşdur. Şadli Çempionlar Liqasında debütünü 14 sentyabr 2010-cu ildə İnternazionale klubuna qarşı qrup mərhələsi görüşündə etmiş və komandası rəqibi ilə 2-2 hesabı ilə bərabərə qalmışdır. O, Çempionlar Liqasında ilk qolunu 29 sentyabr 2010-cu ildə Tottenhem Hotspur klubuna qarşı (4–1) oyunda vurmuşdur. İkincisini isə 2 noyabr 2010-cu ildə Verder Bremen klubuna qarşı oyunda gerçəkləşdirmiş və komandası rəqibinə 2-0 hesabı ilə qalib gəlmişdir. Şadli 7 dekabr 2010-cu ildə Tottenhem Hotspur klubuna qarşı oyunda cərimə zərbəsindən qolla yadda qalmış və komandası rəqibi ilə 3-3 hesabı ilə bərəbərə qalmışdır.

Tottenhem Hotspur

 
Şadli 2013-cü ildə Tottenhem Hotspur klubunda çıxış edərkən

21 iyul 2013-cü ildə Şadli £7 milyon qarşılığında Tvente klubundan Tottenhem Hotspur klubuna transfer olmuşdur. Tibbi müayinədən uğurla keçdikdən sonra, Şadli Honkonqda keçirilən mövsüm öncəsi təlim-məşq toplantısında iştirak etmək üçün Tottenhem Hotspur klubuna qoşulmuşdur. 23 iyulda Şadli 2013 Premyer Liqa Asiya Trofeyi turnirində iştirak etmək üçün klubun təlim-məşq toplantısına qatılmışdır. Nəhayət, 26 iyulda o, klubun şərtlərini qəbul etmişdir. O, Tottenhem Hotspur klubu ilə debütünü 3 avqust 2013-cü ildə Monako klubuna qarşı yoldaşlıq oyununda etmiş və komandası rəqibinə 2-5 hesabı ilə məğlub olmuşdur. O, Premyer Liqada debütünü 18 avqust 2013-cü ildə Kristal Palas klubuna qarşı mövsümün ilk turunda etmiş və komandası rəqibinə 1-0 hesabı ilə qalib gəlmişdir. O, Premyer Liqada ilk qolunu 12 fevral 2014-cü ildə Nyukasl Yunayted klubuna qarşı oyunda vurmuş və komandası rəqibinə 4-0 hesabı ilə qalib gəlmişdir.

24 avqust 2014-cü ildə Şadli 2014-15 mövsümünün ikinci hesabat turunda Kuins Park Reyncers klubuna qarşı görüşdə iki qolla yadda qalmış və komandası rəqibinə 4-0 hesabı ilə qalib gəlmişdir. Uğurlu qrafik cızmağa başlayan Şadli Arsenal klubuna qarşı Şimali London derbisi də daxil olmaqla, bir neçə oyunda qolla yadda qalmağı bacarmışdır. Yaxşı forma yığmağı bacaran Şadli ciddi zədə ilə üzləşmişdir. Formasına qayıdana kimi Şadlinin ailəsində faciə baş vermişdir. Belə ki, onun atası vəfat etmişdir. Şadli Nyukasl Yunayted və Sauthempton klublarına qarşı iki oyunda iki qolla yadda qalmışdır. O, aprelin ayının sonuna kimi 10-u Premyer Liqa görüşü olmaqla, ümumilikdə 12 oyunda iştirak etmişdir. 16 may 2015-ci ildə Şadli Hall Siti klubuna qarşı oyunda qapıçıya aşırma zərbəsi ilə qol vurmuş və komandası rəqibinə 2-0 hesabı ilə qalib gəlmişdir. Bu, onun Premyer Liqada vurduğu 11-ci qol olmuşdur.

Vest Bromviç Albion

29 avqust 2016-cı ildə Şadli £13 milyon qarşılığında İngiltərə Premyer Liqası təmsilçilərindən olan Vest Bromviç Albion klubu ilə müqavilə imzalamışdır. O, klubun ən bahalı transferi kimi tarixə keçmişdir. O, klub ilə debütünü Bornmut klubuna qarşı oyunda etmiş və komandası rəqibinə 0-1 hesabı ilə məğlub olmuşdur. Şadli Vest Hem Yunayted klubuna qarşı olan ikinci liqa görüşündə iki qol və iki assistlə yadda qalmışdır. Həmin görüşdə Vest Bromviç rəqibinə 4-2 hesabı ilə qalib gəlmişdir.

