Musiqili film görkəmli Azərbaycan müğənnisi, SSRİ xalq artisti, dünya şöhrətli sənətkar Rəşid Behbudovun təşəbbüsü və iştirakı ilə Azərbaycan Dövlət Mahnı Teatrının yaradılması haqqında əyləncəli əhvalatlarla dolu kinohekayədir. Burada film üçün xüsusi musiqi proqramı tərtib olunmuş, o cümlədən qəflətən var-dövlət sahibi olan Məşədinin məzəli, Dərvişin qeyri-adi mahnıları Rəşid Behbudovun ifasında səslənmişdir.

…Müğənni Eldarın (Rəşid Behbudov) gözəl səsi var. Yüngül şöhrət ardınca qaçan istedadsız Qaranəfəsin (Rəsmi Cəbrayılov) isə ona paxıllığı tutur. Buna görə də öz dəstəsi ilə onu hər addımda təqib edir, çıxışlarına maneçilik törətməyə çalışır. Lakin digər detektiv filmlərdə olduğu kimi, burada da əhvalat yaxşı sonluqla başa çatır.

Filmdə belə bir fikir yürüdülür ki, əsl istedadı məhv etmək mümkün deyil. Əksinə, əgər sənin səsin yoxdursa, əlin heç yana çata bilməyəcəkdir.

Filmin üzərində işləyənlər

• Ssenari müəllifi: Vaqif Səmədoğlu, Oqtay Mirqasımov
• Rejissor: Oqtay Mirqasımov
• Operator: Rafiq Qəmbərov
• Rəssam: Rafiz İsmayılov
• Bəstəkar: Rafiq Babayev

Rollarda

• Rəşid Behbudov — Eldar Əliyev
• İnarə Quliyeva — İradə
• İnna Leşşinskaya — Beba
• Liya Eliava — Şirin xanım
• Mavr Pyasetski — Pertsimmer
• Rafiq Babayev — Tofiq
• Rəsmi Cəbrayılov — Qaranəfəs
• Adil İsgəndərov — Əliqafa
• Rafiq Əzimov — Qaqaş
• Adil İsmayılov — Yatağan
• Nəsibə Zeynalova — Şərəbanı nənə
• Eldar Əliyev — rejissor

Filmi səsləndirənlər

• Şahmar Ələkbərov — rejissor (Eldar Əliyev) (titrlərdə yoxdur)
• Rasim Balayev — Eldar (Rəşid Behbudov) (titrlərdə yoxdur)
• Şəfiqə Məmmədova — Leyla (titrlərdə yoxdur)