Kill la Kill (yaponca: キルラキル, Hepbörn: Kiru Ra Kiru?, azərb. Ya öldür, ya öl‎)Trigger studiyası tərəfindən istehsal olunmuş anime serialı. Kimsəsiz məktəbli qız Ryuko Matoyun atasının qatilinin axtarışına çıxmasından, Honnoci Akademiyasının məktəb şurasının prezidenti Satsuki Kiryuin ilə münaqişəyə girməsindən və anasının dəb imperiyasından bəhs edir.

Kill la Kill
Anime serialının posteri.
キルラキル
(Kiru Ra Kiru)
azərb. Ya öldür, ya öl
Janr döyüş, komediya-drama, maho-şoco
Anime
Rejissor Hiroyuki İmayşi
Ssenarist Kazuki Nakaşima
Bəstəkar Hiroyuki Savano
Studiya Trigger
Digər lisenziyalar
Madman Entertainment
Aniplex of America
Anime Limited
Kanal MBS, TBS, CBC, BS-TBS
Digər kanallar
Adult Swim (Toonami)
Buraxılış tarixi 4 oktyabr 2013 – 28 mart 2014
Vaxt 24 dəq.
Seriyalar 24
Manqa
Rəssam Ryo Akizuki
Nəşriyyat Kadokawa Shoten
Tərcüməçi nəşriyyat
Udon Entertainment
Demoqrafiya Seynen
Nəşr tarixi 4 oktyabr 2013 – 4 mart 2015
Cildlər 3
Anime
Goodbye Again
Rejissor Hiroyuki İmayşi
Ssenarist Kazuki Nakaşima
Bəstəkar Hiroyuki Savano
Studiya Trigger
Digər lisenziyalar
Aniplex of America
Vaxt 25 dəq.
  Anime və manqa portalı

"Kill la Kill" Trigger studiyasının ilk orijinal anime serialıdır. Anime serialının rejissoru Hiroyuki İmayşi, ssenari müəllifi Kazuki Nakaşimadır. Onlar daha əvvəl "Gurren Lagann" animesi üzərində birlikdə işləmişdilər. Anime Yaponiyada 4 oktyabr 2013-cü ildən 28 mart 2014-cü ilə kimi yayımlanmışdır.

Anime serialı ABŞ-nin Adult Swim kanalının Toonami blokunda 8 fevral 2015-ci ildə göstərilməyə başlamışdır. Ryo Akuzuki tərəfindən hazırlanan manqa adaptasiyası Kadokawa Shoten nəşriyyatının "Young Ace" jurnalında 4 oktyabr 2013-cü ildə nəşr olunmağa başlamışdır. 3 sentyabr 2014-cü ildə anime serialının əslində 25-ci seriyası olan OVA seriyası buraxılmışdır.

Məzmun

"Kill la Kill"-də hadisələr Tokio körfəzinin Honno şəhəri adasında yerləşən uydurma Honnoci Akademiyasında (本能字学園 Honnōji Gakuen) baş verir. Akademiyada Satsuki Kiryuin tərəfindən başçılıq edilən şura dominantlıq edir. Tələbələr Goku uniformaları (極制服 Gokuseifuku, gokusei (極製?, "ən yaxşı keyfiyyət") + seifuku (制服?, "məktəbli forması")) geyinirlər. Goku uniformalarını geyinənlər super güclərə malik olurlar, çünki bu uniformalar Həyat lifləri (生命戦維 Seimei Sen'i) adlandırılan xüsusi materialdan hazırlanır. Akademiyaya yeni gələn tələbə Ryuko Matoy Goku uniformalarını kəsə bilən qayçıyabənzər qılıncı ilə silahlanaraq atasının qatilini tapmaq üçün şuraya meydan oxuyur. İlk başda uduzmasına baxmayaraq Ryuko tamamilə Həyat lifindən hazırlanmış və adi Goku uniformasından qat-qat güclü olan və şüurlu xüsusi forma növü — Kamui (神衣, azərb. Tanrı xələti‎) tapır və ona Senketsu adını verir. Ryuko Senketsunun köməyi ilə Kiryuin və onun köməkçilərinə qarşı döyüşə bilir. Ryuko hiperaktiv sinif yoldaşı Mako Mankanşoku ilə dostlaşır və onun ailəsi ilə yaşamağa başlayır.

