Fikrət Əliyev (12 dekabr 1939, Bakı – 8 mart 2016, Bakı) — Azərbaycan kinorejissoru, ssenari müəllifi, aktyor, ikinci rejissor, Azərbaycanın əməkdar incəsənət xadimi.
Fikrət Əliyev | |
---|---|
Doğum tarixi | 12 dekabr 1939 |
Doğum yeri | |
Vəfat tarixi | 8 mart 2016 (76 yaşında) |
Vəfat yeri | |
Uşağı | Rəşad Əliyev |
Fəaliyyəti | aktyor, kinorejissor, rejissor, ssenarist |
Fəaliyyət illəri | 1966–2014 |
Mükafatları | |
IMDb |
Həyatı
Fikrət Əliyev 12 dekabr 1939-cu ildə Bakı şəhərində anadan olub. 1966-cı ildə M. A. Əliyev adına ADİİ-nun aktyorluq fakültəsini, 1972-ci ildə Moskvada ÜDKİ-nun iki illik ali ssenari və rejissorluq kurslarını bitirib. 1966-cı ildən ömrünün sonunadək "Azərbaycanfilm" kinostudiyasında işləmişdir. O, "Yuxu", "Axırıncı dayanacaq", "Ölüm növbəsi" və s. filmlərdə rejissorluq etmişdir. Azərbaycanın əməkdar incəsənət xadimi fəxri adına layiq görülmüşdür.
Fikrət Əliyev 8 mart 2016-cı ildə uzun sürən xəstəlikdən sonra dünyasını dəyişmişdir. Rejissor Əmircan qəbiristanlığında oğlunun məzarı yanında torpağa tapşırılmışdır.
Ailəsi
Rejissorun 1 qız və 3 oğlan övladı olmuşdur. Oğlu, İctimai Televiziyada quruluşçu rejissor vəzifəsində çalışan 1973-cü il təvəllüdlü Rəşad Əliyev 2016-cı ildə 42 yaşında vəfat etmişdir.
Filmoqrafiya
- İnsan məskən salır (film, 1967)
- Torpaq. Dəniz. Od. Səma (film, 1967)
- Uşaqlığın son gecəsi (film, 1968)
- Dəli Kür (film, 1969)
- Gün keçdi (film, 1971)
- Baladadaşın ilk məhəbbəti (film, 1974)
- Ömrün səhifələri (film, 1974)
- Ürək... Ürək... (film, 1976)
- Akt və fakt (film, 1978)
- Arvadım mənim, uşaqlarım mənim (film, 1978)
- Qızıl uçurum (film, 1980)
- Ay alan! (film, 1981)
- Azərbaycanda qoyunçuluq (film, 1982)
- Qoca palıdın nağılı (film, 1984)
- İşarəni dənizdən gözləyin (film, 1986)
- Yuxu (film, 2001)
- Ənvər Həsənov. Yeddi oğuldan biri (film, 2007)
- Ölüm növbəsi (film, 2009)
- Axırıncı dayanacaq (film, 2014)
İstinadlar
- . 2015-10-08 tarixində arxivləşdirilib. İstifadə tarixi: 2015-10-08.
- [ölü keçid]
- . 2021-06-20 tarixində . İstifadə tarixi: 2016-03-10.
- . 2016-02-28 tarixində arxivləşdirilib. İstifadə tarixi: 2016-02-26.
- Mürvətqızı, S. "Sənə olan eşqimi sənə də alçaltmaram…": [kinorejissor Fikrət Əliyevə məxsus "Baladadaşın ilk məhəbbəti" adlı filmi haqqında] //525-ci qəzet.- 2014.- 9 avqust.- S.14–15.
Mənbə
- Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 816.