"Duvr Atletik" futbol klubu 1983-cü ildə, şəhərin əvvəlki təmsilçisi ""un borclar üzündən dağılmasından sonra yaradılıb. "Duvr Atletik" Cənub Futbol liqasının birinci divizionunda dağılmış klubun — "Duvr"un yeri tutmuşdur. Komandanın məşqçisi "Duvr"un sabiq oyunçusu Alan Cons olub. Yeni komandanın əsas hissəsini "Duvr"un ehtiyat oyunçuları təşkil edib. "Duvr Atletik" 1984–1985 mövsümündə, yekun turnir cədvəlində yalnız sonuncudan əvvəlki yeri tuta bilib. 1985-ci ilin noyabrında bir il əvvəl Alan Consu əvəzləyən komandanın baş məşqçisi Stiv Makrey istefaya göndərilib və onun yerinə Kris Kinner gətirilib.

Komanda Kris Kinnerin rəhərliyi altında Cənub Futbol liqasının birinci divizionunda yerini möhkəmlədə bilib. 1987–1988 mövsümündə isə yekun turnir cədvəlində birinci yeri tutaraq Premyer-divizionuna yüksəlib. "Duvr Atletik" Premyer-divizionuna yaxşı başlayıb və mövsümü altıncı yerdə başa vurub. 1989–1990 mövsümündə isə divizionun qalibi olub və Milli liqaya çıxmaq imkanı qazanıb, lakin bu liqada tələb olunan standartlara qədər modernləşdirilməsi üzrə işlər vaxtında başa çatdırılmadığından, klub liqaya buraxılmayıb. Sonrakı iki mövsümdə müvafiq olaraq dördüncü və ikinci yerləri tutan komanda, 1992–1993 mövsümündə yenidən Milli liqanın qalibi olub. Bu dəfə iki il öncəkindən fərqli olaraq klubun Milli liqada iştirakına icazə verilib.

"Duvr Atletik" Milli liqada ilk mövsümünü səkkizinci yerdə bitirib. Növbəti mövsümdə klub liqada qalmaq uğrunda mübarizə aparıb. Komandanın pis nəticələr göstərməsi və şəxsi problemlər baş məşqçi Kris Kinneri istefa verməyə vadar edib. Kinnerin əvəzinə baş məşqçi postuna Con Rayan gətirilib, lakin komanda onun rəhbərliyi altında çox çıxış etməyib: "Duvr Atletik" 1995–1996 mövsümündə səkkiz oyunun yeddisində məğlub olduqdan sonra, Rayan istefaya göndərilib. Komandanın növbəti məşqçisi İngiltərə yığmasının sabiq üzvü olub. "Duvr Atletik" onun rəhbərliyi altında çempionatı 22 komanda arasında 20-ci yerdə bitirdiyindən aşağı liqaya düşəcəkdi. Lakin, Premyer-divizionunda ikinci yeri tutan "" sənədləşdirmə işlərini vaxtında həll etmədiyindən, "Duvr Atletik" Milli liqadakı yerini qoruyub.

1997-ci ildə baş məşqçi postunu Bill Vilyams tutub. Sonrakı illərdə o, klubun tarixində ən uğurlu məşqçilərindən biri kimi özünü doğruldub. Onun sayəsində "Duvr Atletik" 1997–1998 mövsümündə yarımfinala yüksəlib, 1999–2000 mövsümündə isə Milli liqada altıncı yeri tutub. 2001-ci ildə Vilyams komandanı tərk edib, O, "Duvr Atletik"in Milli liqada rəqibi olan "" komandasına keçib. Bu dönəmdə "Duvr"un ciddi maliyyə çətinlikləri yaranıb — klubun borcları 100 000 funtu ötüb. 2001-ci ilin oktyabrında "Duvr Atletik"in idarə heyəti istefa verib. Yeni təyin olunmuş baş məşqçi Qeri Bellami işə başladıqdan altı ay sonra istefaya göndərilib. Onun əvəzinə baş məşqçi vəzifəsinə "Everton"un və Uels millisinin sabiq qapıçısı təyin olunub, lakin o da bu vəzifədə çox qala bilmədi və cəmi üç aydan sonra istefaya göndərildi. 2002-ci ilin martında Klayv Uoker "Duvr Atletik"in yeni baş məşqçisi təyin olunub. O, klubun "sükanı arxasına" keçdiyi zaman komanda turnir cədvəlinin aşağı hissəsində qərarlaşmışdı. Nəticədə klub mövsümü sonuncu yerdə bitirib və Cənub liqasının premyer-divizionuna yuvarlanıb.

