Metin Oktay futbol karyerasına 1952-ci ildə doğulduğu İzmirin həvəskar komandalarından Damlacıksporun aşağı yaş qruplarında başladı. Futbolçu Sait Altınorduya olan heyranliğindan burada 8 nömrəli formanı geyinirdi. Çeşmenin Alaçatı bələdiyyəsində oynanan və 4-1 qazanılan hazırlıq görüşündə 2 qol vuran Oktaya baş məşqçi Arif Hantal tərəfindən verilən 2,5 lirə, onun futboldan qazandığı ilk pul idi. İzmirspor formasıyla İzmir Profesional Ligasının 1954-55 mövsümündə 18 oyunda 17 qol ataraq ilk bombardirliyini yaşadı. Komandası isə liganı çempionluqla tamamlamışdır. 7 May 1955 də Beşiktaş ilə oynanan və 1-0 məğlub olunan Atatürk Kubokunda ilk dəfə sınaq məqsədi ilə Galatasaray forması geyindi. İyul 1955 də isə, Gündüz Kılıçın baş məşkçiliyini elədiyi Galatasaray ilə 5 ilik müqavilə imzaladı. Oktayın imzaladığı müqavilə qarşılığında taksi nömrəli Chevrolet markalı maşın verildi. 1962-63 sezonuna Galatasaray, hazırlıq turniri olan Türkiyə Spor Yazarlar Dərnəyi Kubokunu qazanaraq başladı.

11 Aprel 1954 də, Qərbi Almaniyanın Leverkusen şəhərində Türkiyə 18 yaş milli komandasının Belçikayı 4-0 uduğu və özünün 2 qol atdığı 1954 Dünya Gənclər Çempionatı oyununda ilk dəfə milli forma geyindi.

Türkiyə formasıyla ilk oyununa 18 Dekabr 1955 də, Portuqaliya ilə oynanan hazırlıq qarşılaşmasında çıxdı. Bu oyunu 3-1 qazanan Türkiyənin 2-ci qolu Oktaydan gəldi. 25 Dekabrda, Fransa B komandası ilə oynanan və 3-1 məğlub olunan Akdeniz Kuboku oyununda da komandasının tək qolunu Metin Oktay atdı. 10 Oktyabr 1962 də, Efiopiya ilə oynanan ilin ilk mili oyununda üç qol birdən ataraq hat trick elemey bacardı. 11 Dekabr 1968 də, 1970 FİFA Dünya Kuboku seçmə mərhələsində Şimali İrlandiya ilə oynanan və komandanın lideri olaraq yer aldığı oyunda son dəfə milli formanı geyindi.Toplamda 36 Milli oyunda forma geyinən Metin Oktay, 19 qol atmağı bacardı.

İzmir Profesional Liqası bombardiri (1):1954-55 (17 qol) İstanbul Profesional Ligası bombardiri (4): 1955-56 (19 qol),1956-57 (17 qol),1957-58 (19 qol),1958-59 (22 qol) Super Liga bombardiri (6):1959 (11 qol),1959-60 (33 qol),1960-61 (36 qol),1962-63 (38 qol),1964-65 (17 qol),1968-69 (17 qol)