Nöyi sülhü - Haqqinda Melumat

Nöyi sülhü
Nöyi sülhü
İmzalanma tarixi	27 noyabr 1919
İmzalanma yeri	Nöyi-sür-Sen;
İmzalayanlar	Bolqarıstan ; Böyük Britaniya; Fransa; İtaliya; Yaponiya; Digər Antanta dövlətləri Belçika ; ÇXR ; Kuba ; Yunanıstan ; Hicaz krallığı ; Polşa ; Portuqaliya ; Rumıniya ; Yuqoslaviya ; Tailand ; Çexoslovakiya ;
Dili	fransız dili
	Vikianbarda əlaqəli mediafayllar

Nöyi sülhü və ya Nöyi-sür-Sen müqaviləsi (fr. Traité de Neuilly-sur-Seine) — Birinci Dünya müharibəsində qalib gəlmiş dövlətlərlə məğlubiyyətə uğramış Bolqarıstan arasında 27 noyabr 1919-cu il tarixində Fransanın paytaxtı Paris şəhəri yaxınlıqlarındakı Nöyi-sür-Sendə imzalanmış sülh müqaviləsi. Versal-Vaşinqton sisteminin əsasını təşkil edən müqavilələrdən biridir. 9 avqust 1920-ci il tarixində qüvvəyə minmişdir.

Nöyi sülhünün şərtləri:

Bolqarıstanın sahəsi 2566 km2 olan 4 rayonu Serblərin, Xorvatların və Slovenlərin Krallığına (1929-cu ildən Yuqoslaviya) verilmişdir.
Bolqarıstan Qərbi Frakiyadan və beş il müddətinə Egey dənizinə çıxmaq hüququndan mərhum edilmişdir.
Bolqarıstan qalib dövlətlərə 2,25 milyard qızıl frank məbləğində təzminat vermək barədə öhdəlik götürmüşdür.
Bolqarıstan öz silahlı qüvvələrini məhdudlaşdırmaq barədə öhdəlik götürmüşdür.

Nöyi sülhü 1923, 1930, 1938, 1940-cü illərdə yenidən nəzərdən keçirilmiş, İkinci Dünya müharibəsindən sonra isə tamamilə qüvvədən itmişdir.

İstinadlar

Нөји сүлһү (1919) // Азәрбајҹан Совет Енсиклопедијасы: [ 10 ҹилддә]. VII ҹилд: Мисир— Прадо. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1983. С. 300.

Əlavə ədəbiyyat

Borisova, Galina M. "Bulgaria, Greece and Britain's Policy 1919." Etudes Balkaniques (1983) 19#3 pp 77–91.
Buirette, O. "The treaties of Neuilly-sur-Seine (1919) and Sevres (1920), or the redefining of a new Balkan Europe." Bulgarian Historical Review-Revue Bulgare d'Histoire 3-4 (2001): 99-113.
Chary, Frederick B. The history of Bulgaria (ABC-CLIO, 2011).
Nestor, Stelios. "Greek Macedonia and the Convention of Neuilly (1919)," Balkan Studies (1962) 3#1 pp 169–184.

Xarici keçidlər

2015-03-16 at the Wayback Machine — "omniatlas.com" saytında.

[1] Нөји сүлһү (1919) // Азәрбајҹан Совет Енсиклопедијасы: [ 10 ҹилддә]. VII ҹилд: Мисир— Прадо. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1983. С. 300.