Arif Lətif oğlu Qazıyev (17 may 1938, İrəvan24 fevral 2022) — Azərbaycan televiziya rejissoru, ssenari müəllifi.

Arif Qazıyev
Doğum tarixi 17 may 1938(1938-05-17)
Doğum yeri
Vəfat tarixi 24 fevral 2022(2022-02-24) (83 yaşında)
Vəfat səbəbi insult
Vətəndaşlığı
Fəaliyyəti aktyor, rejissor, ssenarist
Mükafatları "Şöhrət" ordeni — 2008 "Əmək igidliyinə görə" medalı — 1966

Həyatı

Arif Lətif oğlu Qazıyev 1938-ci il mayın 17-də İrəvanda anadan olub, Gəncədə yaşayıb. Orta təhsilini Gəncədə başa vurduqdan sonra böyük bəstəkar Fikrət Əmirovun təkidi ilə Bakıya gəlib və Teatr İnstitutunda təhsilini davam etdirib. Arif Qazıyev hələ uşaqlıqdan bir çox musiqi festivallarının, konsertlərin iştirakçısı olub.

1956-ci ildən Azərbaycan Televiziyasında fəaliyyətə başlayıb, görkəmli sənətkarlarla təmasda olub və televiziyada ilk kişi diktoru olub. Daha sonra televiziyanın nəzdində yaradılan Miniatür Teatrının aktyor truppasına keçib, bir müddət musiqi şöbəsində çalışıb.

O, Georgi Tovstonoqovun rejissorluq məktəbini keçib. Arif Qazıyev 90-na yaxın musiqili filmin rejissoru və ssenari müəllifidir. 1967-ci ildə “Şur” muğamı əsasında çəkdiyi film böyük səs-küyə səbəb olub. Filmdə “Şur” muğamını oxuyan xanəndələr qədim muğamın ən incə guşələrini dinləyicilərə çatdırmağa çalışıblar.

Arif Qazıyev “Şəhər üzərində mahnı” (1965), “Çalır Tamilla Mahmudova” (1966), “Məhəbbət haqqında əfsanə” (1967), “Üçüncü simfoniya” (1968), “Sevinc” (1968), “Təsnif” (1969), “Toyda görüş” (1970), “Torpaq patriarxları” (1971), “Çempionlar məktəbi” (1972), “Gülüstan Bayatı-Şiraz” (1972), “Avtomobildən qorun” (1974), “Payız melodiyaları” (1974), “Bəstəkar Qara Qarayev. Opus-78” (1979), “Bəstəkar Rauf Hacıyev” (1982), “Salam Zeynəb” (1982), “Elimin bayramıdır” (1989), “Qara Qarayev” (2003), “Məşədi İbad-94” (2005), “Xarıbülbül” (2006) və digər filmlərin müəllifidir.

Arif Qazıyev 1988-ci ildə Muğam Teatrını yaradıb, uzun müddət teatrın bədii rəhbəri və baş rejissoru olub.

Əməkdar incəsənət xadimidir, 2008-ci ildə “Şöhrət” ordeni ilə təltif olunub. 2017-ci ildə Azərbaycan Respublikası Prezidentinin fərdi təqaüdünə layiq görülüb.

Arif Qazıyev 24 fevral 2022-ci ildə 84 yaşında insultdan vəfat edib. Nardaran qəbiristanlığında dəfn olunub.

Təltifləri

Arif Qazıyev "Şöhrət" ordeni ilə təltif olunub (2008).

1 may 2017-ci ildə Azərbaycanın Respublikası Prezidentinin fərdi təqaüdünə layiq görülmüşdür.

Filmoqrafiya

  1. Acılar bitməz (film, 2009)(tammetrajlı bədii film) — çəkilişə köməklik edən
  2. Avtomobildən qorun (film, 1974)
  3. Ayna (film, 2000)
  4. Bəstəkar Qara Qarayev. Opus-78 (film, 1979)
  5. Bəstəkar Rauf Hacıyev (film, 1982)
  6. Bir ovuc torpaq (film, 2009)
  7. Bizim universitet (film, 1969)
  8. Çalır Tamilla Mahmudova (film, 1966)
  9. Dan ulduzu, tale ulduzu (film, 2001)
  10. Kəpəz (film, 1972)
  11. Kommunist haqqında poema (film, 1977)
  12. Konsert proqramı (film, 1971)
  13. Məhəbbət haqqında əfsanə (film, 1967)
  14. Məşədi İbad-94 (film, 2005)
  15. Payız melodiyaları (film, 1974)
  16. Qara Qarayev (film, 2003)
  17. Qurultaydan qurultaya (film, 1971)
  18. Salam, Zeynəb! (film, 1982)
  19. Şəhər üzərində mahnı (film, 1965)
  20. Sevinc (film, 1968)
  21. Sovet Azərbaycanının yarım əsrlik salnaməsi (film, 1970)
  22. Şur (film, 1967)
  23. Təsnif (film, 1969)
  24. Torpaq patriarxları (film, 1971)
  25. Toyda görüş (film, 1970)
  26. Üçüncü simfoniya (film, 1968)

İstinadlar

  1. . 2022-03-02 tarixində . İstifadə tarixi: 2022-02-24.
  2. President.Az. (az.). . 01.05.2017. 2020-09-18 tarixində . İstifadə tarixi: 2017-05-03.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023