Abdulla Şaiqin ev-muzeyi – azərbaycanlı şair, yazıçı, dramaturq, publisist, əməkdar incəsənət xadimi Abdulla Şaiqin 1916–1959-cu illərdə yaşadığı ev; Memorial Muzeyinin ekspozisiyası yaşayış evinin quruluşu ilə birlikdə şairin həyat və fəaliyyətini əks etdirən kompleksdən ibarətdir.Azərbaycan Respublikası Mədəniyyət Nazirliyinin tabeliyindədir. Muzey, Bakı şəhəri, A. Şaiq küç.21 ünvanında yerləşir.
| Abdulla Şaiqin ev-muzeyi | |
|---|---|
 Abdulla Şaiqin ev-muzeyinin binası | |
| Əsası qoyulub | 1916 |
| Mövzu | ədəbiyyat |
| Ölkə | |
| Yerləşir | Azərbaycan, Bakı |
| Kolleksiyası | 8000 eksponat |
| Direktor | Ülkər Talıbzadə |
| Telefon | (99412) 4922961 |
| 40°22′30″ şm. e. 49°49′31″ ş. u. | |
 Vikianbarda əlaqəli mediafayllar | |
Tarixi
Abdulla Şaiq 1900-cü ildə Tiflisdən Bakıya köçərək ilk illər anası Mehri xanım və böyük qardaşı Yusif Ziya Talıbzadə ilə İçəri şəhərdə kiçik bir mənzildə yaşamışdır. Bundan sonra, o, öz yaşayış yerini bir neçə dəfə dəyişmiş, şəhərin müxtəlif yerlərində mənzil kirayə etmişdir. 1916-cı ildə bu gün "Abdulla Şaiqin mənzil muzeyi" adını daşıyan, Yuxarı Dağlıq küçəsində (indiki A. Şaiq adlı küçədə) 21 saylı evin II mərtəbəsində beş otaqdan ibarət mənzilə köçmüş, orada 1957-ci ilin son gününə qədər yaşamışdır. A. Şaiqin qələm və sənət dostlarından N. Vəzirov, S. S. Axundov, H. Cavid, Bülbül, Y. V. Çəmənzəminli, S. Hüseyn, Ə. Cavad, Ə. Abid, A. Musaxanlı, T. Ş. Simurğ, M. M. Seyidzadə, M. Rzaquluzadə, H. Mehdi, Q. Xaliqov, H. Əlizadə və xüsusən, Səməd Vurğun bu mənzilin əziz qonaqlarından idi. Mehriban yazıçı elmi və yaradıcılıq məsləhətləri almağa gələn aspirantlar, tələbələr, hətta məktəb şagirdləri ilə bu mənzildə dəfələrlə görüşmüş, öz yeni əsərlərini onlara oxumuş, maraqlı söhbətlər edib məsləhətlər vermişdir.
Abdulla Şaiqin ev-muzeyi 1991-ci ildən fəaliyyətə başlamışdır.
Direktorları
- Kamal Talıbzadə (1991–2006)
- Rəfiqə Talıbzadə (2006–2009)
- Ülkər Talıbzadə (2009-cu ildən)
Həmçinin bax
Xarici keçidlər
- 2019-07-07 at the Wayback Machine
- . kataloq.gomap.az. İstifadə tarixi: 09.02.2021.
- . . İstifadə tarixi: 09.02.2021.
- . anl.az. İstifadə tarixi: 09.02.2021.
İstinadlar
- . 2018-09-12 tarixində arxivləşdirilib. İstifadə tarixi: 2018-09-14.
- . museum.az. 2022-03-27 tarixində . İstifadə tarixi: 09.02.2021.
- . az.baku-art.com. 2022-03-25 tarixində . İstifadə tarixi: 09.02.2021.
- . citylife.az. 2021-04-23 tarixində . İstifadə tarixi: 09.02.2021.
- İctimai TV. (az.). . 29.09.2023. İstifadə tarixi: 2023-09-29.