Mahatma Qandi Dəniz Milli Parkı (hind. महात्मा गांधी समुद्री राष्ट्रीय उद्यान) — Hindistana məxsus Andaman adalarında yerləşən milli park. Milli park Andaman və Nikobar adalarının paytaxtı 29 km uzaqlıqda yerləşir, sahəsi 281,5 km2 təşkil edir. 15 adadan və açıq dəniz kriklərindən ibarətdir. Milli parkın Colli Buoy və Red Skin adaları ekoturizm potensialına sahibdir. Bəzi mövsümlərdə milli parkdakı sualtı həyatı və mərcan riflərini görmək üçün şüşəli qayıq, dayvinq və snorkelinq xidmətləri təklif olunur.
| Mahatma Qandi Dəniz Milli Parkı | |
|---|---|
| hind. महात्मा गांधी समुद्री राष्ट्रीय उद्यान | |
 Milli parkdakı 15 adadan biri olan Colli Buoy adası | |
BTMB kateqoriyası — II (Milli park).svg){kind=logo} |
|
| Sahəsi | 281,5 km2 ha |
| Mütləq hündürlüyü | 78 m |
| Yaradılma tarixi | 1983 |
| Florası | manqrov |
| Faunası | dəniz tısbağaları |
| Yerləşməsi | |
| 11°34′14″ şm. e. 92°39′25″ ş. u. | |
| Ölkə |
 Hindistan
|
| Yerləşməsi | Andaman adaları |
| Yaxın şəhər | |
|
|
|
 Vikianbarda əlaqəli mediafayllar | |
Tarixi
Mahatma Qandi Dəniz Milli Parkı 24 may 1983-cü ildə Vəhşi həyatın qorunması haqqında qanuna (1972) əsasən sulatı həyatı — mərcan riflərini və geniş yayılmış dəniz tısbağalarını qorumaq üçün yaradılmışdır. Adalar məskunlaşılmamış olsalar da, qonşu 8 kənddə 3000 nəfər yaşayır.
Adalar
- Aleksandra
- Bell
- Boat
- Çester
- Qrub
- Hobdey
- Colli Buoy
- Malay
- Pluto
- Red Skin
- Riflemen
- Rutland
- Snob
- Tarmuqli (ən böyük adadır)
- Tuinz
Ekosistemlər
Milli parkdakı mərcan riflərinin çoxu sahilyanı mərcan rifləridir. Vegetasiyanın tipi və ölçüsü adadan adaya dəyişir. Milli parkda turist adaları ilə izolyasiya olunmuş adalar arasındakı fərqləri görmək mümkündür. Turist adalarında antropogen təsirlər aydın nəzərə çarpır. Benqal körfəzinin yaratdığı iqlim şəraiti səbəbi ilə bəzi adalar izolyasiya olunmuş və ya qorunmuşdur. Milli parkın ən böyük adası olan Tarmuqli manqrov bitkiləri, çimərliklər, kəsilməmiş ağaclar ilə əhatə olunub. Parkda yerləşən Tuinz adası dəniz tısbağaları üçün əhəmiyyətli çoxalma sahəsidir.