Tezliklə Satsuki Goku uniformalarının zəif yerlərini tapmaq üçün Yarayan adamlar seçkisi adlı döyüş seriyası keçirir və Ryuko 3 ulduzlu Goku uniformaları geyinən Elit dördtlük ilə üzləşir. Son dueldə Nui Harime gəlir və atasının qatilinin o olduğunu deyir. Doğan döyüşdə Ryuko kontrol edilə bilməyən bədheybətə çevrilir.

Satsuki Üç Şəhər Reydi başladır və Yaponiyanın digər regionlarında yerləşən əsas məktəbləri tərkibinə qatır. Səfər zamanı Satsuki Ryukonun müəllimi olan Aykuro Mikisuqi tərəfindən idarə edilən Nudist çimərliyi (ヌーディスト・ビーチ Nūdisuto Bīchi) adlı yarı-hərbi təşkilatı məhv edir. Satsuki bütün dünyada paltar bazarında hegemon olan REVOCS Corporation (REVOCSコーポレーション Ribokkusu Kōporēshon) şirkətinin CEO-su və Honnoci Akademiyasının direktoru olan anası Raqyo Kiryuini qarşılamaq üçün festival təşkil edir. Mikisuqi aşkar edir ki, REVOCS şirkəti tərəfindən istehsal olunan paltarların tərkibində olan Həyat lifləri əslində yadplanetli parazitlərdir və onları geyinənləri məhv edirlər. Parazitlər festivalı izləyən kütləni "yeməyə başlayanda" Satsuki anasına xəyanət edir və məlum olur ki, onun həmişə əsas məqsədi Raqyonu məhv etmək olub. Lakin üsyan qısa çəkir, çünki Raqyo əslində çox güclüdür. Məlum olur ki, Ryuko əslində Raqyonun öz qızı, Satsukinin isə kiçik bacısıdır. Ryuko körpə ikən Raqyonun Həyat lifi təcrübələrinin birindən sağ çıxıbmış və Raqyonun itmiş əri İşşin Matoy tərəfindən böyüdülübmüş.

Bir ay sonra Raqyo və Həyat lifləri bütün Yaponiyanı işğal edir, Satsuki isə Raqyonun əsirliyi altındadır. Elit dördlük Goku formalarsız qalır və Nudist çimərliyində Ryuko ilə gizlənməyə məcbur olur. Satsuki Elit dördlük tərəfindən xilas edilir, amma Raqyo Ryukonun zehnini kontrol edib Satsukiyə qarşı döyüşməsinə səbəb olur. Ryuko özünə gələndə Satsuki ilə birləşib bütün dünyanı işğal etməyə və Həyat liflərinə bütün kainatda yaymaq üçün çalışan Raqyoya qarşı meydan oxuyurlar. Ryuko açıq kosmosda Raqyo ilə döyüşür, qalib gəlir və bütün Həyat liflərini məhv edir.

OVA seriyasında Raqyonun köməkçisi Rey Honnoci Akademiyasının məzuniyyətinə hücum edir, lakin Satsuki Reyin fikrini dəyişdirə bilir. Honno şəhərinin batışı ilə Honnoci Akademiyası bağlanılır və hər kəs normal həyata başlayır.

İnkişaf

Hiroyuki İmayşinin rejissorluğu ilə Trigger studiyası tərəfindən çəkilmiş anime serialı ilk öncə Kadokawa Shoten nəşriyyatının "" jurnalının 7 fevral 2013-cü ildə çıxan mart 2013 sayında tanıdılmışdır."Kill la Kill" rəsmi olaraq 8 may 2013-cü ildə anons edilmişdir.

