Əlihüseyn Hüseynov 1922-ci il dekabrın 5-də anadan olub. İkinci Dünya müharibəsi zamanı orta təhsilini bitirdikdən sonra, cəbhəyə yollanıb. 1943-cü ildə yaralanıb. Müalicədən sonra 1945-ci ildə ordudan tərxis olunub. 1948-ci ildə ÜDKİ-nun kinooperatorluq fakültəsinə daxil olub. 1954-cü ildə Bakıya qayıdıb. Uzun müddət "Azərbaycanfilm" kinostudiyasında çalışıb. İlk dəfə kinorejissor Tofiq Tağızadənin quruluş verdiyi "Görüş" filmində kinooperatorlardan Teyyub Axundov və Cavanşir Məmmədovun assistenti olub. "Qanun naminə" kinodramı kinooperator Əlihüseyn Hüseynovun bədii kinoda sonuncu işidir. Bu filmdən sonra o, rejissor kimi "Azərbaycanfilm" kinostudiyasında 10-a yaxın sənədli film çəkib. Səhhətində yaranan problemlərə görə 1982-ci ildə kinodan birdəfəlik uzaqlaşıb. Əlihüseyn Hüseynov 4 iyun 1987-ci ildə vəfat edib.

1. Appassionata (film, 1970)
2. Aygün (film, 1960)
3. Azərbaycan çayı (film, 1967)
4. Azərbaycan elmi (film, 1969)
5. Bacarıqlı əllər (film, 1963)
7. Bizim opera (film, 1960)
8. Cavidi xatırlarkən (film, 1982)
9. Cazibə qüvvəsi (film, 1964)
10. Çaqqal oğlu çaqqal (film, 1972)
12. Əmək və qızılgül (film, 1962)
14. Görüş (film, 1955)
15. Həyat öyrədir (film, 1961)
17. İstintaq davam edir (film, 1966)
19. Konsert (film, 1961)
20. Qanun naminə (film, 1968)
21. Qara daşlar (film, 1956)
22. Qaraca qız (film, 1966)
23. Qədim diyarın gəncliyi (film, 1974)
25. Mahnı qanadlarında (film, 1959)
26. Mənim iki beşilliyim (film, 1975)
27. Min bir xəzinə (film, 1976)
28. Naxçıvan-50 (film, 1975)
29. Nəsimi (film, 1971)
30. Pambığın suvarılması texnikası (film, 1960)
31. Pəncə... Qulaq... Palaz... Tikan... (film, 1976)
32. Sehrli xalat (film, 1964)
33. Süd kombinatında (film, 1960)

• Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.