Qurbanov Məhərrəm Valeh oğlu (24 iyul 1959, Kirovabad – 21 avqust 2019, Bakı) — Azərbaycan aktyoru.
| Məhərrəm Qurbanov | |
|---|---|
| Məhərrəm Valeh oğlu Qurbanov | |
| Digər adı | Məşdi |
| Doğum tarixi | 24 iyul 1959 |
| Doğum yeri | |
| Vəfat tarixi | 21 avqust 2019 (60 yaşında) |
| Vəfat yeri | |
| Vətəndaşlığı | |
| Uşağı | Qurbanova Aytən Məhərrəm qızı |
| Atası | Qurbanov Valeh Tapdıq oğlu |
| Fəaliyyəti | aktyor |
| IMDb | |
Həyatı
Məhərrəm Qurbanov 24 iyul 1959-cu ildə Gəncə şəhərində anadan olmuşdur. 1982-ci ildə Bakı Mədəni-Maarif texnikumunu fərqlənmə diplomu ilə bitirmişdir. 1983-cü ildə Azərbaycan Dövlət İncəsənət İnstitutuna daxil olmuşdur. 1988-ci ildə oranı bitirib və həmin ildə Gəncə Dövlət Dram Teatrında aktyor kimi fəaliyyətə başlamışdır.
1996-cı ildə Azərbaycan Dövlət Musiqili Komediya Teatrına aktyor vəzifəsinə qəbul olunmuşdur. Teatrda işlədiyi müddət ərzində S. Ələsgərov "Subaylarınızdan görəsiniz"də Əbülhəsən, E. Sabitoğlu "Nəğməli Könül"də İnzibatçı, E. Sabitoğlu "92 dəqiqə gülüş"də Mağaza müdiri, O. Rəcəbov "Əlin cibində olsun"da oğlan, R. Mustafayev "Məsmə xala dayımdır"da Cəfərqulu, E. Sabitoğlu "Bankir adaxlı"da cangüdən, sərxoş ər, S. Fərəcov "Bir günlük siğə"də Parnok, O. Rəcəbov "Şeytanın yubileyi"ndə Səlim, M. F. Axundov "Kimyagər" tamaşasında Ağa Zaman , İ. Gözəlova "Min bir gecə" tamaşasında Padşah, Elçin " Baladadaşın toy hamamı" Əmirqulu, Ekzüperinin "Balaca şəhzadə" tamaşasında Əyyaş və s. obrazları özünəməxsuz ustalıqla oynamışdır.
"Ay Yay Yay" serialında polis rəisi obrazını, "Kolxoz 85" serialında Şiraslan obrazını, "Anam, bacım, rus gəlin " serialında Fazil obrazını, "İmtahan" sürialında Eldar obrazını və "Niyə ?!" serialında Evro Kamandar onrazını canlandırmışdır.
Məhərrəm Qurbanov 19 avqust 2019-cu il tarixində ağır beyin kötüyü insultu keçirmiş, gecə ilə xəstəxanaya çatdırılmış, Mərkəzi Klinikanın reanimasiya şöbəsinə yerləşdirilmişdir. Məhərrəm Qurbanovun vəziyyəti daha da ağırlaşmış, 21 avqust 2019-cu il tarixində dünyasını dəyişmişdir.
Ailəsi
Ailəli idi. Bir övladı var
Filmoqrafiya
- Qız qalası (film, 2000)
- Ərazi (film, 2005)
- Ayrılıq imiş (film, 2008)
- (bədii serial) (rol: böyrəyi alan həkim; təzə qonşu)
- (teleserial, 2014 Şiraslan obrazı)
- Axırıncı yol (film, 2016)
- 28 iyun (teleserial, 2016)
- (film, 2016, Əlövsət obrazı)
- İmtahan (teleserial, 2017, Eldar obrazı)
- (film 2017, Lenin obrazı)
- (teleserial, 2018, Fazil obrazı)
- (teleserial, 2018 Polis obrazı)
- Son nəfəsədək (film, 2018)