Rejissor İmayşiyə görə "fascio" (ファッショ fassho, azərb. "faşizm" sözünün italyan versiyası‎) sözünün yapon dilindəki tələffüzü "fashion" (ファッション fasshon, azərb. "dəb"‎) sözünün yapon dilindəki tələffüzü ilə çox bənzərdir, "məktəbli forması" (制服 seifuku) və "işğal" (征服 seifuku) sözləri homofondur, addakı kiru sözü isə "öldürmək" (キル), "kəsmək" (切る) və ya "geyinmək" (着る) mənalarını verə bilər.

Buraxılış

  Əsas məqalə:

Yayım

"Kill la Kill" Yaponiyada 4 oktyabr 2013-cü ildən 28 mart 2014-cü ilə kimi MBS-in Animeism veriliş bloku vasitəsilə yayımlanmışdır. Bundan əlavə TBS, CBC və BS-TBS vasitəsilə də yayımlanmışdır.

Anime Aniplex of America tərəfindən Şimali Amerika üçün lisenziyalaşdırılmış, Daisuke,CrunchyrollHulu vasitəsilə nümayiş olunmuşdur. 8 fevral 2015-ci ildən 2 avqust 2015-ci ilə kimi Adult Swim-in Toonami bloku vasitəsilə Şimali Amerika göstərilmişdir.

Ev buraxılışı

Yaponiya

Blu-ray Disc və DVD-lərin buraxılmasına 8 yanvar 2014-cü ildə başlanılmışdır. Saundtrek CD-ləri birinci və beşinci cildlərə, istehsaldan bəhs edən DVD-lər üçüncü, yeddinci və doqquzuncu, dorama CD-ləri ikinci, dördüncü, altıncı və səkkizinci cildlərə daxil edilmişdir. OVA seriyası 3 sentyabr 2014-cü ildə doqquzuncu cildlə birlikdə buraxılmışdır.

Aniplex (II region)
Cild Seriyalar Buraxılış tarixi İst.
I cild 1–2 8 yanvar 2014
II cild 3–5 5 fevral 2014
III cild 6–8 5 mart 2014
IV cild 9–11 2 aprel 2014
V cild 12–14 7 may 2014
VI cild 15–17 4 iyun 2014
VII cild 18–20 2 iyul 2014
VIII cild 21–23 6 avqust 2014
IX cild 24 + OVA (25) 3 sentyabr 2014

İngilis

Anime serialı Şimali Amerikada 5 BD/DVD cildi şəklində buraxılmışdır. İlk cild 15 iyul 2014-cü ildə buraxılmışdır.Los-Ancelesdə baş tutmuş Anime Expo 2014-də Aniplex ingilis dilinə dublaj edilmiş ilk seriyanı təqdim etmişdir. Tədbirdə Eyr Aoi mahnısı ilə çıxış etmiş, ssenarist Kazuki Nakaşimanın, rejissor Suşionun, prodüser Yosuke Tobanın, səsləndiricilər Ami Koşimizu və Ryoka Yuzukinin yer aldığı panel keçirilmişdir.

Aniplex of America (Region A/1)
Cild Seriyalar Buraxılış tarixi İst.
I cild 1–4 15 iyul 2014
II cild 5–9 21 oktyabr 2014
III cild 10–14 23 dekabr 2014
IV cild 15–19 24 fevral 2015
V cild 20–24 + OVA (25) 28 aprel 2015

Anime serialı All The Anime leyblı altında Anime Limited tərəfindən Böyük BritaniyaFransa üçün lisenziyalaşdırılmış və Wakanim vasitəsilə yayımlanmışdır, daha sonra Netflix vasitəsilə rəqəmsal şəkildə buraxılmışdır.

Anime Limited (Region B/2)
Cild Seriyalar Buraxılış tarixi İst.
I cild 1–9 3 noyabr 2014 (DVD)
1 dekabr 2014 (Blu-ray)
II cild 10–19 23 mart 2015

AvstraliyaYeni Zelandiyada animeni Madman Entertainment lisenziyalaşdırmışdır.

