Gənclik illərində piano, musiqişünaslıq və kompozisiya təhsili almış Karabits, on üç yaşından drijorluqla maraqlanır. Onun ilk müəllimi Tatyana Kozlova olur. Kiyevdə o, Lisenko Musiqi Məktəbi və P.İ.Çaykovski adına Milli Musiqi Akademiyasında təhsil alır.

1995-ci ildə o, Vyana Konservatoriyasında təhsil almağa başlayır və beş il sonra drijor diplomu alır. Eyni zamanda Ştuttqartdakı “Bachakademie”yə qəbul olan Kirill, burada və Piter Gülkedən təhsil alır. “Berliner Singakademie”də elmi tədqiqatla məşğul olan Kirill, Karl Filipp Emanuel Bax tərəfindən 1784-cü ildə yazılmış və itirilmiş hesab edilən “İohannın ehtirasları” əsərinin əlyazmasını üzə çıxarır və köçürür.

Karabits, izləyicilər qarşısında ilk drijorluğunu 19 yaşında edir.1998-2000-ci illərdə o, Budapeşt Festival Orkestri drijorunun assisantı olur. 2002-2005-ci illərdə o, Radio Fransa Filarmonik Orkestrının əlaqəli drijoru kimi çalışır.

2005-2007-ci illərdə Karabits Strasburq Filarmoniya Orkestrının əsas qonaq drijoru olur. 2006-cı ilin oktyabrında Karabits ilk dəfə Bornmut Simfonik Orkestrı (BSO) ilə çıxış edir, həmin orkestrlə ikinci çıxışı isə 2007-ci ilin oktyabrında baş tutur və hər iki çıxış yüksək qiymətləndirilir. Orkestr üzvləri arasında keçirilən anonim səsvermədən sonra, 2007-ci ilin noyabrında Kirill Karabitsin 2009-2010-cu il mövsümündə orkestrın əsas drijoru olacağını açıqlayır. Üç konsert çıxışından sonra Karabits 2008-2009-cu il mövsümünün də əsas drijoru titulunu ala bilir. 2009-cu ilin avqustunda o, BSO ilə birlikdə ilk dəfə BBC tərəfindən təşkil edilən ənənəvi “” tədbirində çıxış edir, 2009-cu ilin oktyabrından etibarən isə formal olaraq BSO-nın əsas drijoru kimi təqdim olunur.

O, Böyük Britaniya orkestrının əsas drijoru olan ilk Ukrayna drijorudur. Onun ilkin müqaviləsi dörd il üçün nəzərdə tutulmuşdu. BSO ilə birlikdə o, “Naxos” leyblı üçün Rodion Şedrinin, “Onyx Classics” leyblı üçün isə Aram Xaçaturyanın əsərlərini lentə almışdır. 2011-ci ilin avqustunda Karabits və BSO müqavilə müddətinin 2015-2016-cı il mövsümünə kimi üç il müddətində uzadılması haqqında müqavilə imzalayır. 2015-ci ilin aprelində BSO Karabitslə iş müddətinin 2018-ci ilə kimi uzadılması haqqında razılaşma əldə edildiyini açıqlamışdır. 2017-ci ildə Karabits BSO ilə birlikdə "Chandos" leyblı üçün Qara Qarayevin orkestr əsərlərini lentə almışdır.

2013-cü ildə Karabits ilk dəfə Polşanın “I,CULTURE” Orkestrına drijorluq etmişdir. 2014-cü ilin sentyabrında orkestr Karabitsin yeni bədii direktor təyin edilməsini açıqlamışdır. 2014-cü ilin noyabrında qonaq drijor kimi Veymarda Almaniya Milli Teatrında çıxış etmişdir. 2015-ci ilin martında o, Veymardakı Almaniya Milli Teatrında çıxış etmişdir. Bu çıxışlardan sonra 2015-ci ilin iyulunda Almaniya Milli Teatrı və Veymar Dövlət Kapellası 2016-2017-ci il mövsümündə Karabitsin əsas musiqi direktoru və baş drijor olması üçün 3 illik müqvilə imzalanmasını elan etmişdir.

• 2006 - : Pastorelle en Musique, Capriccio Records
• 2006 - : Pêcheur d'Islande; Rhapsodie pour Violoncelle; Oedipe à Colone, Timpani
• 2009 - De Falla: El Sombrero de Tres Picos; Prokofiev: The Buffoon, Haenssler
• 2010 - Shchedrin: Concertos for Orchestra Nos. 4 & 5, Naxos
• 2011 - Khatchaturian: Spartacus; Gayaneh, Onyx
• 2011 - Tchaikovsky: Symphony No. 2; Mussorgsky: Pictures at an Exhibition; Night on Bare Mountain, Onyx
• 2012 - The Silver Violin, Decca
• 2012 - John Williams: Main Theme from Schindler's List, Decca
• 2013 - : Concertos for Orchestra; Valentin Silvestrov: Elegie; Abschiedsserenade, Naxos
• 2013 - & Shostakovich, Onyx / Onyx Classics
• 2014 - Prokofiev: Symphonies Nos. 3 & 7, Onyx / Onyx Classics
• 2014 - Prokofiev: Symphonies 1 & 2; Sinfonietta, Onyx / Onyx Classics
• 2015 - Prokofiev: Symphonies 4 (Op. 47) & 5; Dreams, Onyx Classics
• 2015 - Prokofiev: Symphonies Nos. 4 & 6; Symphonic Fragment, Onyx / Onyx Classics
• 2016 - Shostakovich, Glazunov, Decca
• 2017 - Rachmaninov: Piano Concerto No. 2; Variations, Decca
• 2017 - Kara Karayev: Seven Beauties Suite; Leyla and Mejnun; Don Quixote; Lullaby from 'The Path of Thunder', Chandos