Milli park Orta Anadolunun Həsən-Ərciyəs vulkanik dağı bölgəsində yerləşir. Milli park sıldırımlı yamaclardan, allüvial vadilərdən, eroziyaya uğramış təbəqələrdən ibarətdir. Vulkanik quruluşa malik parkın tarixi bölgəsində isə Bizans memarlığı sərgilənir. Bölgədə bir zaman yaşayanlar digərlərindən fərqli olaraq uzun müddət Bizans hakimiyyətindən uzaq qalmışdırlar.

Bura olan yolların uzaqlığı və girintili-çıxıntılı relyrfi burada gizlənənlər üçün ideal şərait yaratmışdır. Burada ilk monastrlar III-IV əsrlərdə tikilmişdir. Monastrlar tikilmiş və divarlar rənglənmişdir.

Milli parkda Ürgüp, Ovçular, Üçhisar, Çavuşini, Yeni Zelve kimi zəngin tarixə və mədəniyyətə sahib yaşayış məntəqələri də yerləşir.

Milli parkda ziyart üçün ən ideal zaman 15 mart - 15 noyabr tarixləridir.

Milli parkda yürüyüş cığırları da müəyyən olunmuşdur. Parkda bir çox otel və mehmanxana yerləşir.

Görəmə Milli Parkı UNESCO-nun 6 dekabr 1985-ci ildəki 9-cu iclasında Ümumdünya İrsi siyahısına daxil edilmişdir.