2017-18 mövsümündə Şadli budundan ciddi zədə almışdır. Beləliklə, o, aprel ayının sonuna qədər Vest Bromviç Albion klubu ilə sadəcə üç oyunda iştirak etmişdir. Mövsümün sonunda klub ikinci liqaya yuvarlanmışdır. Ümumilikdə beş oyunda iştirak edən Şadli 16 oktyabr 2017-ci ildə Lester Siti klubuna qarşı oyunda cərimə zərbəsindən qolla yadda qalmış və komandası rəqibi ilə 1-1 hesabı ilə bərabərə qalmışdır.

Monako

30 avqust 2018-ci ildə Şadli Liqa 1 təmsilçilərindən olan Monako klubu ilə üç illik müqavilə imzalamışdır.

Milli karyerası

 
Şadli Belçika millisində

Şadli həm Belçika, həm də Mərakeş vətəndaşlığına sahib olduğu üçün hər iki millidə çıxış edə bilərdi. O, Mərakeş millisi ilə debütünü 17 noyabr 2010-cu ildə Şimali İrlandiya millisinə qarşı oyunda etmişdir.Uindsor Parkda keçirilən yoldaşlıq görüşündə Şadli oyunun adamı seçilmiş, millisi isə rəqibi ilə 1-1 hesabı ilə bərabərə qalmışdır. 28 noyabr 2011-ci ildə Şadli Belçika millisini beynəlxalq turnirlərdə təmsil edəcəyini açıqlamışdır. Buna səbəb kimi o, Mərakeş millisi ilə rəsmi oyunlarda iştirak etmədiyini bildirmişdir. O, Belçika millisi ilə debütünü 9 fevral 2011-ci ildə Finlandiya millisinə qarşı oyunda etmişdir.

Şadli Belçika millisində daha çox hücumçu mövqeyində çıxış edir. O, millidə ilk qolunu 29 mart 2011-ci ildə Azərbaycan millisinə qarşı UEFA Avro 2012 təsnifat mərhələsi görüşündə vurmuşdur. Brüsselin Kral Bauduin stadionunda keçirilən görüşdə Belçika rəqibinə 4-1 hesabı ilə qalib gəlmişdir.

26 may 2014-cü ildə Şadli 2014 Dünya Kubokundan öncə Lüksemburq millisi ilə keçirilən yoldaşlıq oyununda millidə üçüncü qolunu vurmuşdur. Lakin baş məşqçi Mark Vilmots altı əvəzetmə icazəsi olmasına baxmayaraq, yeddinci əvəzetməni gerçəkləşdirmiş və oyunun nəticəsi ləğv edilmişdir.

13 may 2014-cü ildə Şadli 2014 Dünya Kubokunda iştirak etmək üçün milliyə çağırılmışdır. O, Əlcəzair millisinə qarşı ilk görüşə yarımmüdafiəçi kimi start vermişdir. Şadli ikinci hissədə Dris Mertens ilə əvəz olunmuşdur. Belo Horizontedə keçirilən görüşdə Belçika rəqibinə 2-1 hesabı ilə qalib gəlmişdir.

2018-ci ilin may ayında Şadli Rusiyada keçirilən 2018 Dünya Kubokunda iştirak etmək üçün milliyə çağırılmışdır.

2 iyul 2018-ci ildə Şadli Yaponiya millisin qarşı 2018 Dünya Kubokunun 1/8 final mərhələsi görüşündə qələbə qolunun müəllifi olmuşdur. Qol BBC siyahısında 2018 Dünya Kubokunda turnirin qolu elan edilmişdir.

Oyun tərzi

Şadli hücuma meyilli və cinah yarımmüdafiəçisi kimi çıxış edərək, 10 nömrə funksiyasını yerinə yetirir. O, universal yarımmüdafiəçi hesab olunur. Şadli hər iki ayağı ilə rahat oynayır və çoxsaylı qol imkanları yaradır.

