Balahüseyn Həmzəyev (tam adı: Balahüseyn Mirqəzəb oğlu Həmzəyev; 11 avqust 1929, Bakı, Azərbaycan SSR, SSRİ – 24 mart 1990, Bakı, Azərbaycan SSR, SSRİ) — Qanlı Yanvar şəhidi.
| Balahüseyn Həmzəyev | |
|---|---|
| Balahüseyn Mirqəzəb oğlu Həmzəyev | |
 | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vəfat tarixi | (60 yaşında) |
| Vəfat yeri | Bakı, Azərbaycan SSR, SSRİ |
| Vəfat səbəbi | "20 Yanvar Şəhidi" |
| Dəfn yeri | Yeni Suraxanı qəbiristanlığı |
| Vətəndaşlığı |
 SSRİ
|
| Atası | Mirqəzəb |
| Milliyyəti | azərbaycanlı |
| Fəaliyyəti | Sürücü |
Həyatı
1929-cu ilin 11 avqustunda Bakıda anadan olmuşdur. 2704 nömrəli avtobazada sürücü işləmişdir. Beş övladı yadigar qalmışdır.
Qanlı Yanvar faciəsi
Balahüseyn hələ yaralı ikən bunları demişdir:
|
— Yanvarın 19-da evə axşam gəldim. Yoldaşım dedi ki, gör uşaqlar haradadır. Mən küçəyə çıxıb onları Yeni Suraxanı dairəvi yolunda tapdım. Onları evə göndərdim. Mən də getmək istəyirdim ki, tanışlarım məni səslədi və dayanıb onlarla söhbət eləməyə başladım. Belə xeyli söhbət elədik. Birdən güllə səsləri eşidilməyə başladı. Bir də gözümüzü açdıq ki, camaat bir-bir yıxılır. Bu an güllə mənə də dəydi. Biz sürünə-sürünə ağaclığa girdik. Sonra məni Caparidze adına xəstəxanaya gətirdilər. Maşını yolda da atəşə tutdular, amma xətər toxunmadı. Xəstəxanada məlum oldu ki, mənə 3 güllə dəyib. |
|
Həyat yoldaşının sözlərinə görə, güllələrdən biri dizində ilişmiş, digəri isə daxili orqanlarını zədələmişdir. Martın 24-də aldığı xəsarətlərdən Caparidze adına xəstəxanada vəfat etmişdir.
Yeni Suraxanı qəbiristanlığında dəfn edilmişdir.
Ünvan
Bakı şəhəri, Yeni Suraxanı qəsəbəsi, Oktyabr küçəsi, 20.
Həmçinin bax
İstinadlar
- . 2022-08-18 tarixində . İstifadə tarixi: 2015-07-17.
- (PDF). 2015-07-17 tarixində (PDF). İstifadə tarixi: 2015-07-17.
- (PDF). 2022-10-05 tarixində (PDF). İstifadə tarixi: 2022-10-05.