Hesab edirəm ki, məqalə həddindən artıq belə demək olarsa "pro-hökumət" stildədir. Əslində bunda müəyyən anlarda qəbahətli heç nə yoxdur. Ancaq bu açıq və aydın, mübahisə doğurmayan və sual altında olmayan məsələlə aid ola bilər. Ancaq məqaləyə nəzər edəndə, əksini görürəm.

Məqalədə qeyd olunur:

1. 1997-ci ilin iyun ayında Azərbaycan Respublikasının Milli Məclisi ictimaiyyətin rəyi ilə razılaşaraq, 15 iyun gününü bayram elan etdi.

Şəxsən mən o dövrdə heç bir ictimai rəyin öyrənilməsini nə görmüşəm, nə də eşitmişəm. Mənə elə gəlir ki, bu "ictimai rəy" bir qrup şəxs tərəfindən qəbul olunub, vəssalam :). Əgər səhv deyirəmsə, genişmiqyaslı debatlar, iclaslar, uzun sürən demokratik müzakirələr gedibsə - göstərin. Mənbə yoxdur.

2. Müstəqil Azərbaycanda qeyd edilən 15 iyun - Milli Qurtuluş günü Azərbaycan xalqının fəlakətlərdən qurtulduğu, qüdrətli bir dövlətin bünövrəsinin qoyulduğu gündür.

Bu cümlə isə ümumiyyətlə elə bil YAP qərargahında yazılıb və vikipediyaya yerləşdirilib. Dostlar və dəyərli həmkarlar, məncə bu cümlə nəinki artıq, o yumşaq desək sübutsuzdur. Məncə heç bir həmkarım, həqiqətən böyük maarifçi, sərvət olan Vikipediyada bu cür həddindən artıq şişirdilmiş, yumşaq desək sübutsuz və ən-əsası dezinformasiyanın yayılmasına müsbət yanaşmaz. O üzdən bu cümlənin məqalədə ümumiyyətlə yersiz olduğunu düşünürəm. Bu cümlənin Vikipediyada qalmasını sübut etmək üçün, bir, heç iki dənə də mənbə bəs deyil :). Cümlənin istinad edildiyi mənbə isə əyləncəli (!) və heç bir tarixi, milli iddiaya malik olmayan qaynağdır. Bu çox iddialı cümlədir. Hamı tərəfindən qəbul edilməlidir. ADR və ADR hökumətinin bir mənalı olaraq (həm yerli həm də xarici) hamının konkret əməllərinə görə konkret tanıyan kimi. Heç bir süni artım və baryer olmadan. "Azərbaycan xalqının fəlakətlərdən qurtulduğu, qüdrətli bir dövlətin bünövrəsinin qoyulduğu gündür" iddiası bilirsiniz nə deməkdir? :). Bu cür cümlənin istinad etdiyi mənbə əyləncəli xarakterdir.

3. Lakin müstəqilliyin ilk illəri siyasi hakimiyyət boşluğu və dövlətin əsaslarının, ordu və dövlət təhlükəsizliyi orqanları da daxil olmaqla, dövlətin bütün təsisatlarının boşluğu ilə əlamətdar idi.

Məlumdur ki, Azərbaycan Silahlı Qüvvələri məhz Xalq Cəbhəsi (və Müsavat) hakimiyyəti dövründə Dağlıq Qarabağda (və lokal Aşağı Qarabağ) özünün ən uğurlu əməliyyatlarını keçirmişdir. (, ). Dövlət əsasları xaotik idarə edildikdə, əsaslar və ordu təhlükəsizlik orqanları daxil olmaqla, dövlətin bütün (!) təsisatlarında boşluq olanda silahlı qüvvələr uğurlu (!) hərbi əməliyyatlar keçirir? Bu cümlə də yanlışdır. Neytrallıq və ən əsası dezinformasiyaya görə ləğv edilməlidir.

4. Ermənistanın işğalçılıq niyyəti güdən təcavüzü respublikada vəziyyəti daha da gərginləşdirirdi.

Yuxarıdakı cümləmə əlavə olaraq qeyd edirəm. Hesab edirəm ki, vəziyyəti gərginləşdirən erməni təcavüzü deyil, başqa səbəb idi. Əlbəttə ki, bu üzdən gərginlik var idi. Ancaq məlumdur ki, son həddə, maksimuma çıxaran erməni təcacüzü yox, Gəncədəki qiyam oldu. Çıxarılmalıdır!

