salam həmkar. birinci olaraq 20 yanvar şəhidləri ilə bağlı olan xoş niyyətli redaktələriniz üçün təşəkkür edirəm. və həmçinin redaktələriniz ilə 20 Yanvar Şəhidləri məqalələrinin cari vəziyyətini həm də bir növ "gündəmə gətirdiniz". təəssüf ki, məqalələrin demək olar ki hamısında tarixlər dəqiq qeyd olunmayıb. siz də təsdiqləyərsiniz ki, əksəriyətində günlər bildirilməyib, bildirilən məqalələrin isə bəzilərində məlumat yanlışdır. əksər məqalələrdə ümumiyyətlə foto yoxdur.

redaktələrinizin əksəriyyətini patrullayıram (təsdiqləyirəm). amma nəzərə alın ki, redaktləriniz nə qədər xoş niyyətli olsa da, bəzi redaktələrinizdə məqalədəki mövcud tarixləri dəyişdirirsiniz. bunun üçün də mənbə təqdim etmək mütləqdir. və mən məcbur qalıb bəzi redaktələrinizi geri qaytarıram.

bildirim ki, yaxın gündə Şəhidlər Xiyabanında dəfn olunan bütün 20 Yanvar Şəhidlərinin şəxsən fotolarını çəkib və məqalələrdəki tarixləri məzar daşlarını əsas mənbə götürüb həmin tarix ilə eyniləşdirəcəm.

təkrardan belə həssas mövzuları işlədiyiniz üçün Sizə dərin minnətdarlığımı bildirirəm. fəaliyyətinizdə bol uğurlar. Atakhanli (müzakirə) 05:59, 19 avqust 2022 (UTC)

Hörmətli Atakhanli ! Diqqətinizə görə təşəkkürlər!

Sonuncu redaktəmdə səhvə yol vermişdim, diqqətsiz olmuşdum. Buna görə üzr istəyirəm.

Əsasən, mənbələri qeyd etməyə çalışıram (əgər məqalədə dəqiq yazılmırsa, izahlarda şəklin linkini qoyuram) Bəzən, yeni başdaşınlardakı tarixlə (köhnə başdaşlarında ölüm tarixi qeyd edilmirdi) Qulu Kəngərlinin kitabındakı tarixlər üst-üstə düşmür. Bəzən isə, şəhidlərin iki başdaşısı ola bilər (Həmzəyev Balahüseyn Mirqəzəb oğlundakı kimi). Fikrimcə, Qulu Kəngərlinin kitabı o vaxtda toplandığı üçün ölüm tarixləri orada daha dəqiq ola bilər. () 06:14, 19 avqust 2022 (UTC)

Salam, həmkar. Məqaləni genişləndirməyi öz üzərinizə götürdüyünüzə görə sizə minnətdaram. Məqaləyə {{iş gedir}} şablonu yerləşdirdim. Belə hallarda bu şablonu yerləşdirə və işiniz bittikdən sonra da silə bilərsiniz. Lütfən müvafiq istinadları da əlavə etməyi unutmayın. Fəaliyyətinizdə uğurlar diləyirəm! Hörmətlə, dancewithdevil (müzakirə) 19:25, 19 avqust 2022 (UTC)

Hörmətli dancewithdevil! Diqqətinizə görə təşəkkür edirəm! FANDOM-da təcrübəm olsa da, Vikipediada nisbətən təzəlikcə aktiv olmağa başlamışam deyə bir az imkanlardan xəbərsizəm. () 19:27, 19 avqust 2022 (UTC)

Problem etməyin, zaman-zaman hər birimiz belə olmuşuq. Zamanla təcrübə yığıb, özünüzü daha da inkişaf etdirəcəyinizə inanıram. Səhv etmirəmsə, məzmunu en wikidən tərcümə edirsiniz də, hə? Tərcümə etdiyiniz məlumatlara oradakı müvafiq istinadları olduğu kimi copy-paste edib əlavə edə bilərsiniz. Hörmətlə, dancewithdevil (müzakirə) 19:45, 19 avqust 2022 (UTC)

