Aerika İmperiyası və ya Aerika — 1987-ci ilin mayında əsası qoyulmuş mikrodövlət. Özünün suveren ərazisi mövcud deyil və suveren dövlətlər tərəfindən heç zaman tanınmamışdır. Ölkənin adı "Amerika İmperiyası"ndan götürülüb. 2000-ci ildə The New York Times qəzeti ölkənin veb-səhifəsini "ən yaradıcı mikrodövlət saytlarından biri" kimi təqdim etmişdir.

Aerika imperiyası
Bayraq[d]
Bayraq[d]

"Mundi est ridiculum; custodiunt illud quod modo"

"Yaşlı və axmaq dünya. Qoy elə belə də qalsın!"
Tarixi
 • Elan olunub 8 may 1987
Rəsmi dilləri
Paytaxt Monreal
İdarəetmə forması konstitusiyalı monarxiya
İmperator İmperator Erik Liz
Sahəsi
 • Ümumi 9000000 km²
 • Əhali
  • 181 nəf.
Valyuta bilinmir

İmperiyanın "üzvləri" ölkənin ərazisinə ucsuz-bucaqsız və bir-birindən uzaq yerləşən sahələri daxil edirlər; buraya Avstraliyada bir kvadrat kilometr torpaq sahəsi, Monrealda bir ev böyüklüyündə ərazi, Kanada ("Hər bir şeyin səfirliyi" hesab edilir), Yerin bir qisim digər əraziləri, Marsda bir koloniya, Plutonun şimal yarımkürəsi və xəyali planet aid edilir.

Bayraqları Kanada bayrağına bənzəyir: ağ kvadratın üzərində qırmızı ağcaqayın yarpağı əvəzinə böyük sarı smaylik əks olunub. Həmçinin kənarlardakı iki qırmızı düzbucaqlının eni ilə uzunluğunun nisbəti Kanada bayrağında olduğundan fərqlidir.

Tarixi

Aerika İmperiyasının əsası 8 may 1987-ci ildə Kanadalı Erik Liz və bir qrup dostları tərəfindən qoyulmuşdur. İlk on ili ərzində imperiya tamamilə fiksiya idi: planetlərin qalaktikası üzərində suverenlik iddiasına düşməklə digər mikrodövlətlərə qarşı müharibələrdə iştirak edirdi. İnternetin ortaya çıxması ilə təsisçilər özlərinə bənzər digər mikrodövlətlərin olduğunu kəşf etdilər və İmperiya yavaş-yavaş əksər fantastik elementləri tərk edərək hobbi kimi fəaliyyət göstərməyə deyil, siyasi bir qurum olmağa çalışırdı. 1997-ci ildə imperiya özünün veb-səhifəsini qurdu.

2007-ci ildə "yeni pasportlar" buraxıldı. İlk pasport 2007-ci ildə Tokio Sarayında Mikrodövlət incəsənət sərgisində nümayiş olunub.

Aerika İmperiyası ilk dəfə 2009-cu ilin noyabrında pul sikkəsi buraxıb. 2012-ci ildə buraxılmış ikinci sikkə Aerikanın 25 illiyinə həsr edilmişdi. Kağız pullar ilk dəfə 2017-ci ildə, ştamplar isə 2015-ci ildə tərtib edilmişdir.

Statusu

Aerika öz missiyasını belə ifadə edir: "İmperiya o cəmiyyətlərin təkamülünü asanlaşdırmaq üçün mövcuddur ki, həmin cəmiyyətlərdə artıq İmperiyaya ehtiyac yoxdur". Dövlət özünün İmperatorun (hazırda təsisçi olan Erik Lizin) nəzarəti altında, seçkili orqanlardan ibarət parlamentli demokratiya kimi təşkil olunduğunu iddia edir. Hələ uşaq ikən İmperiyanın əsasını qoyan Liz MakGill Universitetində təhsilini başa vurub tibb üzrə doktor dərəcəsinə yiyələnmişdir. Onun haqqında məlumatlar Psixiatriya və Nevrologiya Jurnalı və jurnalında dərc olunub.