5. Artıq vətəndaş müharibəsi başlanmışdı.

Vətəndaş müharibəsi başlanmamışdır. Əgər başlanmışdırsa, mənbə lütfən. Xahiş edirəm, netral və mötəbər! Hörmətlə. --_{Proger danış} 23:36, 14 İyun 2010 (UTC)

Birinci, onu demək istəyirəm ki, məqalə Seçilmiş məqalə deyil və hər bir qeydiyyatdan keçmiş istifadəçi redaktələrini edə bilər. İkinci, "mənbəsiz" kəlməsini daxil edib, qaçmaq asandır. redaktə etmək çətindir :) Üçüncü, Vikipediya siyasi baxışların müzkirəsi yeri deyil, biliklərin toplandığı yerdir. Mən bacardığım qədər məlumat daxil etdim, məqsədim isə gənclərdə dövlətçiliyimizə, xalqımıza hörmət aşılamaq, müəyyən məlumat verməkdir. Qalanını siz edin :) Dördüncüsü, Ermənistanın işğalçılıq niyyəti güdən təcavüzü respublikada vəziyyəti daha da gərginləşdirirdi. mənbə daxil etdim Beşincisi, Artıq vətəndaş müharibəsi başlanmışdı. düzdür. Gəncədə baş verənıər nə idi? Uşaq oyuncağı?

Mən yapın üzvü olmasam da məqalədəki bir çox fikirlərlə razılaşıram. Məqalə açıqdır - hər kəs redaktə edə bilər. bayramla əlaqədar məqalə Ana səhifədə yalnız bir gün qalacaq.--Ira 05:38, 15 İyun 2010 (UTC)

Mda... Heç kim qaçmır. Lütfən, bu cür cümlələrdən uzaq durun. Bu boyda şeyi də bura yazan, qaçan deyil. "Mənbəsiz" qeyd etmək olmaz? Məqaləni əsas zənginləşdirən Siz olmusunuz. Silməyib bir-başa mənbə istəyirəm. Pis edirəm? Bəlkə soruşmadan, silsəydim daha yaxşı və hörmətli olardı? Yuxarıda ona görə bunları yazmışam ki, sonrakı dəyişiklik və redaktələr edəndə əsaslı olsun. Vikipediya siyasi baxışların müzkirəsi yeri deyil, biliklərin toplandığı yerdir deyirsiniz, güya mən nə deyirəm? Məqalə agitasiyadır elə bil. Gəncədə baş verənlər isə qiyam idi. Hər şeyi öz adı ilə çağırın. Mənbəsi mötəbərsiz olan, əsassız cümlələri çıxaracam. Hörmətlə --_{Proger danış} 08:54, 15 İyun 2010 (UTC)

Mən indi baxdım götərdiyiniz mənbəyə. Bu Müsavat qəzetinin saytından götürülmə mənbədir. Əslində bu cür məqalələrdə gərək tamamilə qıraq, bu işlərdə heç bir iştirakı olmayan mənbələrə istinad edilsin. Ancaq onu nəzər alsaq ki, Müsavat qəzeti artıq çoxdandır Müsavat partiyasının deyil, məncə mənbə "ermməni təcavüzü" məsələsində qala bilər. --_{Proger danış} 08:59, 15 İyun 2010 (UTC)

Proger, xahiş edirəm, sözlərimdən inciməyin. "Qaçamaq" sözünü yazmaqla mən bir növ Sizi məqalənin redaktəsinə cəlb etmək istədim və göründüyü kimi də nail oldum :). Redaktələrinizə görə təşəkkür edirəm. Bir də Gəncədəki qiyam özü də vətəndaş müharibəsinin başlanğıcı idi. Sürətin silahlıları Bakıya gəlsəydi nə baş verərdi, təsəvvür etmək belə dəhşətlidir. Hər halda normal məqalə bu cür müzakirələr, əsasən də Sizin kimi təcrübəli və prinsipial istifadəçilərin zəhməti hesabına yaranır. Uğurlar --Ira 11:21, 15 İyun 2010 (UTC)

Ortaq məxrəcə gəldiyimizə görə təşəkkür edirəm :). --_{Proger danış} 14:27, 15 İyun 2010 (UTC)