Adil Bağırov (13 may 1937, Bakı) — görkəmli tarzən, Azərbaycan Respublikasının xalq artisti (2006), Ə. Dadaşov adına "Xatirə" xalq çalğı alətləri ansamblının rəhbəri (1976-cı ildən).
| Adil Bağırov | |
|---|---|
| Adil Kamil oğlu Bağırov | |
| Ümumi məlumatlar | |
| Doğum tarixi | |
| Doğum yeri | |
| Milliyyəti | azərbaycanlı |
| Musiqiçi məlumatları | |
| Fəaliyyəti | musiqiçi, tarzən |
| Musiqi aləti | tar |
| Mükafatları |
  
|
Həyatı
Bağırov Adil Kamil oğlu 1937-ci ildə Bakı şəhərində anadan olub. Azərbaycanın xalq artisti (2006). Azərbaycan Dövlət Musiqi Məktəbində tar ixtisası üzrə təhsil almış, müəllimləri Mirzə Mansur Mansurov, Səid Rüstəmov olmuşdur. Azərbaycan Dövlət Mədəniyyət və İncəsənət Universitetində təhsilini davam etdirmişdir. 1964-cü ildən S. Rüstəmov adına xalq çalğı alətləri orkestrinin solistidir. Həmin ildən Əhsən Dadaşovun rəhbərlik etdiyi xalq çalğı alətləri ansamblının üzvü, 1976-cı ildən Ə. Dadaşov adına "Xatirə" xalq çalğı alətləri ansamblının rəhbəridir. Ansamblla birgə respublikanın mədəni həyatında yaxından iştirak edir. Bir çox xarici ölkələrdə qastrol səfərlərində olmuşdur. Solist tarzən kimi və muğam üçlüyündə də fəaliyyət göstərir. AzTV-nin Fondunda "Bayatı-Şiraz", "Rast", "Segah" muğamlarının səsyazıları saxlanılır.
2017-ci ildə Mədəniyyət və Turizm Nazirliyi, Mədəniyyət TV, Azərbaycan radiosu və Beynəlxalq Muğam Mərkəzinin dəstəyi ilə Adil Bağırovun 80 illik yubileyi və 60 illik sənət fəaliyyətinə həsr olunmuş konsert keçirilib.
Mükafatları
- "Azərbaycan SSR əməkdar artisti" fəxri adı — 9 dekabr 1982
- "Azərbaycan Respublikasının xalq artisti" fəxri adı — 4 noyabr 2006
- "Şöhrət" ordeni — 7 noyabr 2016
İstinadlar
- [ölü keçid].konservatoriya.az, (az.)
- [ölü keçid].mugam.musigi-dunya.az, (az.)
- [ölü keçid].www.youtube.com, (az.)
- 2020-01-16 at the Wayback Machine — anl.az saytı
- [ölü keçid]. Azertag.az, 04.11.2006 (az.)
- 2020-01-16 at the Wayback Machine — anl.az saytı