digər mənalar

Salam hörmətli Dr.Wiki54/Arxiv. Əvvala bayramınız mübarək! Bunu bir dəfə də etmişdim lakin redaktəmi geri qaytarmışdınız. ("bu adda bir çox şəxs var" səbəb göstərərək) Sizcə də doğru deyilmi? "Məhəmməd Əmin" "Məmməd Əmin" və "Rəsulzadə" dedikdə ağlımıza kim gəlir? Nəzərə alsaq ki, adlandırma populyarlıq əsasında aparılır, təklif edirəm ki, bu şablonu səhifəyə əlavə edək. Eynilə də Atatürk kimi. Türk vikisində səhifəsinə diqqət yetirin.
"Məmməd Əmin", "Məhəmməd Əmin" və "Rəsulzadə" buraya istiqamətləndirilməkdədir. Digər istifadə formaları üçün Məmməd Əmin (dəqiqləşdirmə), Məhəmməd Əmin (dəqiqləşdirmə)Rəsulzadə (dəqiqləşdirmə) səhifələrinə baxınız.
Lavici mesaj?13:19, 1 yanvar 2022 (UTC)

Salam @İstifadəçi:Lavici. Təşəkkür edirəm, sizin də bayramlarınızı tərbik edirəm. Son günlərdəki aktivliyiniz təqdirəlayiqdir. Bu mövzuda yanaşmanız yanlışdır. Çünki Atatürk soyadı Mustafa Kamal Paşaya TBMM tərəfindən xüsusi qərarla verilmişdir. Türkiyədə Atatürk adı qoymaq qadağandır. O ki qaldı Rəsulzadəyə, mən məsələn Rəsulzadə deyəndə Rais Rəsulzadəni, Məhəmməd Əli Rəsulzadəni və başqaların da düşünürəm. Məmməd Əmin və Məhəmməd Əmin deyəndə isə Məmmədəmin Əfəndiyev, Mehmet Emin Yurdakul və s. Də yadıma düşür. Adları yenə qəbul edəbilərəm, amma soyadı birbaşa yönləndirmə etmək düzgün deyil. Dr.Wiki54 (müzakirə) 15:17, 1 yanvar 2022 (UTC)
Çox sağolun. Atatürk soyadı məsələsi barədə məlumatım var. Atatürk kimi dedikdə onu nəzərdə tuturdum ki, belə bir şablon o səhifədə də var. Deyirsiniz ki, Rəsulzadə dedikdə "Rais Rəsulzadə" və "Məhəmməd Əli Rəsulzadə" ilə digərləri ağlınıza gəlir. Lakin "Rəsulzadə" olaraqda bilinən "M.Ə.Rəsulzadə" adicə siz axtarış verdikdə nəticələrdə çıxır (rəsulzadə sözləri, imzası, əsərləri, qəsəbəsi, ev muzeyi və s.) yəni ki, insanlar bu adla bu şəxs barədə axtarışlar edirlər və digər bu soyadı daşıyanlardan daha məşhurdur və bunu sizdə çox gözəl bilirsiniz. Saytlarda da "Rəsulzadə" olaraq keçir. Ona görə də "Rəsulzadə" keçidi versək münasib olacaqdır. Eləcə də ad məsələsində "Mustafa Kamal" adında bir çox şəxs olduğu halda ən məşhuruna verilib keçid. Lavici mesaj?16:09, 1 yanvar 2022 (UTC)
@İstifadəçi:Lavici dediyim kimi əgər bu Lenin, Stalin, Elçibəy, Atatürk olsaydı dəstəkləyərdim. Obama, Tramp, Erdoğan kimi misallarda olduğu kimi Rəsulzadəni də dəstəkləmirəm. Çünki bu bir soyaddır, ləqəb və ya sonradan verilən bir şey deyil. Mustafa Kamal isə o dövrdə soyad olmadığına görə Mustafa Kemal,Mustafa Krmal Paşa, Kemal Paşa adları kütləvi və elmi ədəbiyyatda istifadə olunduğu üçün uyğundur. Mənim şəxsi fikrim Rəsulzadə yönləndirməsinin verilməməsi yönündədir. - Dr.Wiki54 (müzakirə) 16:22, 1 yanvar 2022 (UTC)
Əlbət də, fikrinizə hörmətlə yanaşıram. Lakin soyad, təxəllüs, ləqəb və ya digər başqa sonradan verilən ad olsun, əgər şəxs digərlərinə nisbətən daha çox tanınırsa və dahi o ad ilə də anılırsa deməli keçid verilməlidir. Eynilə də adları kimi. Bu dəqiqə "Məmməd Əmin", "Məhəmməd Əmin" və "Rəsulzadə" dedikdə ağlımıza ilk gələn bu şəxs olur. En wikidə "Barack" və "Obama" "Barack Obama" səhifəsinə yönləndirilir, eləcə də, "Erdoğan". Yəni dediyim kimi bu adın ləqəb və ya mütləq sonradan verilib-verilməmiş olması keçid üçün mütləq deyil. Bu mövzu barəsində fikrini almaq istədiyiniz istifadəçilər varsa, buyurun qeyd edə bilərsiniz. Lavici mesaj?21:32, 1 yanvar 2022 (UTC)
@İstifadəçi:Lavici Yenə qeyd edirəm hardasa tətbiq olunması bunun düzgün olması demək deyil. Trvikidə "Erdoğan" dəqiqləşdirmədir məsələn. Obama da yanlışdır. Çünki Mişel Obama da çox məşhurdur, Barak Obama da. Mənim prinsipimcə yönləndirmə olması düzgün deyil. Mən zaman, ləqəb qavramından daha çox sadəcə bir şəxaə aiddirsə ona yönləndirilməsindən yanayam. Mən xüsusi olaraq kimisə işarələmək istəmirəm, amma sizin üçün maraqlıdırsa KM-da müzakirə başlatmağınız daha uyğun olar deyə düşünürəm. - Dr.Wiki54 (müzakirə) 21:38, 1 yanvar 2022 (UTC)
Salam hörmətli Dr.Wiki54/Arxiv. Bu barədə dəqiq bir qayda olmadığı üçün ümumiyyətcə təkcə bir bu səhifə üçün yox, bu məsələ üçün müzakirə başlatmaq doğru olardı konsensus üçün. Bu şablonun məqaləyə əlavə edilməsi üçün isə müzakirə səhifəsində başlıq açmağın doğru olacağını düşünürəm. Həmçinin "Barak Obama" 234 dildə mövcud olarkən, "Mişel Obama" 99 dildə səhifəsi mövcuddur. Lavici mesaj?14:14, 3 yanvar 2022 (UTC)
Təkrarən salam. Fərqli dillərdə mövcud olma sayısı kriteriya deyil. Təşəkkürlər. - Dr.Wiki54 (müzakirə) Dr.Wiki54 (müzakirə) 18:21, 3 yanvar 2022 (UTC)

