Cüneyt Çakır (23 noyabr 1976, İstanbul) — türkiyəli beynəlxalq dərəcəli futbol hakimi və sığortacı. Cüneyt Çakır köməkçiləri ilə birlikdə 6 sentyabr 2015-də Çempionlar Liqasının finalında Barselona- Yuventus matçını idarə edərək, bu turnirin finalında hakimlik edən ilk türk hakimi olmuşdur.

Cüneyt Çakır
Çakır 2016-cı ildə
Doğum 23.11.1976
İstanbul, Türkiyə
Digər peşəsi
Yerli səviyyədə
İllər Liqa Rolu
2001- Türkiyə Super Liqası Baş hakim
2001- Türkiyə Kuboku Baş hakim
2010- Çempionlar Liqası Baş hakim
Beynəlxalq səviyyədə
İllər Liqa Rolu
2011- FİFA dərəcəli hakim Baş hakim

Hakimlik karyerası

İstanbul bölgəsi hakimi olan Cüneyt Çakır Kocaeli Universiteti işlətmə fakültəsinin məzunudur. Hazırda hakimliklə birlikdə sığortaçılıqla da məşğul olur. 1994 ildə hakimlik karyerasına başlayan Çakır, 1997 ildə C reytinqli və 1999 ildə isə B reytinqli hakim oldu. Türkiyə Futbol Federasiyasının qeydlərində olan ilk idarə etdiyi matç 18 Oktyabr 1996-cı il tarixli Beşiktaş A.Ş.-Samsunspor matçıdır, bu oyunda o, yardımcı hakim vəzifəsini görürdü. Yüksək reytinq hakimi kateqoriyasına 2001-ci ildə yüksələrkən, Türkiyə Super Liqasındakı ilk oyununa da eyni ildə çıxmışdı. Super Liqadakı ilk matçı Malatyaspor-Çaykur Rizespor matçıdır. 2006-cı ildə FİFA dərəcli hakim olan Cüneyt Çakır, göstərdiyi uğura görə 2007-ci ildə Avropanın istedadlı hakimlərinin dəvət edildiyi isveçli keçmiş hakim Karl-Erik Nilssonun rəhbərliyi altında keçirilən Mentör Proqramına dəvət edilmiş və buradakı üstün müvəffəqiyyətinə görə UEFA tərəfindən yüksək səviyyəli müsabiqələrdə tapşırıq verilmişdir.

2007-ci ildə Avstriyada təşkil edilən 19 yaşlılar arası Avropa Çempionatının final mərhələsinə dəvət olunan Cüneyt Çakır bu turnirdə Fransa-Serbiya və İspaniya-Portuqaliya arasında oynanan qrup oyunlarını idarə etmişdir. 2008/09 mövsümündə o, UEFA Kuboku turnirin Şalke 04-Tvente oynunda hakimlik edərək, avrokuboklarda debüt etmişdir.. 2009 ildə gənclər arası Avropa çempionatında yarımfinal oyunu daxil olmaqla daha 3 oyununda idarəçilik etmişdir. 2009-10 mövsümündə Fulham ilə Hamburq arasında oynanan Avropa Liqası yarım final revanş matçında baş hakim vəzifəsini yerinə yetirirdi. 2010-11 mövsümündə Çempionlar Liqası qrup matçlarında idarə etdiyi Rubin Kazan-Barselona matçı həm 10 il aradan sonra bir türk hakim Çempionlar Liqasında vəzifə almış, həm də Çakır, bu liqada Doğan Babacan və Ahmet Çakardan sonra belə turnirin matçını idarə edən 3-cü türk hakimi olmağı bacarmışdır. Çakır 16 İyun 2011-də UEFA tərəfindən ən yüksək kateqoriya olan UEFA Elit Hakim Kateqoriyasına yükseltildi.

2011-12 mövsümündə Barcelona ilə Çelsi arasında oynanan Çempionlar Liqası yarım final revanş mübarizəsinэ rəhbərlik etmişdir, 2-2 bitən qarşılaşma sonda Çelsi finala çıxması ilə nəticələnmişdir. 16 Dekabr 2012 tarixində Braziliyanın Korintians Paulista ilə İngiltərənin Çelsi komandaları arasında oynanılan FİFA Klublararası Dünya Kuboku finalınıda Çakır idarə etmişdir. 2014 UEFA Çempionlar Liqası finalında dördüncü hakim vəzifəsini yerinə yetirdi.

