Kəndin tarixi haqqında dəqiq məlumat verən mənbə hələ ki yoxdur. Onun tarixi diqqətlə və elmi şəkildə araşdırılmamışdır. Bir neçə fərziyyələr mövcuddur. Kəndin yaşlı və ağsaqqlarının dediyinə görə bu kənd Kosa Əli və onun kiçik qardaşı Canəli tərəfindən salınıb. Ona görə bu kənd hazırda Kosalar, yəni Kosa Alılar, qonşu kiçik kənd isə Canallı (Yəni Canəlidən törəyənlər) adlanır. Hazırda bu iki kəndin evləri tamamilə birləşmişdir.

Kənd Gəncə-Qazax düzənliyində yerləşir. Yaşayış məntəqəsi kəndin əsasını qoymuş kosalar nəslinin adını daşıyır.

Kənd Qazax rayonundan 5 kilometr şimal-şərqdə, Qazax-Tiflis yolunun şərq tərəfində yerləşir. Əvvəllər Kosalar kəndi Qazaxla bitişik olmuş, sonradan həmin ərazilər (keçmiş tütün fabrikinin yanı, dəmir yolu körpüsü sahəsi) Qazax rayonuna verilmişdir. Kosalar kəndinin coğrafi mövqeyi elədir ki, təbii fəlakətlərlə heç vaxt üzləşmir. Nə sel, nə tufan, nə güclü yağış bu kəndə zərər vurmur. Ərazisi düzənlik-təpəlikdir. İqlimi orta mötədildir. Kənd bir neçə məhəllədən ibarətdir.

• Barat Vüsal — azərbaycanlı şair, publisist, ictimai xadim, əməkdar incəsənət xadimi, Azərbaycan Yazıçılar Birliyinin Qazax Bölməsinin sədri.
• Kərəm Hacızadə — Azərbaycan Dövlət Gənc Tamaşaçılar Teatrının aktyoru "Fəxri Mədəniyyət İşçisi" döş nişanı ilə təltif olunmuşdur.
• Həsən Əliyev — Azərbaycanlı yunan-roma güləşçisidir. 2010-cu ildə Rusiyanın paytaxtı Moskva şəhərində keçirilən Dünya Çempionatının qızıl medalçısı, Avropa Çempionatının 1 qat qızıl, 1 qat gümüş və 4 qat bürünc medalçısıdır. 2015-ci ildə Azərbaycanın paytaxtı Bakı şəhərində keçirilən 2015 Avropa Oyunlarının bürünc medalçısıdır.
• Fazil Yusif (1962) - neft-kimya sənayesində mühəndis. Beynəlxalq layihəllərin idarə edilməsində xüsusu xidmətlərinə görə Azərbaycan resublikasının sərəncamı ilə tərəqqi medalına layiq görülmüşdür. Neft-kimya sahəsi üzrə azərbaycan-rus-ingilis lüğətinin yaradıcısı və müəllifidir.

Əhali nin əsas məşğuliyyəti heyvandarlıq, bağçılıqdır.

• -da bax :