Təşəkkür edirəm! Əsasən şəhidlər haqqında məqalələrə, bəzən siz qeyd etdiyiniz kimi xarici dilli siyahılara (orada qısa qeyd edilir), çox vaxt Qulu Kəngərlinin kitabına, arada Rafiq Səməndərin kitabına, İlqar İbrahimovla bağlı isə məqalədəki videolara (çünki Nazim bəyin, sinif yoldaşı Pərvinin, və anasının necə həlak olması barədə danışdıqları bir az fərqlənir) baxıb ümumi şəkli bərpa edirəm (Harada və necə yaralanıb və vəfat edib). İstinadları, fikrimcə, bitirdikdən sonra axırda əlavə etmək olar. () 19:51, 19 avqust 2022 (UTC)

Təbii ki, olar. Hörmətlə, dancewithdevil (müzakirə) 19:56, 19 avqust 2022 (UTC)

salam hörmətli həmkar. faydalı fəaliyyətiniz üçün təşəkkür edirəm. sadəcə Sizdən redaktələrinizdə nəzərə almağınızı istədiyim bir istəyim olacaqdı. lütfən, məqalələrdə fəaliyyəti verinə Qara Yanvar Şəhidi tipli yazmaq yerinə, həmin şəxsin məşğul olduğu peşəni yazmaq daha doğru olar. təbii ki, əgər məlumdursa. misal üçün əgər şəxs müəllim vəzifəsində çalışırdısa fəaliyyət yerinə müəllim və ya şəxs şair idisə şair və ya uyğun olaraq iqtisadçı, dəmiryolçu və s. tipli qeyd etməyiniz daha doğru olardı. təşəkkür edirəm. uğurlar. Atakhanli (müzakirə) 05:27, 24 oktyabr 2022 (UTC)

@Atakhanli Xahişiniz üçün təşəkkür edirəm!Nəzərə alaram. Adətən, mən mətnlərin strukturunu kəskin dəyişmirəm, sadəcə əlavələr edirəm. Fəaliyyəti məndən qabaq artıq yazıblar adətən. () 06:45, 24 oktyabr 2022 (UTC)

@ aha söhbət məlumat qutusundakı fəaliyyətdən gedir. Atakhanli (müzakirə) 06:48, 24 oktyabr 2022 (UTC)

@Atakhanli Anladım. Adətən, ora mən dəymirdim, ancaq doğum və ölüm tarixi ilə yerlərini dəqiqləşdirmək üçün arada yazırdım. Gələn dəfələrdə, fəaliyyətə də toxunaram in şa Allah. () 06:50, 24 oktyabr 2022 (UTC)

təşəkkürlər :) Atakhanli (müzakirə) 06:51, 24 oktyabr 2022 (UTC)

salam hörmətli həmkar. lütfən bu şəhidin vəfat yerinin Lənkəran şəhəri olması ilə bağlı mənbə təqdim edə bilərsinizmi? Mən internetdə tapa bilmədim. Bakıda törədilmiş 20 Yanvar hadisəsi şəhidlərindən Lənkəran və digər rayonlarda vəfat edənlər necə ola bilir? Xəstəxanada orada vəfat edib? Bakıdan Lənkərana aparıblar? bir az məntiqli gəlmədi. mənbə də tapa bilmədim heç. Atakhanli (müzakirə) 06:30, 27 oktyabr 2022 (UTC)

20 Yanvar hadisənində şəhid olanlar yanvarın 19-dan başlayaraq komendant vaxtı müddətində Sovet qoşunlarının təcavüzünə məruz qalanlar sayılır. Qoşunlar təkcə Bakıya yox, həm də Neftçalaya daxil olmuş (2 həlak olanlar), Lənkəranda Haftoni meşəsində silahsız insanlara qarşı əməliyyat keçirmişlər (5 həlak olanlar, Abdullayev Tariyel Hacıbala oğlu isə vertolyotda Bakıya aparılarkən bağlanan kəndirdən boğularaq öldürülmüşdür. Cəmi, 6 həlak olanlar). () 06:37, 27 oktyabr 2022 (UTC)

Mənbələr:

Lənkəran hadisələri.

