Diplomat (kürd. Dîplomat) və ya "Diplomata kurdı" (kürd. Dîplomata Kurdî) — Azərbaycanda fəaliyyəti dayandırılmış kürddilli qəzet.
| Diplomat | |
|---|---|
 Qəzetin rəsmi loqosu. | |
| Növ | ictimai-siyasi hüquq qəzeti |
| Format | A3 |
| Təsisçi | Tahir Süleyman |
| Baş redaktor | Tahir Süleyman |
| Yaranma tarixi | 2003 |
| Dil | Azərbaycan dili, kürdcə, türk dili, rus dili |
| Qiymət | 40 qəpik |
| Səhifə | 16 |
| Baş ofis | |
| Ünvan | Bakı-40. S.Mehmandarov küç., ev 25, mənzil 17 |
| Ölkə | |
Tarixi
"Diplomat" həftəlik qəzeti 2003-cü ildə təsis olunmuşdur. Qəzetin təsisçisi və baş redaktoru Tahir Süleyman olmuşdur. "Diplomat" qəzeti kürd, Azərbaycan, rus və türk dillərində çap olunurdu. Qəzet Rusiyanın müxtəlif vilayətlərində, həmçinin Qazaxıstanda, Qırğızıstanda və Ukraynada yayımlanırdı.
"Diplomat" qəzetində Kürdüstan Fəhlə Partiyasının (PKK) liderləri Murad Karayılan və Abdullah Öcalana dəstək verən yazılar dərc olunmuşdur. Qəzetin baş redaktoru Tahir Süleyman özü Abdullah Öcalanı "milli azadlıq hərəkatının rəhbəri" adlandırmışdır. O, zaman-zaman İraqa gedərək, oradakı İraq Kürdüstanı iqtidarı ilə görüşlər keçirmişdir. Qəzetdə kürd liderlərdən alınan müxtəlif müsahibələr dərc olunmuşdur. Azərbaycan mətbuatında dəfələrlə "Diplomat"ın etnik separatizmlə məşğul olduğu iddia edilmişdir. "Diplomat" 2009-cu ildə Türkiyə mətbuatının da diqqətini cəlb etmiş, , müstəqil Kürdüstan və PKK ideyalarını təbliğ etməkdə ittiham olunmuşdur.
2008-ci ildə qəzetin təsisçisi Tahir Süleymanın "ölkə Türkiyənin gününə salına bilər" ifadələri səbəbilə qəzetin Azərbaycan nəşriyyatında çapı dayandırılmış, Tahir Süleyman isə qəzetini dərc etmək üçün Gürcüstanın paytaxtı Tblisi şəhərinə getməyə məcbur olmuşdur. 2012-ci ilin martında Azərbaycan nəşriyyatları yenidən "Diplomat" qəzetini çap etməkdən imtina etmişdir. Tahir Süleyman bildirmişdir ki, Türkiyə səfirliyinin müraciəti əsasında prezident administrasiyası bütün nəşriyyatlara qəzeti dərc etməmək barədə göstəriş vermişdir. Aprel ayında qəzetin nəşri qeyri-rəsmi şəkildə davam etmişdir.
Deputat Sabir Rüstəmxanlı Milli Məclisdə 2013-cü ildə qəzet haqqında çıxış etmiş və iddia etmişdir ki, qəzet PKK-nı təbliğ edir. Bundan sonra qəzet kürdlərin Türkiyədəki mübarizəsinə dəstək verdiyi üçün Türkiyə hökumətinin təzyiqi ilə bağlanmışdır.
İstinadlar
- ↑ . Rudaw (ingilis). 14 sentyabr 2013. 2022-02-02 tarixində . İstifadə tarixi: 2 fevral 2022.
- . Diplomat (az.). 37 (148). 24–31 dekabr 2011. səh. 1.
- . Azadlıq Radiosu (ingilis). 1 iyul 2011. 2022-02-02 tarixində . İstifadə tarixi: 2 fevral 2022.
- . Diplomat (az.). 18 (5). avqust 2005. səh. 1.
- ↑ . Reportyorların Azadlıq və Təhlükəsizlik İnstitutu (ingilis). 13 mart 2012. 2022-02-02 tarixində . İstifadə tarixi: 2 fevral 2022.
- . Modern.az. 12 mart 2012. 2022-02-02 tarixində . İstifadə tarixi: 2022-02-02.
- ↑ . Moderator.az (az.). 12 sentyabr 2013. 2022-02-02 tarixində . İstifadə tarixi: 2 fevral 2022.
- . Demokratik.az (az.). 9 aprel 2018. 2022-02-02 tarixində . İstifadə tarixi: 2022-02-02.
- . Bizim yol (41). 23 fevral 2009. səh. 4. 2022-02-02 tarixində . İstifadə tarixi: 2 fevral 2022.
- . GünAz TV (az.). 9 oktyabr 2008. 2022-02-02 tarixində . İstifadə tarixi: 2 fevral 2022.
- . Azadlıq (az.). 9 aprel 2012. 2022-01-30 tarixində . İstifadə tarixi: 2 fevral 2022.
- . Mikroskop Media (az.). 20 oktyabr 2021. 2022-02-02 tarixində . İstifadə tarixi: 2 fevral 2022.
Xarici keçidlər
- [ölü keçid] 2011-02-02 at the Wayback Machine