Quliyev Eldəniz Cümşüd oğlu — Azərbaycanlı ssenarist və kinodramaturq.

Eldəniz Quliyev
Eldəniz Cümşüd oğlu Quliyev
Doğum tarixi (71 yaş)
Doğum yeri Lənkəran, Azərbaycan SSR, SSRİ
Milliyyəti Azərbaycanlı
Vətəndaşlığı SSRİ SSRİ
Azərbaycan Azərbaycan
Həyat yoldaşı Xalidə Quliyeva
Uşağı Afaq Quliyeva
Atası Cümşüd Quliyev
Fəaliyyəti ssenarist
IMDb

Həyatı

Eldəniz Quliyev 20 aprel 1952-ci ildə Lənkəranda anadan olub. Azərbaycan Dövlət İncəsənət İnstitutunu bitirdikdən sonra (1974), Moskvada Ali rejissorluq və ssenaristlər kursunun ssenari bölməsində təhsil alıb (A. Tarkovski, V. Yejov və O. İoselianinin yaradıcılıq emalatxanası, 1979–1981).

"Mosfilm", M.Qorki adına kinostudiyalarda, Ostankino Televiziya Mərkəzində təcrübə keçib. "Azərbaycanfilm" kinostudiyasında redaktor, redaksiya kollegiyasının, bədii şurasının, dövlət film qəbulu komissiyasının üzvü (1981–1987), "Debüt" studiyasının baş redaktoru (1987–1992), "" İstehsalat birliyinin baş redaktoru (1993–1996), ABA televiziya şirkətinin baş redaktoru (1999) vəzifələrində işləyib.

2006-cı ildə Beynəlxalq Sülh Federasiyası tərəfindən "Sülh səfiri" fəxri adına layiq görülüb.

Rus və Azərbaycan dilində nəşr edilən "Ziyalı-İntelligensiya" qəzetinin təsisçisidir. Hazırda sədridir. "Üçatılan", "Tilsimli dairə", "Təpəgöz" (Rolşa Respublikasında tamaşaya qoyulub), "Mürşüd kişi niyə susur?", "İstək" və s. dram əsərləri Azərbaycan teatrlarında tamaşaya qoyulub. "Ağ yuxu" hekayələr toplusu (1985), "Kölgəsiz adam" hekayə və povestlər kitabı (1998), "Rasim Balayev" (1999) kitabı nəşr olunub.

Siyasi fəaliyyəti

1995-ci il parlament seçkilərində Eldəniz Quliyev Azərbaycan Milli Dövlətçilik Partiyasının poporsional seçki üzrə vahid namizədlər siyahısında 9-cu sırada olmuşdur. AMDP proporsional seçkilərdə ümumi səslərin 1.20%-ni toplayaraq 8%-lik səs həddini keçə bilməmiş, Eldəniz Quliyev isə deputat seçilə bilməmişdir.

Filmoqrafiya

  1. 777 №-li iş (film, 1992) (tammetrajlı bədii film)
  2. Abşeronda subtropik bitkilər (film, 1991) (qısametrajlı sənədli film)
  3. Afroditanın qolları (film, 1987) (qısametrajlı bədii film)
  4. Belə bir kənd var (film, 1981)
  5. Bəxtəvər (film, 1990)
  6. Bircəciyim (film, 1986) - Redaktor
  7. Cansıxıcı əhvalat (film, 1988)
  8. Cin mikrorayonda (film, 1985)
  9. Dəvətnamə (film, 1989)
  10. Gəlinlərin qiyamı (film, 1985) (tərcüməçi)
  11. Güzgü (film, 1990)(II)
  12. Haray (film, 1993)
  13. Kölgədə 40 dərəcə isti (film, 1988)
  14. Lal (film, 1992)
  15. Parlament (film, 1996)
  16. Pirverdinin xoruzu (film, 1987)
  17. Qanlı zəmi (film, 1985)
  18. Qoca əsgər (film, 1993)
  19. Sehrli ləçək (film, 1983)
  20. Son tamaşa (film, 1989)
  21. Süd dişinin ağrısı (film, 1987)
  22. Təbəssüm (film, 1992)
  23. Yaşa, qızıl balıq (film, 1988)
  24. "Yapon" və yaponiyalı (film, 1990)

İstinadlar

  1. . 2021-03-03 tarixində . İstifadə tarixi: 2019-08-13.
  2. modern.az. . modern.az (az.). 2024-01-05 tarixində . İstifadə tarixi: 2024-01-05.
  3. , Florian Grotz & Christof Hartmann (2001) Elections in Asia: A data handbook, Volume I, p357 ISBN 0-19-924958-X

Həmçinin bax

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023