Qrupun fəaliyyəti Ulduz müharibələri, Qalaktika üzrə avtostopla və buna bənzər əsərlərə təkrarən edilən istinadlarla, eləcə də bol yumor, elmi fantastika və fantaziya sevgisi ilə yadda qalır. İmperiya hər il hekayə yazı müsabiqələri, döyüş oyunları günləri və İt-Biskvit Təqdir Günü kimi tədbirlər keçirir. Burada həmçinin İmperiya pinqvinlərinə ibadət etməyi nəzərdə tutan Silinizm "din"ini də inkişaf etdirmişdilər; ilk əvvəllər niyyəti ilə edilsə də, qrup üzvlərinin iddialarına görə dünyada bu "din"ə itaət edən otuz nəfər var. İmperiyada bayramlar və "qəşəng günlər" mövcuddur. 2 yanvar Prokrastinator günü, 27 fevral "Oyy" günü, 19 mart "Lənət olası gün", 26 oktyabr Topin Veqlqammon, yəni İlin ən qəşəng günü kimi qeyd edilir.

Fəaliyyəti

İmperiyanın internet üzərindən həyata keçirdiyi fəaliyyət müxtəlif dövlətlərdəki üzvlər arasında əlaqəni daha da gücləndirsə də, lokal tədbirlər keçirilməsi həmişə diqqət mərkəzindədir. Üzvlər həftəlik olaraq Monreal, Sprinqveyl, Nyu-York və digər mərkəzlərdə toplanırlar. 2007-ci ilin iyulunda iyirminci yubiley konvensiyası qəbul edilmişdir.

Aerika İmperiyasının nümayəndə heyəti 2012-ci ildə Londonda akademik konfransda və 2017-ci ildə Atlantada MikroKon Mikrodövlətlər Konvensiyasının qəbulu prosesində iştirak etmişlər.

İstinadlar

  1. Infoman: 2017-08-10 at the Wayback Machine, 11 October 2012, "Émission du 11 Octobre"
  2. Atlanta Magazine: 2020-06-14 at the Wayback Machine, 30 June 2017, "You probably didn't know, but leaders from 26 micronations just gathered in Atlanta".
  3. Ryan, J: Micronations: The Lonely Planet Guide to Self-Proclaimed Nations, ISBN 1-74104-730-7
  4. 2020-02-18 at the Wayback Machine at the group's website, section "What kind of name is Aerica?". Retrieved July 2009.
  5. The New York Times: 2020-03-11 at the Wayback Machine, 25 May 2000.
  6. The Wanderer: 2020-08-15 at the Wayback Machine, November 2012, "Micro-nations of our Nation". Archived at [daimi ölü keçid] and [daimi ölü keçid]
  7. The Montreal Mirror: noyabr 24, 2006, at the Wayback Machine, 17 August 2006, "The little empire that could"
  8. O'Driscoll, F: Ils ne siègent pas à l'ONU, ISBN 2-87867-251-8
  9. Aerican Mailing List Archive, 2012-06-30 at Archive.today, December 2, 2006
  10. . 2020-02-18 tarixində . İstifadə tarixi: 2020-02-12.
  11. Aerican Empire Post, 2020-08-13 at the Wayback Machine, May 8, 2015
  12. The Boston Phoenix: may 6, 2006, at the Wayback Machine, October 2000, "States of Mind".
  13. CBC Daybreak: 2017-01-09 at the Wayback Machine, 13 July 2006, "The Aerican Empire: Interview With Eric Lis". Montreal:
  14. Le Soleil, Quebec City: , 18 January 2001, "Vive Eric 1er, empereur virtuel!"
  15. Journal of Psychiatry and Neuroscience: 2020-11-12 at the Wayback Machine, 2007, "Neuroimaging and genetics of borderline personality disorder: a review".
  16. Weird Tales Magazine: , 2008, "My True Lovecraft Gave To Me".
  17. Weird Tales Magazine: , 2011, "A Contract Without Loopholes".
  18. Context Magazine: oktyabr 17, 2006, at the Wayback Machine, April–May 2001, "Altered States".
  19. . 2020-02-18 tarixində . İstifadə tarixi: 2020-02-12.
  20. Delafontaine, L., Les Micronations, Montreuil-sur-Brêche, Diaphane, 14 September 2013, pages 160, ISBN 978-2-919077-19-9
  21. . 10 June 2020 tarixində . İstifadə tarixi: 12 February 2020.

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023