Media

Saundtrek

Kill la Kill OST
 
Növü saundtrek albomu
Yayımlanma tarixi 25 dekabr 2013
Janr anime saundtreki
Müddət 1:17:22
Dil yapon dili
Leybl Aniplex
Prodüser Hiroyuki Savano

Anime serialı üçün musiqini Hiroyuki Savano bəstələmişdir. İlk 15 seriya üçün istifadə olunmuş açılış mahnısı Eyr Aoi tərəfindən ifa olunan "Sirius" (シリウス Shiriusu) mahnısı, bağlanış mahnısı kimi Miku Savay tərəfindən ifa olunan "Gomen ne, Iiko ja Irarenai" (ごめんね、いいコじゃいられない。, azərb. "Bağışla, yaxşı uşaq olmaqdan bezdim"‎) mahnısından istifadə olunmuşdur. 16 seriyadan etibarən açılış mahnısı kimi Garnidelia (vokalist Maria və bəstəkar Tokudan ibarət duo) tərəfindən ifa olunan "ambiguous" (azərb. "ikimənalı"‎) mahnısı, bağlanış mahnısı kimi isə Sayonara Ponytail tərəfindən ifa olunmuş "Shin Sekai Kōkyōgaku" (新世界交響楽, azərb. "Yeni dünya simfoniyası"‎) mahnısı səsləndirilmişdir. Aoinin "Sanbika" mahnısından isə 3-cü, 7-ci, 11-ci və 13-cü seriyalardakı həlledici səhnələr üçün istifadə olunmuşdur.

Birinci saundtrek albomu 25 dekabr 2013-cü ildə buraxılmışdır.Aniplex USA 17 yanvar 2014-cü ildə albom üçün CD buraxmışdır. Alboma ingilisalman dillərində ifa olunan 6 vokal mahnı daxil olmaqla 18 trek daxildir. Arxaplan musiqisi treklərinin başlıqları üçün istifadə olunmuş adlar "Kill la Kill" ifadəsinin tipoqrafik variantlarıdır.

İkinci saundtrek albomu 5-ci DVD/Blu-ray disk setinin bir hissəsi kimi 7 may 2014-cü ildə buraxılmışdır. İkinci alboma birinci albomdakı treklərin "Kara-OK" (空OK karaoke) versiyaları da daxil edilmişdir.

Trek siyahısı

Bütün musiqilər Hiroyuki Savano tərəfindən bəstələnmişdir.

Manqa

Ryo Akizukinin rəssamlığı ilə hazırlanmış manqa adaptasiyası Kadokawa Shoten nəşriyyatının "Young Ace" jurnalında 3 oktyabr 2013-cü ildə nəşr olunmağa başlamışdır. Manqa seriyası 17 fəsil davam etmiş və 4 fevral 2015-ci ildə nəşri başa çatmışdır.Udon Entertainment manqanı Şimali Amerika üçün lisenziyalaşdırmışdır.

Orijinal versiyasının nəşr tarixi Orijinal ISBN İngilis versiyasının nəşr tarixi İngilis ISBN
1 2 dekabr 2013 ISBN 978-4041209080 29 oktyabr 2015 ISBN 978-1927925492
2 7 mart 2014 ISBN 978-4041210482 14 yanvar 2016 ISBN 978-1927925546
3 4 mart 2015 ISBN 978-4041021071 26 iyul 2016 ISBN 978-1927925843

Videooyun

tərəfindən nəşr olunan və tərəfindən hazırlanan "Kill la Kill the Game: IF" (キルラキル ザ・ゲーム -異布-, Kiru ra Kiru za Gēmu: Ifu?) adlı videooyun adaptasiyasının 2019-cu ildə buraxılması planlaşdırılır.

Qəbul

"Kill la Kill" tənqidçilər tərəfindən müsbət rəylər almışdır. Japanator-un tənqidçisi Eliot Qey animeni "bənzərsiz əyləncəli, hətta həyəcanlandırıcı" adlandırmış, büdcə qısıntılarına baxmayaraq çox yaxşı anime çəkildiyini bildirmişdir. Kotaku-dan Riçard Eysenbeys animeni "komediya ilə döyüş janrlarının mükəmməl qarışımına" görə bəyənmişdir.

