Anar Qabil oğlu Kərimov (3 iyun 1977, Füzuli rayonu) — Azərbaycan Respublikasının sabiq mədəniyyət naziri (2021–2022), Azərbaycanın UNESCO yanında sabiq daimi nümayəndəsi (2014–2020).
Anar Kərimov | |
---|---|
5 yanvar 2021 – 22 dekabr 2022 | |
Əvvəlki | Əbülfəs Qarayev |
Sonrakı | Adil Kərimli |
20 iyul 2020 – 5 yanvar 2021 | |
Vəzifədədir | |
23 may 2014-cü ildən | |
ISESCO-nun Tərəfdaşlıq və Beynəlxalq Əməkdaşlıq sektorunun müdiri | |
Vəzifədədir | |
17 may 23-cü ildən | |
Şəxsi məlumatlar | |
Doğum tarixi | 3 iyun 1977 (46 yaş) |
Doğum yeri | |
Təhsili | |
Fəaliyyəti | siyasətçi |
Uşağı | 3 |
|
|
Təltifləri | |
Vikianbarda əlaqəli mediafayllar |
Həyatı
Anar Kərimov 1977-ci il iyunun 3-də Füzuli rayonunda anadan olub. 1998-ci ildə Bakı Dövlət Universitetinin şərqşünaslıq fakültəsinin ərəb dili və filologiyası ixtisası üzrə bakalavr dərəcəsi, 2003-cü ildə isə Azərbaycan Respublikası Prezidenti yanında Dövlət İdarəçilik Akademiyasının beynəlxalq münasibətlər fakültəsinin beynəlxalq münasibətlər və diplomatiya ixtisası üzrə magistr dərəcəsini alıb. İraqda (Əl-Mustansiriyyə Universiteti), Misirdə (Diplomatik Tədqiqatlar İnstitutu), Avstriyada (Vyana Diplomatik Akademiyası), İtaliyada (San Remo Beynəlxalq Humanitar Hüquq İnstitutu), Polşada (Beynəlxalq Qızıl Xaç Komitəsi) və s. diplomatik kurslarda iştirak etmişdir.
Rus, ingilis və fransız dillərini bilir. Ailəlidir, üç övladı var.
Fəaliyyəti
Anar Kərimov diplomatik karyerasına 2000-ci ildə Azərbaycan Respublikası Xarici İşlər Nazirliyinin insan haqları, demokratikləşmə və humanitar məsələlər idarəsində attaşe, üçüncü katib kimi başlamışdır. 2004–2008-ci illərdə Azərbaycan Respublikasının Belçika Krallığındakı səfirliyi və Avropa İttifaqı yanında Nümayəndəliyinin üçüncü və ikinci katibi işləmişdir. 2008–2009-cu illərdə Xarici İşlər Nazirliyinin humanitar və sosial məsələlər şöbəsində birinci katib vəzifəsində çalışmışdır. 2010–2014-cü illərdə isə Azərbaycan Respublikasının UNESCO yanında Daimi Nümayəndəliyinin müşaviri, müvəqqəti işlər vəkili vəzifələrində işləmişdir.
23 may 2014-cü ildə Azərbaycan Respublikası Prezidentinin müvafiq sərəncamları ilə Anar Kərimova ikinci dərəcəli fövqəladə və səlahiyyətli elçi diplomatik rütbəsi verilmiş və o, Azərbaycan Respublikasının UNESCO yanında daimi nümayəndəsi təyin edilmişdir.
Anar Kərimova 9 iyul 2019-cu ildə fövqəladə və səlahiyyətli səfir diplomatik rütbəsi verilmişdir. 20 iyul 2020-ci ildə Azərbaycan Respublikası Prezidentinin müvafiq sərəncamları ilə Anar Kərimov Azərbaycan Respublikası mədəniyyət nazirinin birinci müavini təyin olunmuş, eyni zamanda ona mədəniyyət nazirinin vəzifələrini müvəqqəti icra etmək səlahiyyətləri verilmişdir. Azərbaycan Respublikası Prezidentinin 5 yanvar 2021-ci il tarixli Sərəncamı ilə mədəniyyət naziri vəzifəsinə təyin olunmuş və 22 dekabr 2022-ci tarixli Sərəncamı ilə bu vəzifədən azad edilmişdir.
2023-cü ildə İslam Dünyası Təhsil, Elm və Mədəniyyət Təşkilatında (ISESCO) Tərəfdaşlıq və Beynəlxalq Əməkdaşlıq sektorunun müdiri çalışır
Mükafatları
- 3-cü dərəcəli "Vətənə xidmətə görə" ordeni — 1 avqust 2019
İstinadlar
- ↑ . culture.gov.az. Azərbaycan Respublikası Mədəniyyət Nazirliyi. 2020-02-09 tarixində . İstifadə tarixi: 17 avqust 2020.
- . e-qanun.az. 23 may 2014. 19 August 2020 tarixində . İstifadə tarixi: 17 avqust 2020.
- . e-qanun.az. 23 may 2014. 8 September 2022 tarixində . İstifadə tarixi: 17 avqust 2020.
- . e-qanun.az. 9 iyul 2019. 2020-08-19 tarixində . İstifadə tarixi: 17 avqust 2020.
- . e-qanun.az. 20 iyul 2020. 2020-08-19 tarixində . İstifadə tarixi: 17 avqust 2020.
- . e-qanun.az. 20 iyul 2020. 2022-09-08 tarixində . İstifadə tarixi: 17 avqust 2020.
- . president.az. 5 yanvar 2021. 2021-12-06 tarixində . İstifadə tarixi: 5 yanvar 2020.
- . president.az. 22 dekabr 2022. 2022-12-22 tarixində . İstifadə tarixi: 22 dekabr 2022.
- . e-qanun.az. 1 avqust 2019. 2019-12-30 tarixində . İstifadə tarixi: 17 avqust 2020.