Beynəlxalq Futbol Tarixi və Statistikaları Federasiyası tərəfindən hazırlanan 2014-cü il üçün "Dünyanın Ən Yaxşı Hakimi" siyahısına meksikalı Marko Antonio Rodrguez ilə birlikdə 13 xal alaraq, səkkizinci sırada yer almışdır.

2012 Avropa Çempionatı

PolşaUkraynada keçirilən 2012 Avropa Çempionatında o, vəzifə alan 12 hakimdən biri olmuşdur. Qrup matçlarında Ukrayna-İsveç, İtaliya-İrlandiya matçlarını idarə etmişdir, dörddə bir finalda İngiltərə-İtaliya oynunda dördüncü hakimlik vəzifəsini yerinə yetirmişdir. Yarımfinalda isə Portuqaliya-İspaniya oynunda baş hakim funksiyasını yerinə yetirmişdir.

2014 FIFA Dünya Kuboku

Braziliyada keçirilən 2014 FİFA Dünya Kubokunda köməkçi hakimləri Bahəddin Duran və Tarıq Ongün ilə birlikdə kubokun hakimləri siyahısına salınmışdır. Cüneyt Çakır, qrup mərhələlərində Braziliya - MeksikaƏlcəzair - Rusiya oyunlarını idarə etdikdən sonra, 1974 FİFA Dünya Kubokunda oyunları idarə edən Doğan Babacandan sonra bir Dünya Kubokunda oyun idarə edən ikinci türkiyəli hakim olmuşdur. 9 İyul 2014 ildə oynanılan Hollandiya - Argentina yarımfinal matçını idarə etdi.

Çempionlar Liqası Finalı 2015

UEFA rəsmi internet saytından verdiyi açıqlamada 6 İyunda Berlində Barcelona ilə Juventus arasında oynanan Çempionlar Liqasının finalının hakimi Cüneyt Çakır olacağını bildirdi. Bu matçda Cüneyt Çakıra Bahəddin Duran və Tarıq Ongün yardım etdilər. Qarşılaşmanın dördüncü hakimi İsveçli Jonas Eriksson olarkən, Hüseyn Köçmə ilə Barış Şimşək assistent hakimlər oldu. Mustafa Emre Eyisoy isə ehtiyat assistent hakim kimi təqdim olundu. Bu qarşılaşma ilə Cüneyt Çakır Çempionlar Liqası finalını idarə edən ilk türk hakim olma xüsusiyyətinin yanaşı, həmçinin finalda fit çalan ən gənc ikinci hakim olmuşdur.

İstinadlar

  1. Yılmaz Özdil (9 Temmuz 2014). " 2015-12-07 at the Wayback Machine". Hürriyet. Erişim tarihi: 11 Temmuz 2014.
  2. . 2015-06-19 tarixində arxivləşdirilib. İstifadə tarixi: 2015-09-06.
  3. " 2013-06-03 at the Wayback Machine!". CNN Türk.com. 16 Haziran 2011. Erişim tarihi: 16 Haziran 2011.
  4. " 2014-05-11 at the Wayback Machine". Hürriyet. 7 Mayıs 2014. Erişim tarihi: 30 Haziran 2014.
  5. " 2015-08-13 at the Wayback Machine". NtvSpor.net. 6 Ocak 2015. Erişim tarihi: 6 Ocak 2015.
  6. " 2014-07-14 at the Wayback Machine". TFF. 17 Haziran 2014. Erişim tarihi: 30 Haziran 2014.
  7. " 2014-07-14 at the Wayback Machine". TFF. 26 Haziran 2014. Erişim tarihi: 30 Haziran 2014.
  8. " 2014-07-14 at the Wayback Machine". TFF. 10 Temmuz 2014. Erişim tarihi: 10 Temmuz 2014.
  9. HaberTurk.  2015-05-24 at the Wayback Machine.
  10. " 2015-06-07 at the Wayback Machine". UEFA.com. Erişim tarihi: 6 Eylül 2015.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023