Döyüş səhnələrinin animasiyası, personajların hərəkətləri, "musiqinin incə seçimi" UK Anime Network-dan Robert Frazer tərəfindən təriflənmişdir. 2013-cü ildə "Kill la Kill" UK Anime Network mükafatının "ən yaxşı hazırda yayımlanan anime" kateqoriyasının qalibi olmuşdur.

Qeydlər

  1. IF (異布, ifu?) "Irregular Fashion" kimi açılır

İstinadlar

  1. Harding, Xavier. . . IBT Media. February 8, 2015. April 20, 2015 tarixində arxivləşdirilib. İstifadə tarixi: June 22, 2016.
  2. Romano, Aja. . . April 3, 2014. May 26, 2015 tarixində . İstifadə tarixi: 22 iyun 2016.
  3. Bailey, Kat; Sliva, Marty. . IGN. January 30, 2014. August 29, 2020 tarixində . İstifadə tarixi: 3 iyul 2016. Article was updated from its original Bailey, Kat. . January 30, 2015. 2014-02-16 tarixində arxivləşdirilib. İstifadə tarixi: 2016-07-03. ()
  4. Logarta, Michael. . SciTech - GMA News Online. GMA Network. April 14, 2014. July 1, 2015 tarixində . İstifadə tarixi: June 22, 2016.
  5. . Anime News Network. August 10, 2013. 2013-10-02 tarixində . İstifadə tarixi: 22 iyun 2016.
  6. . Anime News Network. 2015-01-16. 2022-07-06 tarixində . İstifadə tarixi: 2016-06-22.
  7. . Toonami Tumblr. January 27, 2015. May 5, 2022 tarixində . İstifadə tarixi: 22 iyun 2016.
  8. . Anime News Network. February 7, 2013. 2013-10-02 tarixində . İstifadə tarixi: 29 iyun 2016.
  9. . Anime News Network. May 8, 2013. 2017-01-17 tarixində . İstifadə tarixi: 29 iyun 2016.
  10. Chaisiri, Andy Lee. . Art-Eater. 2014-03-14 tarixində arxivləşdirilib. İstifadə tarixi: 29 iyun 2016.
  11. . Daisuki.net. September 25, 2013. October 3, 2013 tarixində arxivləşdirilib. İstifadə tarixi: 2 iyul 2016.
  12. . Anime News Network. August 11, 2013. 2013-10-08 tarixində . İstifadə tarixi: 2 iyul 2016.
  13. . Anime News Network. September 18, 2013. 2021-09-19 tarixində . İstifadə tarixi: 2 iyul 2016.
  14. Kill La Kill [KillLaKillUSA]. (Tweet). July 30, 2015. İstifadə tarixi: 2 iyul 2016.
  15. . . 2013-12-18 tarixində . İstifadə tarixi: 2 iyul 2016.
  16. . Anime News Network. December 19, 2013. 2022-07-07 tarixində . İstifadə tarixi: 2 iyul 2016.
  17. . Kill-la-kill.jp. 2013-12-18 tarixində . İstifadə tarixi: 2 iyul 2016.
  18. . Kill-la-kill.jp. 2014-08-10 tarixində . İstifadə tarixi: 2 iyul 2016.
  19. . Kill-la-kill.jp. 2014-08-10 tarixində . İstifadə tarixi: 2 iyul 2016.
  20. . Kill-la-kill.jp. 2014-08-10 tarixində . İstifadə tarixi: 2 iyul 2016.
  21. . Kill-la-kill.jp. 2014-08-11 tarixində . İstifadə tarixi: 2 iyul 2016.
  22. . Kill-la-kill.jp. 2014-08-10 tarixində . İstifadə tarixi: 2 iyul 2016.
  23. . Kill-la-kill.jp. 2014-08-19 tarixində . İstifadə tarixi: 2 iyul 2016.
  24. . Kill-la-kill.jp. 2014-08-10 tarixində . İstifadə tarixi: 2 iyul 2016.
