Emma Ketlin Hepbern Ferrer (ing. Emma Kathleen Hepburn Ferrer; 1994, Morj[d], Vo kantonu) — Britaniya və İsveçrə modeli, rəssam və filantrop. 2014-cü ilin avqustunda "Harper's Bazaar" jurnalının üz qabığında şəkli çap olunmuş Florensiya İncəsənət Akademiyasının tələbəsi.
| Emma Ferrer | |
|---|---|
| Digər adı | Emma Ketlin Hepbern Ferrer |
| Doğum tarixi | 1994 |
| Doğum yeri |
|
| Atası | Şon Hepbern Ferrer |
| Anası | Leyla Fleneqan |
| Fəaliyyəti |
model rəssam filantrop |
| Mükafatları | InTouch Award |
Həyatı
Emma Ferrer 1994-cü ilin mayında İsveçrənin Morj şəhərində anadan olmuşdur. Həyatının 10 ilini Los-Ancelesdə, 10 ilini isə Florensiyada yaşamışdır. 2012-ci ildə Beynəlxalq Bakalavriat proqramı üzrə əsas qiymətləndirmədən uğurla keçərək, Florensiya Beynəlxalq Məktəbinin məzunu olmuşdur. 2016-cı ildə rəssamlıq üzrə bitirmişdir. Rəssamlıqda fəaliyyət istiqaməti insan bədəni və onun formasına əsaslanır.
2014-cü ildə Emma dəb sahəsində model kimi fəaliyyətə başlamışdır. 2014-cü ilin avqustunda üz qabığında Emma Ferrerin fotosu əks olunmuş "Harper's Bazaar" jurnalı işıq üzü gördü. Fotonun müəllifi Maykl Avedon idi. Vaxtilə onun babası Riçard Avedon Odri Hepbernin fotosunu çəkmişdi. Bundan sonra Dior, yapon brendi Kosé, Givenchy və Tifany & Co. kimi bir sıra dərgi və şirkətlərin simasına çevrilmişdir.
2015-ci ildə Emma ispan ictimai incəsənət layihələrinin yaradılmasında heykəltaraş Migel Moreno ilə işlədikdən sonra Nyu-Yorka köçmüşdür.
Emma Ferrer kino sahəsinə rejissor Konstantin Venetopulosun psixoloji triller janrında çəkdiyi "Çardaqdakı adam" (ing. The Man in the Attic) bədii filmindəki ruh rolu ilə gəlib. Filmin premyerasının 2017-2018-ci illərdə baş tutacağı gözlənilsə də, təqdimat 2019-cu ilin martına kimi gecikmişdir.
Xeyriyyəçilik
Güclü filantrop təbiəti sayəsində Emma könüllü olaraq, BMT Uşaq Fondu, Holliqrouv Uşaq Fondu və Birləşmiş Millətlər Təşkilatının Qaçqınlar üzrə Ali Komissarlığı da daxil olmaqla, bir neçə qeyri-kommersiya təşkilatı ilə əməkdaşlıq etmişdir. Həmçinin, onun fəaliyyətinə fərdi terapiya, aztəminatlı ailələrin övladlarına və psixoloji zədə almış uşaqlara qayğı, düşərgələrdə məskunlaşmış qaçqınların həyat şəraitinin öyrənilməsi, Nyu-Yorkun Raykers adasındakı qadın məhbuslara konsultasiya xidməti, Əfqanıstanda yaşayan qadınların hüquqlarının müdafiəsi və UNICEF-də uşaq problemləri mövzusunda maarifləndirmə də daxildir. Emmanın sənədli şəkildə Suriya və Əfqanıstan qaçqınlarının həyatını təsdiq edən işləri UNHCR and VICE-də nəşr olunub.
2018-ci ilin dekabrında Ferrer Odri Hepbernin əməkdaşlıq ənənələrinin davamı kimi YUNİSEF-in balında iştirak etmişdir.
Mükafatları
23 oktyabr 2014-cü ildə Ferrer Düsseldorf şəhərində "Beynəlxalq model çəkilişi" nominasiyasında "InTouch" jurnalının "InTouch Award" mükafatına layiq görülmüşdür. 2014-cü ilin noyabrında "Storm Management" şirkətilə müqavilə imzalamışdır.
Şəxsi həyatı
Emma Ferrer prodüser Şon Hepbern Ferrerlə Leyla Fleneqanın qızı, aktyorlar Odri Hepbern və Mel Ferrerin nəvəsidir. Qreqorio və Santyaqo Ferrer adlı iki ögey qardaşı var.
İtalyan, ispan, ingilis və fransız dillərində sərbəst danışır.
İstinadlar
- DailyMail. (ingilis). . 18.09.2014. 2014-10-08 tarixində . İstifadə tarixi: 2020-05-30.
- Navolne-life. (rus). . 27.04.2020. İstifadə tarixi: 2020-05-30. [ölü keçid]
- Duboff, Josh. . . 12.08.2014. 2022-07-07 tarixində . İstifadə tarixi: 2020-05-30.
- . 13.08.2014 tarixində arxivləşdirilib. İstifadə tarixi: 2020-05-30.
- . Us Weekly. 13.08.2014. 2016-05-02 tarixində . İstifadə tarixi: 2020-05-30.
- . ABC News. 2018-11-28 tarixində . İstifadə tarixi: 2020-05-30.
- Flori, Pamela. . Harper's Bazaar. 12.08.2014. 2022-05-03 tarixində . İstifadə tarixi: 2020-05-30.
- ↑ G. Sweeney. (ingilis). . 2018-07-12. 2020-08-13 tarixində arxivləşdirilib. İstifadə tarixi: 2020-05-30.
- Cait Munro. (ingilis). . 12.08.2014. 2021-04-13 tarixində . İstifadə tarixi: 2020-05-30.
- Jessica Hazel. (ingilis). . 02.11.2011. 2020-09-20 tarixində . İstifadə tarixi: 2020-05-30.
- Alexandra Whittaker. (ingilis). . 28.11.2018. 2022-05-07 tarixində . İstifadə tarixi: 2020-05-30.
- . Promiflash.de. 2014-11-03 tarixində arxivləşdirilib. İstifadə tarixi: 2020-05-30.
- Abendzeitung, Germany. . Abendzeitung-muenchen.de. 24.10.2014. 2019-03-08 tarixində . İstifadə tarixi: 2020-05-30.
- . The Daily Telegraph. 2014-11-29 tarixində . İstifadə tarixi: 2020-05-30.
- Первый канал. (rus). . 27.05.2020. 2023-07-09 tarixində . İstifadə tarixi: 2020-05-30.
- . Harper's BAZAAR. 2015-01-03 tarixində . İstifadə tarixi: 2020-05-30.
- Elizabeth Murray. . TODAY. 2021-03-25 tarixində . İstifadə tarixi: 2020-05-30.
- . Internet Movie Database. 2021-09-11 tarixində . İstifadə tarixi: 2020-05-30.