Mişel Yeonun atası hüquqşünas, anası isə evdar xanım olmuşdur. Mişel uşaqlıq vaxtlarında balerina ilə məşğul olurdu. Lakin onurğa sütunundan zədə aldıqdan sonra moda ilə məşğul olmağa başlayır. 1983-cü ildə Malayziyanın "Gözəllik müsabiqəsi"nin qalibi olur. Həmin ildə Londonda keçirilən "Dünya gözəli" müsabiqəsində Malayziyanı təmsil etmişdir. 1984-cü ildən başlayaraq Çarlz Cordan tərəfindən hazırlanmış Honq Konq reklamlarında Ceki Çan və Çou Yun Fat ilə birgə çəkilir. Bu ildən başlayaraq epizodik rollarda filmlərdə çıxış etməyə başlayır. İlk filmi 1984-cü ildə "Bayquş və Bombo" filmi olub. Bu filmdə Xanım Yenq rolunda çıxış etmişdir. Filmdə Sammo Hun çəkilmişdir. 1992-ci ildə Mişel Yeo "Polis əhvalatı 3" filmində Ceki Çan ilə çəkilir. Filmin çəkilişi Malayziyanın paytaxtı Kuala Lumpur şəhərində keçirilmişdir. 1997-ci ildən etibarən bir çox Honq Konq aktyor və aktrisaları kimi məşhurluq qazanmaq üçün Hollivud filmlərində çəkilməyə başlayır və məşhur olur.

Mişel Yeo 1984-cü ildən başlayaraq Çarlz Cordan tərəfindən hazırlanmış Honq Konq reklamlarında çıxış etməyə başlayır. Bu reklamları istehsal etmək üçün yenicə filmlər istehsal etməyə başlayan "D&B Films" kinokompaniyası köməklik göstərirdi. Bu kompaniya Mişel Yeonu filmə gətirmişdir. Kompaniyanın "D&B" heyətlərini Dikson Pun idarə edirdi. Mişel Yeo onunla 1988-ci ildə ailə həyatı qurur və film karyerasını tərk edir. Lakin Mişel Yeo Diksondan 1992-ci ildə boşanır və yenidən film karyerasına başlayır. Mişel Yeo ondan ayrılmasına baxmayaraq Diksonla və onun yeni həyat yoldaşı ilə yaxşı münasibətdədir. Mişel onun qızının ikinci xaç anasıdır. Hal-hazırda Mişel Yeo "Beynəlxalq avtomobil federasiyası"nın prezidenti Jan Todt ilə görüşür. Lakin müsahibələrin birində Mişel Yeo bunu təkzib etmişdir.

• Ceki Çan
• Sintiya Rotrok

•  — complete website on Michelle Yeoh
• (Salon magazine).
• 2010-06-12 at the Wayback Machine