Belarus–Yaponiya münasibətləri (belar. Беларуска-японскія адносіны; yap. 日本とベラルーシの関係) – Belarus ilə Yaponiya arasındakı mövcud ikitərəfli əlaqələr.

Belarus–Yaponiya münasibətləri
Belarus və Yaponiya
 Belarus  Yaponiya
Vikianbarın loqosu Vikianbarda əlaqəli mediafayllar

Tarix

Minskdə doğulmuş belarusəsilli şərqşünas Rusiyanın Yaponiyadakı ilk diplomatı (1858–1865) olmuş, eləcə də, ilk rusca-yaponca lüğətini (1857) tərtib etmişdir.

Belarus ilə Yaponiya arasında diplomatik əlaqələr 26 yanvar 1992-ci ildə qurulmuşdur. Yaponiyanın Belarus səfirliyi 1993-cü ilin yanvarında Minskdə açılmışdır. Belarusun Yaponiya səfirliyi isə 1995-ci ilin iyununda Tokioda açılmışdır. 1998-ci ildə Belarus prezidenti Aleksandr Lukaşenko Naqanoda keçirilən Qış Olimpiya Oyunları münasibətilə Yaponiyaya səfər etmişdir. Ölkələr aralarındakı münasibətləri gücləndirmək məqsədilə parlamentlərində dostluq qrupları yaratmışdır. 2000-ci ildə Yaponiya parlamentinin Müşavirlər Palatasının nümayəndəliyi Belarusa, 2001-ci ildə Belarus Milli Assembliyası Şurasının nümayəndəliyi Yaponiyaya səfər etmişdir.

 
Belarusun Yaponiyadakı səfirliyi.

2012-ci ildə ölkələr arasında "nüvə qəzalarının nəticələrini aradan qaldırmaq haqqında əməkdaşlıq müqaviləsi", 2018-ci ildə Yaponiya Səhiyyə, Əmək və Rifah Nazirliyi ilə Belarus Səhiyyə Nazirliyi arasında əməkdaşlıq memorandumu imzalanmışdır.

2017-ci ilin aprelində Belarusun Yaponiyadakı fövqəladə və səlahiyyətli səfiri təyin olunmuşdur. Həmin il ölkələr münasibətlərin qurulmasının 25 illiyini qeyd etmişdir. 2018-ci ildə Yaponiya da Belarusdakı diplomatik missiyasını inkişaf etdirərək fövqəladə və səlahiyyətli səfir təyin etmişdir.

Mədəniyyət

2019-cu ilin aprelində Yaponiyada Belarus mədəniyyət günləri keçirilmişdir. Həmin il Minsk şəhərində baş tutmuş II Avropa Oyunları zamanı Yaponiya nümayəndəliyi ölkəyə səfər etmişdir.

2009-cu ildə aktivist Teruo Nayto ölkələr arasındakı dostluq münasibətlərini simvolizə etmək üçün Minsk şəhərində yerləşən 97 nömrəli məktəbə sakura ağacları bağışlamışdır. O, Belarus–Yaponiya münasibətlərinin inkişafı üçün verdiyi töhfələrə görə Belarus hökuməti tərəfindən mükafatlandırılmışdır.

BelarusYaponiya milli futbol komandaları cəmi 1 dəfə qarşılaşıblar. 2013-cü ildə baş tutmuş yoldaşlıq oyunu Belarusun 1:0 hesablı qələbəsi ilə başa çatmışdır.

İqtisadiyyat

Belarus Yaponiyaya əsasən kalium gübrələri, alüminium ərintiləri, şüşə-lif məhsulları, tibb ləvazimatları, Yaponiya isə Belarusa avtomobil hissələri, qaz turbinləri, məhsulları və qaldırıcılar ixrac edir.

Demoqrafiya

2019-cu ilin məlumatına əsasən Belarusda 53 Yaponiya vətəndaşı, 2020-ci ilin məlumatına əsasən Yaponiyada 451 Belarus vətəndaşı yaşayır.

İstinadlar

  1. (ingilis). Belarusun Yaponiya səfirliyi. 2023-03-26 tarixində . İstifadə tarixi: 26 mart 2023.
  2. (ingiliscə). Belarusun Yaponiya səfirliyi. 8 avqust 2022. 2023-03-26 tarixində . İstifadə tarixi: 26 mart 2023.
  3. . The Japan Times (ingiliscə). 16 aprel 2013. 2023-03-26 tarixində . İstifadə tarixi: 26 mart 2023.
  4. (ingiliscə). Xarici İşlər Nazirliyi (Yaponiya). 2023-03-26 tarixində . İstifadə tarixi: 26 mart 2023.

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023