Messi Rusiyanın Saransk şəhərində yerləşən bir zooparkda doğulmuşdur. O, həmin dövrdə "Barselona" klubunda çıxış edən futbolçuların şərəfinə adlandırılmış və yenicə doğulmuş olan 3 puma balasından biri idi. Belə ki, o, Lionel Messinin şərəfinə adlandırılmışdır. Digər puma balaları isə adlarını Suarez və Neymardan götürmüşdür. Puma balalarının futbolçuların şərəfinə adlandırılmasının səbəbi Saransk şəhərinin 2018 FİFA Dünya Kubokuna ev sahibliyi edəcək şəhərlərdən biri olması idi. Messi üç aylıq olanda onu Penza şəhərində yerləşən bir zooparka satmışdırlar.

Messi digər erkək pumalara nisbətən balaca idi və yaşamaq üçün adaptasiyaya malik deyildi. Müxtəlif sağlamlıq problemləri olduğu üçün zooparka və ya heyvan sığınacağında yaşaya bilməzdi. Bunlara görə də zoopark işçiləri onu evtanaziya etməyi planlaşdırmışdılar.

2016-cı ildə Aleksandr və Mariya Dmitriyev Penza zooparkını ziyarət etmiş və ilk dəfə Messi ilə tanış olmuşdular. Cütlüyün Kira adlı sfinks pişiyi olsa da, Aleksandr həmişə böyük pişik saxlamaq istəyirdi və zooparka Messini almaq üçün böyük məbləğdə pul təklif etmişdir:"Zooparka getdik və Messini almaq üçün danışıqlara başladıq. Onlar razılaşanda biz özümüz də təəccübləndik".

Cütlük Messini alanda Penzada yerləşən kiçik studiya mənzilində yaşayırdılar. Mənzilin yarısı Messinin yaşaması üçün modifikasiya edilmişdi. Messi boş butulkalar və toplarla oynamağı sevir. O, çox sakit təbiətə malik puma kimi təsvir olunur; heç vaxt insana və ya başqa heyvana hücum etməyib. Dmitriyev ailəsi bəzən ona "pişik balası" kimi xitab edir.

Ailə Messiyə ev iti kimi davranır. O, yerli it təlimi mərkəzində təlim görmüş, hətta 10 əmr üzrə davranmağı öyrənmişdir. Dmitriyevlər Messini gəzdirməyə çıxaranda istifadə edirlər.

Messi gündə iki dəfə yedizdirilir. Ona əsasən çiy hind quşu, inək və ya toyuq əti verilir. Onun gündəlik yeməyinin məbləği 630 rubla bərabərdir. Ailə onu tez-tez hamamda çimizdirir və mütəmadi olaraq dırnaqlarını tutur.

2017-ci ildə Dmitriyevlər ailəsi Messi üçün "I_am_puma" adlı Instagram hesabı və YouTube kanalı açmışdırlar. Bu hesab və kanalda Messinin gündəlik həyatına dair fotolar və videolar paylaşılır. Tezliklə Messi sosial şəbəkələrdə böyük izləyici kütləsi toplamışdır: 2018-ci ilin yanvarında hesabın 150 min izləyicisi olmuş və 50 milyon baxışa çatmışdır.

Hazırda Instagram hesabının 1,8 milyon izləyicisi, YouTube kanalının isə 2,1 milyon abunəçisi var. Sosial şəbəkə hesablarını Mariya idarə edir.

• , Instagram hesabı.
• , YouTube kanalı.