Keqon (yap. 華厳滝 Keqon-taki) — Yaponiyada şəlalə. Şəlalə Toçiqi prefekturasının Nikko şəhəri yaxınlığındadır. Nikko Milli Parkı ərazisində yerləşir. Tyudzendi gölündən çıxan Daiyaqava çayı üzərində yerləşən şəlalənin hündürlüyü 97 metrdir. Vaxtıilə çay yatağı vulkan püskürməsi zamanı lava ilə dolmuşdur. Çayın geoloji fəaliyyəti nəticəsində yataq böyümüş və Keqonla yanaşı on iki kiçik şəlalələr meydana gəlmişdir.
| Keqon | |
|---|---|
| yap. 華厳滝 | |
 Keqon şəlaləsi və Tyudzendi gölü | |
| Ümumi məlumatlar | |
| Hündürlüyü | 97 m |
| Eni | 7 m |
| Çay | Daiyaqava |
| Yerləşməsi | |
| 36°44′ şm. e. 139°30′ ş. u. | |
| Ölkə |
 Yaponiya
|
| Region | |
|
|
|
 Vikianbarda əlaqəli mediafayllar | |
Ümumi məlumat
Şəlalə öz adını buddist mənbələrindən götürmüş (華厳経 Keqonqe). Nikko şəhəri yaxınlığında ümumən 48 şəlalə mövcuddur. Keqon isə bunlardan ən məşhurudur. Bundan başqa Keqon ölkənin ən gözəl üç şəlaləsindən biridir (Nati -Vakayam prefekturası, Fukuroda - İbaraki prefekturası) 1900-cu illərə qədər şəlaləyə gediş çox çətin idi. Şəlalə yaxınlığında Çaşitsu (çay evi) tikildikdən sonra ərazi turistlərin sevimli məkanına çevrildi. 1930-cu ildən xüsusi qaldırcı qurğu xidmət göstərir. Yay aylarında şəlalə ətrafında qaranquşların uçuşunu müşahidə etmək olar. Bu mənzərəni pulsuz müşahidə meydançasından seyr etmək olar. Əraziyə qalxan lift 100 metrdən sonra şəlaləyə çatır. Yaxınlıqda Aketidayra rəsədxanası yerləşir. Payız zamanı ərazi daha cəlb edici olur. Bəzən bölgəyə yaxın olan magistiral yolda tıxaclar meydana gəlir. Qış aylarında şəlalə donur.
2003-cü ildə şəlalənin geri çəkilmə sürrəti müəyyən olunmuş və məlum olmuşdur ki, şəlalə gölə il ərzində 1,8 sm gölə yaxınlaşır. Şəlaləyə gedən yol 1300 m hündürlükdən keçir. Həm şəlalə, həm də, Nikko şəhərində yerləşən buddizm və sintoizm məbədləri YUNESKO-nun Ümumdünya irsi siyahısına daxil edilmişlər.
Şəlaləyə getmək üçün daha çox ictimai nəqliyyatdan istifadə olunur. İlk öncə eKeqon və ya Kinu kspress qatarına minmək lazım. Qatar Asakusa stansiyasından yol düşür və Simo-İmaiti dayanacağına kimi getmək gərək. Ümumi səfər 2 saat çəkir. Sonra yerli elektrik qatarı sizi son məntəqəyə qədər aparır. Bundan başqa Tobu-Nikko Station dəmiryolu stansiyasından avtobus fəaliyyət göstərir. Şəlaləyə ən yaxın dayanacaq Tyudzen-dzi-onsendir.
İntiharlar
Keqon şəlaləsi həmçinin yapon gəncləri arasında özünə qəsd məkanı kimidə məşhurdur. 22 may 1903-cü ildə 18 yaşlı gənc filosof tələbə Misao Fudzimura şəlalədən tullanaraq intihar etmişdir. İntihardan öncə Fudzimura öz qeydlərini şeir şəklində ağac kötüyündə qeyd etmişdir.
Fudzimuranın intiharı və vida məktubu qısa müddətdə qəzetlərdə sensasiyaya səbəb oldu və məşhur yazıçı Natsume Soseki tərəfindən əsər kimi qələmə alındı. Bu şəlaləni sevgi ümidini itirən və ya başqa səbəblərdən ümidsiz olan gənclər üçün populyar bir intihar məkanı halına gətirdi (Verter effekti).
İstinadlar
- . Nikko Tourist Association. 2012-04-14 tarixində arxivləşdirilib. İstifadə tarixi: 2010-01-09. (ing.)
- 2022-01-25 at the Wayback Machine (rus.)
- HAYAKAWA YUICHI, MATSUKURA YUKINORI.[ölü keçid] Journal of Geography (ing.)
- 2020-01-31 at the Wayback Machine (ing.)
- ↑ LeTendre, Gerald K. . Routledge (Falmer Press). 2011 (1999). ISBN 9781138991545. 2021-06-29 tarixində . İstifadə tarixi: 2021-06-24. p. 105-106. (ing.)
- Encyclopædia Britannica Online ensiklopediyasında (ing.)
- Iga, Mamoru. "Suicide in Japan". Social Science & Medicine. Part A: Medical Psychology & Medical Sociology. 12 (4). 1978: 507–16. doi:. PMID . p. 519. (ing.)
Xarici keçidlər
- (ing.)