Şərafəddin Salahov (tam adı; Şərafəddin Müzəffər oğlu Salahov; 11 sentyabr 1963, Bakı20 yanvar 1990, Azərbaycan SSR) — 20 Yanvar Şəhidi.

Şərafəddin Salahov
Şərafəddin Müzəffər oğlu Salahov
Doğum tarixi
Doğum yeri Bakı, Azərbaycan SSR, SSRİ
Vəfat tarixi (26 yaşında)
Vəfat yeri Bakı, Azərbaycan SSR, SSRİ
Vəfat səbəbi "20 Yanvar Şəhidi"
Dəfn yeri Şəhidlər Xiyabanı
Vətəndaşlığı SSRİ SSRİ
Atası Müzəffər
Anası Balabacı
Milliyyəti azərbaycanlı

Həyatı

1963-cü ildə sentyabrın 11-i Bakıda anadan olub. 13 nömrəli məktəbi bitirmiş, sonradan sürücülük oxumuşdur. Əvvəlcə trikotaj fabrikində mexanik, sonra isə nəşriyyatda işləmişdir. Subay idi.

Şəhid olması

O qanlı gecə təxminən saat 00 radələrində atışma səsinə küçəyə çıxıb. Qohumları hadisəni belə xatırlayır:

 

Sonra çağırdılar ki, çıxın çölə... Hamımız çıxdıq. Çıxdıq, elə tez də qayıtdıq. İçəri girəndə dedilər ki, Əli yoxdur... Əli Şərafəddinin kiçik qardaşıdır. Çıxdıq onu axtarmağa. «İnşaatçılar» metrosunun yanından keçəndə gördük ki, beş dənə tank gedir. Şərafəddin tankları görən kimi tez kolluğa uzandı... Tanklar keçib getmişdi. Birdən sonuncu tank qayıdıb kolluğa sarı gəldi. Kolluğa güllə açıb yenə yoluynan getdi. Şərafəddinin dayısı o yandan görüb, tez gəlib götürüb onu. Bircə güllə dəyib başından.

 

Qardaşı Şamilin xatirəsindən:

 

Onun küçəyə çıxması ilə mənim çıxmağım arasında cəmi bir neçə dəqiqə fərq oldu. Bir də gördüm ki, qardaşım oğlu Zahid qışqırır:

— Ay navar, əsgərlər Şərafəddini güllə ilə vurdular, gəlin.

Biz küçəyə, onun yanına çatanda təsadüfən həkim də gəlib çıxmışdı. Onu müayinə edib ayağa duranda eləcə başını buladı. O artıq keçinmişdi. Daha haray hara çatacaq. Biz onu Semaşko adına xəstəxanaya apardıq. Ölüm haqqındakı sənəddə belə yazılıb:— «Boynuna baş hissəyə yaxın nahiyəsindən dəyən güllə onun beyin nahiyəsini dağıtmışdır. Yerindəcə ölüm baş vermişdir».

 

Şəhidlər xiyabanında dəfn edilib.

Ünvan

Bakı, 3-cü Yasamal, ev 134 v.

Həmçinin bax

İstinadlar

  1. . 2022-10-27 tarixində . İstifadə tarixi: 2022-10-31.
  2. (PDF). 2022-10-05 tarixində (PDF). İstifadə tarixi: 2022-10-05.
  3. (PDF). 2015-07-17 tarixində (PDF). İstifadə tarixi: 2015-07-17.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023