Karyera statistikası

Klub

2017-18 mövsümünün sonu tarixində yenilənib
Klub Mövsüm Liqa Kubok Liqa Kuboku Avropa Digər Ümumi
Diviziya Oyun Qol Oyun Qol Oyun Qol Oyun Qol Oyun Qol Oyun Qol
Apeldoorn 2007–08 Eerste Diviziya 19 2 0 0 0 0 0 0 0 0 19 2
2008–09 34 9 0 0 0 0 0 0 0 0 34 9
2009–10 37 17 1 1 0 0 0 0 2 0 40 18
Ümumi 90 28 1 1 0 0 0 0 2 0 93 29
Tvente 2010–11 Erediviziya 33 7 6 3 0 0 11 3 0 0 50 13
2011–12 25 6 2 1 0 0 8 2 0 0 35 9
2012–13 26 12 2 0 0 0 10 6 0 0 38 18
Ümumi 84 25 10 4 0 0 29 11 0 0 123 40
Tottenhem Hotspur 2013–14 Premyer Liqa 24 1 1 0 3 1 6 3 0 0 34 5
2014–15 35 11 2 1 3 1 5 0 0 0 45 13
2015–16 29 3 4 3 1 0 6 1 0 0 40 7
Ümumi 88 15 7 4 7 2 17 4 0 0 119 25
Vest Bromviç Albion 2016–17 Premyer Liqa 31 5 1 0 0 0 — — 32 5
2017–18 Premyer Liqa 4 1 0 0 1 0 — — 5 1
Ümumi karyera 300 72 19 9 8 2 46 15 2 0 371 98
Notes
  1. FA Kuboku və KNVB Kuboku görüşləri daxildir.
  2. Futbol Liqa Kuboku görüşləri daxildir.
  3. UEFA Çempionlar Liqası və UEFA Avropa Liqası görüşləri daxildir.
  4. Pley-off görüşləri daxildir.

Milli komanda

14 iyul 2018 tarixində yenilənib
Belçika
İl Oyun Qol
2011 6 1
2012 5 1
2013 7 0
2014 10 2
2015 3 0
2016 2 0
2017 9 1
2018 9 1
Ümumi 54 6

Milli komanda qolları

Nəticələr və qollar Belçika hesablamasının birinci siyahısındadır.
Milli komanda qolları
Qol Tarix Məkan Rəqib Hesab Nəticə Turnir
1. 29 Mart 2011 Kral Bauduin stadionu, Brüssel, Belçika  Azərbaycan
3–1
4–1
 UEFA Avropa 2012 təsnifat mərhələsi
2. 29 Fevral 2012 Pankritio stadionu, İraklion, Yunanıstan  Yunanıstan
1–1
1–1
 Yoldaşlıq
3. 26 May 2014 Kristal Arena, Genk, Belçika  Lüksemburq
4–1
5–1
 Yoldaşlıq
4. 10 Oktyabr 2014 Kral Bauduin stadionu, Brüssel, Belçika  Andorra
3–0
6–0
 UEFA Avropa 2016 təsnifat mərhələsi
5. 9 İyun 2017 A. Le Koq Arena, Tallin, Estoniya  Estoniya
2–0
2–0
 2018 FİFA Dünya Kuboku təsnifat mərhələsi
6. 2 İyul 2018 Rostov Arena, , Rusiya  Yaponiya
3–2
3–2
2018 FİFA Dünya Kuboku
14 iyul 2018-ci il tarixində yenilənmişdir.

