Nyu York ştatının Floran Park şəhərində yəhudi ananın və katolik irland atanın ailəsində anadan olmuşdur. Güclərini gənc yaşında ikən soyuqdan titrərkən kəşf etmişdir.

Oxuduğu məktəbin zorbası Rokki Biesi ona və qız dostuna hücum çəkərkən Robert panikaya düşmüş və Rokkini donduraraq güclərini ortaya çıxartmışdır. Onun hərəkətlərindən qorxan xalq Dreyklərin evinə hücum çəkmişdir. Bölgənin şerifi Roberti həbs etmişdi.

Bundan sonra Professor X (Çarlz Xavier) Skot Sammersi Bobbinin dalınca göndərmişdir və Bobbi Professor X-in məktəbinə qatılmışdır. Burada o, güclərindən istafədə etməyi öyrənmişdir.

Bir müddət İks-adamlarlə Manitoya və Bəlalı Mutantlar Qardaşlığına qarşı döyüşmüşdür. Müxtəlif mutantlarla sevgi münasibəti oldu. Bir dəfə Kiklopsun qardaşı Alekslə birlikdə Lorna Deynə aşiq olmuşdur. Amma sonda Lorna Deyni Aleksə buraxmışdır. İks-adamlardə qalıb döyüşməyə davam etmişdir.

Buzadam bədənin iç və xaricinin temperaturunu dəyişdirə, bədənindən soyuq saça bilir. Buzadam ilk dəfə bədənini tam olaraq buza çevirdikdə bədəni qara bənzər maddə ilə örtülmüşdür. Daha sonra özü üzərində çalışaraq bunu buzla əvəz edə bilmişdir.

Varlıqların yaydıqları temperaturu hiss etməyi də bacarır. Beləliklə canlıların yerini müəyyən edə bilir. Havadakı nəmi buza və qara çevirir. Buna şəkil vermək xəyal gücünə bağlıdır. Buzdan çubuqlar və qalxanlar yarada bilər. Suyu bir toxunuşu ilə buza çevirər.

Bədəni buza çevrilərkən yenidən sağalma qabiliyyətinə malik olur.

Buz adam indiyə qədər 4 filmdə — "İks-adamlar" (2000), "X2" (2004), "İks-adamlar: Son müqavimət" (2006) və "İks-adamlar: Gələcəyin keçmiş günləri" (2014) filmlərində görünmüşdür. Bütün filmlərdə Buz adam rolunu Şon Eşmor canlandırmışdır.

• Marvel Verilənlər Bazası