Bığcıqları 8, bəzən 7 buğumludur (MDB-də aşkar edilməmiş Urothripidae fəsiləsinin nümayəndələrində 4-5 buğumlu). Bığcıqların trixomaları pulcuqlu, bəzən çoxsaylıdır. Qabaq və arxa qanadlar uzunluğuna və eninə görə təxminən eynidir. Damarsızdır, yalnız qabaq qanadın kökündə uzununa damarın güclü xitinləşmiş rudimenti qalmışdır. Qanadların kənarlarında uzun tükcüklərdən sıx saçaqlar, qabaq qanadın arxa kənarının zirvəsində isə çox vaxt əlavə kirpikciklər olur. Bəzən qanadlar gödəlmişdir və ya heç yoxdur. Qabaq ayaqların pəncələri birbuğumludur. Qarıncığın X seqmenti borucuq şəklində dartılmışdır.

Dişilərində yumurtaqoyan yoxdur. Sürfələrinin 2 yaş mərhələsi var, bığcıqları imaqonunkuna bənzəyir. Qanadlı formaların pronimfalarında qanad rüşeymləri vardır. Bığcıqları irəli yönəlmişdir, ancaq buğumları bitişikdir. Nimfanın bığcıqları arxaya yönəlmişdir. Qanadların rüşeymi arxa tərəfdə döş nahiyəsini keçir. Əgər varsa, 2-ci nimfa daha uzun bığcıqlı və qanad rüşeymlidir. Bir fəsiləsi vardır.

MDB-də və Azərbaycanda (Naxçıvan MR) yayılıb.İki fəsiləsi vardır.

• Floeotripidlər () fəsiləsi