Böyük Vətən müharibəsi zamanı – 1942-ci ildə Şimal ərazisində alman gəmisi Sovet barjasını ələ keçirirlər. Gəminin göyərtəsində şkiper Tixon və bir ocaqçı tapılır. Onlar küncdə gizlənməyə çalışsalar da, alman dənizçiləri ocaqçının yerini aşkar edirlər. Fiziki güc tətbiq edəndən və alman dilində "Kapitan hanı?" sualını verəndən sonra ocaqçı Tixonun yerini bildirir. Almanlar onların hər ikisini güllələməyə hazırlaşırlar. Ocaqçı sağ qalması üçün hönkürüb yalvarmağa başlayır. Tixon isə sakitcə dayanır və hətta açıq-aşkar bir siqaret yandırır. Vəziyyəti belə görən alman zabiti ocaqçıya təklif edir ki, yoldaşına atəş açsın və öz həyatını xilas etsin. Ocaqçı isterik hal göstərsə də, sonda Tixona atəş açır. Almanlar ocaqçını sağ saxlayıb barjanı tərk edirlər. Ocaqçı minalanmış gəmidə tək qalır və tezliklə partlayış baş verir.

Rahiblər sahilə halsız, yarımcan bir insan çıxarırlar.

Hadisələr 1976-cı ili əks etdirir. Ocaqçı xeyli qocalıb. O, rahibliyi qəbul edib və indi Anatoli adını daşıyır. Onun əsas vəzifəsi monastırda ocaq qalamaqdır. Anatoli qazanxanada yaşayır və elə orada da küncdə yatır. Onda gələcəyi görmə və duaların köməyilə şəfa vermək qabiliyyəti olduğu üçün hər kəs yanına öz dərdi, xəstəliyi ilə təşrif gətirir. Lakin bəzi rahiblər Anatoli atanın qəribəliklərini: onun hamıdan ayrıca dua etməyini, işə gecikməyini, heç nədən ucadan mahnı oxumağını anlamırlar. Ondakı vergiyə görə Anatoli atanın paxıllığını çəkən rahiblərdən biri də İov ata idi. Monastırın başçısı Filaret ata, İov atanın şikayətlərinə cavab olaraq, Anatoli ata ilə münasibətləri yoluna qoymağa çalışır. Lakin itaətkar və tövbə edən olmasına baxmayaraq, nə vaxtsa törətdiyi cinayət rahibə rahatlıq vermir. O, tez-tez öz qayığına oturur və xəlvət adaya üzür. Orada qətiyyətlə dua edir və etidiyi günahlara görə bağışlanmağını diləyir.

Bir dəfə monastıra azara mübtəla olmuş qızı ilə birlikdə bir tanınmış admiral gəlir. Rahib qızı adaya aparır və duaların köməyilə iblisi onun canından çıxarır. Sən demə, bu admiral Anatolinin atəş açdığı həmin Tixondur. Söhbət zamanı məlum olur ki, Anatoli onu öldürməyib, sadəcə əlindən yaralayıb. Beləliklə, Tixon ölümdən qurtula bilib. Tixon Anatoliyə onu çoxdan bağışladığını deyir.

Artıq Anatoli bilir ki, rahat ölə bilər. Anatoli ata İov atadan ona tabut gətirməyi xahiş edir. İov ata həmin xahişi yerinə yetirsə də, bunun kimin üçün nəzərdə tutulduğunu bilmir. Anatoli ata belə dəbdəbəli "qutuya" görə İov atanı yüngülcə danlayır. Qoca rahib tabutun içinə uzanır və İov atadan xahiş edir ki, bütün rahib qardaşlara onun ölüm xəbərini çatdırsın. İov ata böyük zəngə doğru qaçır və rahibin ölümünə işarə kimi onu çalmağa başlayır.

Rahiblər tabutu həmin adaya aparırlar.

Film üzərində işləyənlər

Ssenari müəllifi : Dmitri Sobolyev

Quruluşçu rejissor :

Quruluşçu operator : Andrey Jeqalov

Quruluşçu rəssamlar : İqor Kosarev, Aleksandr Tolkaçyov

Bəstəkar : Vladimir Martınov

Prodüserlər : Sergey Şumakov, Pavel Lungin

Geyim rəssamı : Yekaterina Dıminskaya

Qrim rəssamı : Valeriya Nikulina

Səs rejissorları : Stefan Albine, Vladimir Litrovnik

Montaj rejissoru : Albina Antipenko

İkinci rejissor : Nataliya Lyaşşenko

İkinci operator : Yuri Nikolayev

Stedikam operatorları : Sergey Şuls, Sergey Popkov

Aktyor seçimi : Tatyana Maksakova

Trüklərin quruluşçusu : Aleksey Silkin

Kaskadyorlar : Sergey Nefedov, Fyodor Starıx, Andrey Kudelski, Aleksey Silkin

Dirijor :

Filmin direktoru : Vadim Koryuzlov

Rollarda

Mükafatlar

2006-cı ilin "Moskva premyerası" kinofestivalı

Ən yaxşı film

2007-ci ilin "Qızıl Qartal" mükafatı

İlin ən yaxşı filmi

Ən yaxşı ikinci plan kişi roluna görə – Viktor Suxorukov

Ən yaxşı kişi roluna görə –

Ən yaxşı rejissor işinə görə –

Ən yaxşı ssenariyə görə – Dmitri Sobolyev

Ən yaxşı operator işinə görə – Andrey Jeqalov (ölümündən sonra)

2007-ci ilin Nika mükafatı

İlin ən yaxşı filmi

Ən yaxşı ikinci plan kişi roluna görə – Viktor Suxorukov

Ən yaxşı kişi roluna görə –

Ən yaxşı rejissor işinə görə –

Ən yaxşı operator işinə görə – Andrey Jeqalov (ölümündən sonra)

Ən yaxşı səs rejissoru işinə görə – Stefan Albine, Vladimir Litrovnik, Stepan Boqdanov

• Rəsmi sayt
• "Ada" — süjet və iki fikir: və
• 2009-08-31 at the Wayback Machine
• 2016-03-06 at the Wayback Machine