"Duvr Atletik" Milli liqanı tərk etdikdən sonra premyer-divizionunda keçirdiyi ilk mövsümü, çempion ""dan 17 xal geri qalaraq üçüncü pillədə başa vurub. Pis start üzündən növbəti mövsümdə Klayv Uokeri baş məşqçi postunda Riçard Lenqli əvəzləyib. "Duvr Atletik" 2003–2004 mövsümünü 19-cu pillədə bitirib və İstmiy liqasının premyer-divizionuna düşüb. Yeni mövsüm altı oyunluq ardıcıl məğlubiyyət seriyası ilə başladığından baş məşqçi Riçard Lenqli istefaya göndərilib. "Duvr Atletik" mövsümün nəticələrinə görə yenidən aşağı liqaya (İstmiy liqasının birinci divizionu) düşüb. Komandanın maliyyə problemləri dərinləşirdi və klubun dağılma təhlükəsi də yaranmışdı, lakin 2005-ci ilin yanvarında komandaya "Duvr Atletik"in sabiq direktoru Cim Parmenter qayıdıb. O, klubun maliyyə məsələlərini öz üzərinə götürən birliyə rəhbərlik edib. Parmenter komandanın məşqçisi vəzifəsinə təyin olunan Stiv Braunu istefaya göndərib və onun əvəzinə klubun sabiq məşqçisi Klayv Uokeri yenidən "Duvr Atletik"in "sükanı arxasına" gətirib.

"Duvr Atletik" 2005–2006 mövsümünü beşinci yerdə bitirdiyindən pley-off oyunlarında iştirak etmək hüququ qazanıb, lakin bu mərhələdə "" klubuna məğlub olub. Növbəti mövsümdə "Duvr Atletik" yenidən pley-off oyunlarında iştirak etmək hüququ qazanıb, lakin bu dəfə yarımfinalda "" klubuna məğlub olub. Bundan sonra komandanın baş məşqçi Klayv Uoker ilə müqavilə müddəti uzadılmayıb və onun yerinə ""in keçmiş məşqçisi təyin olunub. Hessentaller yeni klubda ilk mövsümündə "Duvr Atletik"i İstmiy liqasının birinci cənub divizionunda qələbəyə daşıyıb və onu Premyer-divizionuna çıxarıb. "Duvr Atletik" növbəti mövsümdə çempionatda növbəti qələbəsini qazanıb və Cənub Milli Liqasına yüksəlib. 2009–2010 mövsümündə "Duvr Atletik" Milli liqaya yüksəlmək imkanı verən pley-off oyunlarında iştirak etmək hüququ qazansa da, yarımfinalda ""ə məğlub olub. Növbəti mövsümündə "Duvr Atletik" İngiltərə Federasiya Kubokunun üçüncü mərhələsinə qədər yüksəlməyi bacarıb. Birinci mərhələdə "Cillingem"i, ikinci mərhələdə isə ""u məğlub edən "Duvr Atletik", üçüncü mərhələdə ""a məğlub olub. 2012–2013 mövsümündə "Duvr Atletik" yenidən pley-off oyunlarında iştirak hüququ qazansa da, finalda "" klubuna məğlub olub. "Duvr Atletik" 2013–2014 mövsümündə Cənub liqasını beşinci yerdə bitirərək üçüncü dəfə Milli liqaya yüksəlmək imkanı verən pley-off oyunlarında iştirak hüququ qazanıb. 10 may 2014-cü ildə ""ə qarşı keçirilən görüşün ikinci hissəsində Natan Elderin vurduğu qol, "Duvr Atletik"ə finalda qələbə qazandırıb. Bununla da komanda 2001–2002 mövsümündən bu yana ilk dəfə olaraq Milli liqaya yüksəlib. Klub İngiltərə Federasiya Kubokunun 2014–2015 mövsümündə bu turnirdə özünün ən yaxşı nəticəsini təkrarlayıb: Kubokun birinci mərhələsində 1:0 hesabı ilə "" məğlub edilib, ikinci mərhələdə "Duvr Atletik" eyni hesabla ""a qalib gəlib, üçüncü mərhələdə komanda Premyer Liqa təmsilçisi Kristal Palas tərəfindən 0:4 hesabı ilə darmadağın edilib. 2015–2016 mövsümündə "Duvr Atletik" İngiltərə ikinci liqasına yüksəlmək imkanı verən pley-off oyunlarında iştirak hüququ qazansa da, iki matçın nəticəsinə görə yarımfinalda "" komandasına məğlub olub.

"Duvr Atletik" klubunun ənənəvi rəngləri ağ və qaradır, eyni rəngli formalardan daha əvvəllər "" klubunun oyunçuları istifadə edirdilər. Klub səfər oyunlarında müxtəlif vaxtlarda qırmızı, sarı və mavi rəngli formalardan istifadə edib. "Duvr Atletik"in emblemində dairə içərisində klubun adı və şəhərin iki ən məşhur görməli yeri təsvir olunub: və . Müxtəlif vaxtlarda "Criccieth Homes", "Hoverspeed", "SeaFrance" və başqaları klubun sponsorları olmuş və onların reklamları klubun futbolkalarında əks olunmuşdur.