  25. . Kill-la-kill.jp. 2014-08-19 tarixində . İstifadə tarixi: 2 iyul 2016.
  26. . Anime News Network. 2018-12-08 tarixində . İstifadə tarixi: 3 iyul 2016.
  27. . Anime News Network. May 12, 2014. 2022-01-26 tarixində . İstifadə tarixi: 3 iyul 2016.
  28. . Killlakill.com. 2014-08-11 tarixində . İstifadə tarixi: 3 iyul 2016.
  29. . Killlakill.com. 2014-10-07 tarixində . İstifadə tarixi: 3 iyul 2016.
  30. . Killlakill.com. 2014-10-07 tarixində . İstifadə tarixi: 3 iyul 2016.
  31. . Killlakill.com. 2015-01-18 tarixində . İstifadə tarixi: 3 iyul 2016.
  32. . Anime News Network. October 3, 2013. 2022-08-16 tarixində . İstifadə tarixi: 3 iyul 2016.
  33. . animeuknews.net. 2014-11-06 tarixində arxivləşdirilib. İstifadə tarixi: 2016-07-03.
  34. . All the Anime. . February 24, 2015. February 27, 2015 tarixində . İstifadə tarixi: July 2, 2016.
  35. . Anime News Network. August 29, 2013. 2013-10-03 tarixində . İstifadə tarixi: 2 iyul 2016.
  36. . Anime News Network. December 12, 2012. 2015-04-09 tarixində . İstifadə tarixi: 2 iyul 2016.
  37. . Anime News Network. January 2, 2014. 2014-01-06 tarixində . İstifadə tarixi: 2 iyul 2016.
  38. . Trigger. 2013-12-26 tarixində . İstifadə tarixi: 2 iyul 2016.
  39. . Anime News Network. December 24, 2013. 2013-12-26 tarixində . İstifadə tarixi: 2 iyul 2016.
  40. Green, Scott. . Crunchyroll. December 20, 2013. February 24, 2021 tarixində . İstifadə tarixi: 2 iyul 2016.
  41. . Anime News Network. September 4, 2013. 2022-09-21 tarixində . İstifadə tarixi: 2 iyul 2016.
  42. . Anime News Network. December 30, 2014. 2021-11-09 tarixində . İstifadə tarixi: 2 iyul 2016.
  43. . Anime News Network. July 27, 2014. 2022-07-05 tarixində . İstifadə tarixi: 2 iyul 2016.
  44. . . ISBN 4041209080. 2016-01-07 tarixində . İstifadə tarixi: 2 iyul 2016.
  45. . Amazon.com. İstifadə tarixi: 2 iyul 2016.
  46. . Amazon.co.jp. ISBN 4041210488. 2016-01-07 tarixində . İstifadə tarixi: 2 iyul 2016.
  47. . Amazon.com. 2023-07-24 tarixində . İstifadə tarixi: 2 iyul 2016.
  48. . Amazon.co.jp. ISBN 978-4041021071. 2022-08-16 tarixində . İstifadə tarixi: 2 iyul 2016.
  49. . Amazon.com. 2023-07-24 tarixində . İstifadə tarixi: 2 iyul 2016.
  50. . Destructoid. 16 June 2018. 16 June 2018 tarixində . İstifadə tarixi: 16 June 2018.
  51. Gay, Eliot. . Japanator. October 8, 2013. April 15, 2019 tarixində . İstifadə tarixi: 3 iyul 2016.
  52. Eisenbeis, Richard. . Kotaku. April 4, 2014. April 6, 2014 tarixində . İstifadə tarixi: 3 iyul 2016.
  53. Frazer, Robert. . UK Anime Network. November 8, 2013. December 29, 2013 tarixində . İstifadə tarixi: 3 iyul 2016.
  54. Hanley, Andy. . UK Anime Network. 2014-03-13 tarixində . İstifadə tarixi: 3 iyul 2016.

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023