Uğurları

Tvente

Belçika

İstinadlar

  1. . Premier League. 16 August 2013. 21 August 2013 tarixində arxivləşdirilib. İstifadə tarixi: 17 August 2013.
  2. . Premier League. 2016. 8 mart 2016 tarixində arxivləşdirilib. İstifadə tarixi: 7 mart 2016.
  3. (PDF). FIFA. 10 June 2018. səh. 3. 19 June 2018 tarixində (PDF) arxivləşdirilib. İstifadə tarixi: 11 June 2018.
  4. . Morocco World News (ingilis). 3 July 2018. 5 June 2022 tarixində . İstifadə tarixi: 15 July 2018.
  5. Mulvenney, Nick. . U.S. (ingilis). 5 June 2022 tarixində . İstifadə tarixi: 15 July 2018.
  6. 18 iyul 2011 at Archive.today (Dutch)
  7. . soccernews.com. 2021-07-19 tarixində . İstifadə tarixi: 2018-09-01.
  8. . 23 August 2010 tarixində arxivləşdirilib. İstifadə tarixi: 15 July 2013.
  9. . The Daily Telegraph. London. 14 September 2010. 31 October 2014 tarixində . İstifadə tarixi: 1 September 2018.
  10. Liew, Jonathan. . The Daily Telegraph. London. 29 September 2010. 31 July 2022 tarixində . İstifadə tarixi: 1 September 2018.
  11. . ESPNFC.com. August 4, 2023 tarixində . İstifadə tarixi: September 1, 2018.
  12. , Tottenham Hotspur F.C., 21 July 2013, 26 October 2017 tarixində , İstifadə tarixi: 1 September 2018
  13. . THFC. 26 October 2017 tarixində . İstifadə tarixi: 25 July 2013.
  14. . THFC. 5 February 2018 tarixində . İstifadə tarixi: 25 July 2013.
  15. On 25 September, he scored his first goal for Tottenham in a 4–0 League Cup victory over Aston Villa , Tottenham Hotspur F.C., 26 July 2013, 1 September 2017 tarixində , İstifadə tarixi: 1 September 2018
  16. . Yahoo Sports. 2013-08-20 tarixində . İstifadə tarixi: 2018-09-01.
  17. 2014-10-25 at the Wayback Machine BBC Sport. 12 February 2014. Retrieved 12 February 2014.
  18. Fifield, Dominic. . The Guardian. 24 August 2014. 24 August 2014 tarixində . İstifadə tarixi: 24 August 2014.
  19. Alan Smith. . The Guardian. 27 March 2015. 12 August 2022 tarixində . İstifadə tarixi: 20 December 2017.
  20. . West Bromwich Albion F.C. 29 August 2016. 29 August 2016 tarixində arxivləşdirilib. İstifadə tarixi: 29 August 2016.
  21. . www.bbc.co.uk/sport. 10 September 2016. 6 September 2017 tarixində . İstifadə tarixi: 17 September 2016.
  22. . The Guardian. 17 September 2016. 13 August 2022 tarixində . İstifadə tarixi: 17 September 2016.
  23. Thomas, Lyall. . Sky Sports. 11 April 2018. 31 July 2022 tarixində . İstifadə tarixi: 18 June 2018.
  24. Johnston, Neil. . BBC Sport. 16 October 2017. 29 August 2022 tarixində . İstifadə tarixi: 18 June 2018.
  25. . Monaco. 30 August 2018. 4 October 2018 tarixində . İstifadə tarixi: 30 August 2018.
  26. . BBC Sport. 17 November 2010. 19 March 2022 tarixində . İstifadə tarixi: 4 June 2014.
  27. . BBC Sport. 4 February 2011. 4 August 2023 tarixində . İstifadə tarixi: 6 February 2011.
  28. . De Telegraaf (Dutch). 28 January 2010. 10 October 2012 tarixində . İstifadə tarixi: 29 January 2010.
  29. . Sky Sports. 26 July 2013. 31 July 2022 tarixində . İstifadə tarixi: 26 July 2013.
  30. . BBC Sport. 4 June 2014. 6 June 2014 tarixində . İstifadə tarixi: 4 June 2014.
  31. . BBC Sport. 13 May 2014. 26 January 2016 tarixində . İstifadə tarixi: 15 May 2014.
  32. Chowdhury, Saj. . BBC Sport. 17 June 2014. 26 January 2016 tarixində . İstifadə tarixi: 17 June 2014.
  33. . The Independent. 21 May 2018. 6 July 2018 tarixində . İstifadə tarixi: 23 July 2018.
  34. . fifa.com. FIFA. 2 July 2018. 2 July 2018 tarixində arxivləşdirilib. İstifadə tarixi: 2 July 2018.
  35. . bbc.com. BBC. 16 July 2018. 23 July 2018 tarixində . İstifadə tarixi: 23 July 2018.
  36. George, Joseph. . The Hard Tackle. 31 July 2022 tarixində . İstifadə tarixi: 23 July 2013.
  37. . Soccerway. 5 February 2022 tarixində . İstifadə tarixi: 27 May 2014.
  38. . European Football. 1 July 2018. 3 July 2022 tarixində . İstifadə tarixi: 1 September 2018.

Xarici keçidlər

Vikianbarda Naser Şadli ilə əlaqəli mediafayllar var.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023