Dina İosifovna Tumarkina (16 avqust 1932, Odessa) — Azərbaycan teatr aktrisası, Azərbaycan SSR xalq artisti (1981), Azərbaycan SSR Dövlət mükafatı laureatı (1972).
Dina Tumarkina | |
---|---|
Doğum tarixi | 16 avqust 1932 (91 yaş) |
Doğum yeri | |
Vətəndaşlığı | |
Fəaliyyəti | teatr aktrisası, aktrisa |
Fəaliyyət illəri | 1956-cı ildən |
Teatr | |
Mükafatları |
Həyatı
Dina Tumarkina 16 avqust 1932-ci ildə Odessada anadan olmuşdur. O, Odessa Texnologiya İnstitutunda və M. E. Tilker adına Odessa teatr studiyasında təhsil almışdır. 1955-ci ildə Bakıya köçmüş, yarım il Gənc Tamaşaçılar Teatrının, 1956-cı ildən isə Azərbaycan Dövlət Rus Dram Teatrının aktrisası olmuşdur. Dina Tumarkina bu teatrdakı 34 illik yaradıcılıq fəaliyyəti ərzində 150-dən artıq rol ifa etmişdir.
Aktrisa 1990-cı ilin əvvəlindən İsraildə yaşayır. O, buradakı müxtəlif teatrlarda 6-ı ivrit dilində olmaqla, 11 rol ifa etmişdir.
Təltif və mükafatları
- "Azərbaycan SSR xalq artisti" fəxri adı — 10 aprel 1981
- "Azərbaycan SSR əməkdar artisti" fəxri adı — 7 fevral 1972
- Azərbaycan SSR Dövlət mükafatı — 1972 (S. Vurğun adına Azərbaycan Dövlət Rus Dram Teatrında "Komandorun addımları" tamaşası üçün)
- SSRİ Mədəniyyət Nazirliyinin fəxri fərmanı ("Dairəni genişləndirin" tamaşasında qadın rolunun ifasına görə)
İfa etdiyi əsas rollar
Dina Tumarkinanın repertuarında iradəli və işgüzar qadın obrazları yer tutmuşdur. Onun ifa etdiyi əsas rollar:
- "Komandorun addımları", Vadim Korostılyev — Nataliya
- "Şıltaq qızın yumşalması", Uilyam Şekspir — Bianka
- "Sirano de Berjerak", Edmon Rostan — Roksana
- "Vanya dayı", Anton Çexov — Yelena Andreyevna
- "Terezanın ad günü", Georgi Mdivani — Amanda
- "Dairəni genişləndirin", İmran Qasımov — Aliyə
- "Sən həmişə mənimləsən", İlyas Əfəndiyev — Nəzakət
- "Şəhərin yay günləri", Anar — Dilarə
- "Vicdan", Vladimir Tokarev — Valya
- "Bəyaz gecələrlə vidalaşma", Vera Panova — Kira
Filmoqrafiya
İstinadlar
- . Trend İnformasiya Agentliyi. 3 iyun 2017. 29 dekabr 2020 tarixində . İstifadə tarixi: 29 dekabr 2020.
- ↑ Аграновский А. Звезда под названием Дина Тумаркина // Вышка (rus). 7 августа 2015. С. 6.
- Тумаркина Дина Иосифовна // Азәрбајҹан Совет Енсиклопедијасы: [ 10 ҹилддә]. IX ҹилд: Спутник— Фронтон. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1986. С. 371.
- İlham Rəhimli. Azərbaycan Teatr Ensiklopediyası (3 cilddə). 1-ci cild. Bakı: Azərnəşr. 2016. səh. 428. ISBN 978-9952-8306-3-7.
Xarici keçidlər
- . kino-teatr.ru (rus). 29 dekabr 2020 tarixində . İstifadə tarixi: 29 dekabr 2020.
- . ourbaku.com (rus). İstifadə tarixi: 29 dekabr 2020.