Auyuittuq Milli Parkı (ing. Auyuittuq National Park) — Kanadanın Nunavut bölgəsində, Baffin Torpağının Kumberlend yarımadasında, Kikiktaaluk regionunda yerləşən milli park. Milli parkda xeyli fiord, artik səhra, qleyzer, buzla örtülü ərazi yerləşir. İnuktitut dilində (Nunavut bölgəsinin yerli İnuit xalqının dili) Auyuittuk sözü (ᐊᐅᔪᐃᑦᑐᖅ) "heç vaxt əriməyən yer" mənasını verir. Burada 1976-cı ildə milli park qoruğu qurulsa da, ancaq 2000-ci ildə rəsmən milli park statusu almışdır.
| Auyuittuk Milli Parkı | |
|---|---|
| ing. Auyuittuq National Park | |
 Panqnirtunq fiordu | |
BTMB kateqoriyası — II (Milli park).svg){kind=logo} |
|
| Sahəsi | 19.089 km2 ha |
| Yaradılma tarixi | 1976 |
| İdarəetmə orqanı | Kanada Parkları |
| Dağlar | Asqard dağı, Tor dağı, Odin dağı, Baffin dağları |
| Faunası | 12 məməli növü |
| Yerləşməsi | |
| 67°53′ şm. e. 65°01′ q. u. | |
| Ölkə |
 Kanada
|
| Vilayət |
 Nunavut
|
| Rayon | Kikiktaaluk |
| Yerləşməsi | Baffin Torpağı |
| Yaxın şəhər | Panqnirtunq, Kikiktarjuak |
|
|
|
|
|
|
 Vikianbarda əlaqəli mediafayllar | |
Haqqında
Milli parkın bitki örtüyü zəifdir. Burada ancaq driada, kampion, lalə, daşdələn kimi çiçək növləri, betula nana, Artika söyüdü, süpürgəotu kimi kollara rast gəlmək mümkündür. Bitki növlərinin çoxu soyuq Artika iqlimində sağ qalmaq üçün toplu şəkildə bitir.
Bitki örtüyünün çox zəif inkişaf etməsi səbəbi ilə heyvan növləri də çox azdır. Milli parkda 12 məməli növü (lemminq, artika dovşanı, qaqum, ağ ayı, qütb tülküsü, karibu) yaşayır.
Ən yaxın şəhərlər Panqnirtunq və Kikiktarjuakdır. Ziyarətçilər "Kanada Parkları"ndan icazə alaraq milli parkı ziyarət edə bilərlər.
Milli parkda ən tanınmış yer Akşayuk keçididir. Bu keçidin yaxınlığından Summit gölündən başlanğıc götürən Bayquş və Gəlincik çayları axır. 2008-ci ildə isti hava və güclü yağışlar səbəbi ilə Summit gölü və Gəlincik çayı daşmış və bu səbəblə bir çox yürüyüş zolağı bağlanmışdır.
Milli parkda 800 metr hündürlüyündəki Asqard dağı ("Məni sevən cəsus" adlı Ceyms Bond filmində göstərilmişdir) və 1250 metr hündürlüyündəki Tor dağı yerləşir.
Qalereya
-
Asqard dağı -
Maktak fiordu -
Tor dağı -
Odin dağı -
Akşayuk keçidi -
Baffin dağları, Kumberlend yarımadası
İstinadlar
- . 2013-10-18 tarixində . İstifadə tarixi: 2015-07-01.
- . 2019-01-30 tarixində . İstifadə tarixi: 2015-07-01.
Xarici keçidlər
- 2007-11-17 at the Wayback Machine
- 2012-03-21 at the Wayback Machine