Yaşayış məntəqəsi Rusiyanın köçürmə siyasəti nəticəsində rus kəndlilərinin Azərbaycanda yerləşdirilməsi ilə əlaqədar olaraq 1905-ci ildə yaranmış və Alekseyevka adlandırılmışdı. Sovet hakimiyyəti illərində S. M. Kirovun (1886–1934) adı ilə Kirovka adlandırılmışdır. 1998-ci ildən kəndin adı Azərbaycan yazıçısı M. C. Paşayevin şərəfinə Mircəlal kimi rəsmiləşdirilmişdir. Memorial toponim olmuşdur. Kənd 2005-ci ildən Günəşli adlanır.

Kənd Nadir şah dövründə onun qışlaq etdiyi ərazilərdən biri olub.

Tarixi abidələri

Kənddə daşınmaz tarix və mədəniyyət abidəsi qeydə alınmamışdır.

Kənd Muğan düzündə, rayonun qərbində, rayon mərkəzindən təxminən 7–10 km məsafədə yərləşir. Çaylı, Ağayrı, İsmətli kəndləri ilə sərhəddir.

Şəhidləri

• Abdullazadə Teymur Faiq oğlu (2001–2020) — İkinci Qarabağ müharibəsi şəhidi.
• Ağayev Saleh Nurəddin oğlu (1992–2020) — İkinci Qarabağ müharibəsi şəhidi.
• Babayev Nihad Akif oğlu (1991–2020) — İkinci Qarabağ müharibəsi şəhidi, Vətən müharibəsi qəhrəmanı.
• Baloğlanlı Elşad Elşən oğlu (2002–2020) — İkinci Qarabağ müharibəsi şəhidi.
• Cəfərov Tehran Nadir oğlu (1992–2020) — İkinci Qarabağ müharibəsi şəhidi.
• Xosizadə Müşfiq Zakir oğlu (1993–2020) — İkinci Qarabağ müharibəsi şəhidi.
• Qənbərli Vüsal İlkin oğlu (1995–2020) — İkinci Qarabağ müharibəsi şəhidi.
• Teymurzadə Nahid Üzeyir oğlu (1997–2020) — İkinci Qarabağ müharibəsi şəhidi.

Kənddə 616 təsərrüfat var. Kənd əhalisinin əsas məşğuliyyətini kənd təsərrüfatı və maldarlıq təşkil edir.

2015-ci il iyun ayının 25-də kəndə ilk dəfə olaraq təbii qaz verilmişdir.

Kənddə Günəşli kənd kitabxana filialı, Günəşli kənd klubu və Günəşli Poçt Agentliyi fəaliyyət göstərir.

Kənddə Günəşli kənd ümumi orta məktəbi fəaliyyət göstərir.

Kənddə Günəşli kənd məscidi yerləşir.

Kənddə Günəşli kənd tibb məntəqəsi yerləşir.