XX əsrin sonlarında SSRİ-nin dağılması ilə yaranan tarixi şərait nəticəsində Azərbaycan dövlət müstəqilliyini bərpa etmişdir. 1991-ci il oktyabrın 8-də Azərbaycan Ali Sovetinin işə başlanan növbədənkənar sessiyası 4 gün müzakirələr aparıb. Nəhayət, 1991-ci il oktyabrın 18-də Ali Sovetin sessiyasında tarixi sənəd — Dövlət Müstəqilliyi haqqında Konstitusiya Aktı qəbul edilib.

1991-ci il dekabrın 29-da ümumxalq referendumunda məsələ müzakirəyə çıxarılıb və əhalinin 95%-i səsvermədə iştirak edərək ölkənin müstəqilliyinə, suverenliyinə və istiqlaliyyətinə səs verib.

Film Azərbaycanın müstəqilliyinin 20 illiyinə həsr olunub. Burada 20 il ərzində tariximizdə baş verən əhəmiyyətli hadisələr vərəqlənir və neft-qaz sənayesində, energetika sahəsində, aqrar-sənaye kompleksində, xarici siyasətdə, mətbuatda, iqtisadiyyatda, ordu quruculuğunda, regionların sosial-iqtisadi inkişafında, təhsil, səhiyyə və idman sahələrində görülən işlər əks etdirilir.

• 1-ci film: 1-ci filmdə 20 il ərzində Azərbaycanın neft-qaz sənayesindəki inkişafı əks etdirilir.
• 2-ci film: 2-ci filmdə 20 il ərzində energetika sahəsində görülən işlərdən bəhs edilir.
• 3-cü film: 3-cü filmdə 20 il ərzində aqrar-sənaye kompleksində görülən işlərdən bəhs olunur.
• 4-cü film: 4-cü filmdə 20 il ərzində Azərbaycanın xarici siyasəti təhlil edilir.
• 5-ci film: 5-ci filmdə 20 il ərzində Azərbaycanda mətbuatın inkişafından bəhs edir.
• 6-cı film: 6-cı film 20 il ərzində Azərbaycanda iqtisadiyyatın inkişafını təhlil edir.
• 7-ci film: 7-ci film 20 il ərzində Azərbaycanın ordu quruculuğundan bəhs edir.
• 8-ci film: 8-ci filmdə 20 il ərzində respublikada regionların sosial-iqtisadi inkişafı əks etdirilir.
• 9-cu film: 9-cu filmdə 20 il ərzində təhsil və səhiyyə sahələrindəki inkişafdan bəhs edilir.
• 10-cu film: 10-cu film bu illər ərzində baş verən hadisələrə ümumi baxışdır.
• 11-ci film: 11-ci filmdə bu illər ərzində idman sahəsindəki uğurlarımızdan bəhs edilir.

Ssenarist: Arif Alışanov
Rejissor: Arzu Məhərrəmov, Abıl Məmmədov, Ramiz İsmayılov