Bundan əlavə, Rafiq Səməndər və Qulu Kəngərlinin də kitablarında var. Orada da harada dəfn olunmaları qeyd edilmişdir. () 06:40, 27 oktyabr 2022 (UTC)

@ bəli, "20 Yanvar Şəhidi" fəxri adının əsasnaməsini oxuyanda orada bildirilib ki, bu adla Bakı şəhərində, Lənkəran və Neftçala rayonlarında faciəli hadisələr zamanı həlak olmuş və həmin hadisələr nəticəsində aldığı xəsarətdən (yaralanma, travma, kontuziya) vəfat etmiş şəxslər (ölümündən sonra) təltif olunurlar.

təşəkkür edirəm əlavə məlumatlar üçün. lütfən məqalələrə məzmun əlavə etdikdə mənbələrdən istifadə edək. fəaliyyətinizdə bol uğurlar diləyirəm. Atakhanli (müzakirə) 06:43, 27 oktyabr 2022 (UTC)

Təşəkkür edirəm! Mən mənbələri bəzən mənbə (ref teqi) kimi (birbaşa sitat olanda), bəzən isə İstinad bölməsində (o zaman ki, ümumiləşdirici mətni bir neçə mənbədən istifadə edirəm) qeyd edirəm. Axırıncı dəfələrdə İstinad bölməsində qeyd etmək daha rahat oldu. () 06:47, 27 oktyabr 2022 (UTC)

salam bəy! bu məqaləyə şəxsin doğum yeri kimi Açit qeyd etmisiniz. bura hansı yerdir? vikidə Açit, Aqit kimi axtardım heç nə tapa bilmədim. lütfən həmin məqaləni göstərin (digər dillərdə varsa onu) həmin məqaləyə keçid verək. Atakhanli (müzakirə) 05:45, 22 noyabr 2022 (UTC)

Salamlar! Qulu Kəngərlidə Aqit kimi gedib ki, bu da səhvdir, çünki belə ad yoxdur. Yerin adı, çox güman ki, Açitdir. Amma əmin deyiləm, indi baxıram ki, Açit kənd yox, şəhər tipli qəsəbə olub. Yeri gəlmişkən, https://ru.wikipedia.org/wiki/%D0%90%D1%87%D0%B8%D1%82 və https://ru.wikipedia.org/wiki/%D0%90%D1%87%D0%B8%D1%82%D1%81%D0%BA%D0%B8%D0%B9_%D0%B3%D0%BE%D1%80%D0%BE%D0%B4%D1%81%D0%BA%D0%BE%D0%B9_%D0%BE%D0%BA%D1%80%D1%83%D0%B3 məqalələrə baxın. () 05:51, 22 noyabr 2022 (UTC)

@ mənbə varsa mənbəyə uyğunlaşdıraq. və bu məqalələri azərbaycancaya tərcümə edib keçid verək. Atakhanli (müzakirə) 05:54, 22 noyabr 2022 (UTC)

Şəhər adının mənbəsi yoxdur, təəssüf ki. Mən Rafiq Səməndər və Qulu Kəngərlinin kitablarını yoxlamışam, ikisi də Sverdlovsk vilayətini doğum yeri göstərir. Qulu Kəngərlidə toponimin adı səhv gedib, Rafiq Səməndər də dərinə getməyib. Şəhərin adının başqa dillərdəki məqaləsi üçün linklərə baxın. Bir link sırf şəhər tipli qəsəbəyə, o biri link isə rayona həsr olunub. () 05:59, 22 noyabr 2022 (UTC)

Salam.İlk öncə sizə təşəkkür edirəm,20 Yanvar Şəhidləri haqqında əlavə etdiyiniz məlumat üçün. Lakin məndə bir neçə əlavələrim olacaq,istəsəz sosial şəbəkədə əlaqə saxlaya bilərəm? Facebook:İsa Haxlı. 185.81.87.68 09:17, 4 yanvar 2023 (UTC)

Hörmətli İsa bəy!

Əlbəttə, saxlayın, Facebook: Ulvi Bajarani ulvi95 16:08, 4 yanvar 2023 (UTC)