Dəvət

Salam hörmətli Dr.Wiki54/Arxiv. Sizi bu səhifələrdə keçirilən səsvermələrdə iştirak etməyə dəvət edirəm. Santorica 18:51, 7 yanvar 2022 (UTC)

@Santorica ☑️ - Dr.Wiki54 (müzakirə) 17:25, 8 yanvar 2022 (UTC)

Dəvət

Salam, həmkar. Sizi kütləvi mesaj göndəricilər ilə bağlı vikiqayda üçün keçirilən səsvermədə iştirak etməyə, fikir bildirməyə dəvət edirəm. Lavici mesaj?12:44, 8 yanvar 2022 (UTC)

Salam @Lavici, Vaxtım olanda nəzərdən keçirib şərh bildirəcəyəm. - Dr.Wiki54 (müzakirə) 17:25, 8 yanvar 2022 (UTC)@ Dr.Wiki54 (müzakirə) 17:25, 8 yanvar 2022 (UTC)

Vikipediya

Salam Dr.Wiki54/Arxiv. Tr wikidə belə bir səhifə vardı: "Kullanıcı katkı vermek için burada değil" belə bir layihə səhifəsi qayda var idi sanki. Qarşıma çıxmışdı lakin sonradan itirdim və tapa bilmədim. Siz tr wikidə də aktiv şəkildə fəaliyyət göstərirsiniz deyə sizdən soruşdum. Lavici mesaj?12:37, 9 yanvar 2022 (UTC)

@Lavici salam. Tam olaraq nəyi demək istədiyinizi anlamadım. - Dr.Wiki54 (müzakirə) 13:21, 9 yanvar 2022 (UTC)
Dediyim kimi tam xatırlamıram. Xatıladıqlarımı söylədim. İstifadəçiləri bloklayanda səbəb kimi qeyd edilmişdi deyəsən. "Kullanıcı katkı vermek için burada değil" tərzi bir keçid. VP:Vikipediya nə deyil? kimi bir prinsip səhifəsi idi. Lavici mesaj?13:32, 9 yanvar 2022 (UTC)
@Lavici mən də xatırlaya bilmədim, təəssüf. -Dr.Wiki54 (müzakirə) 14:47, 9 yanvar 2022 (UTC)

Tarix ulduzu

  Tarix ulduzu
Tarix sahəsində əhəmiyyətli töhfələrinizə görə «Tarix ulduzu» ilə təlif olunursunuz! — Xeyal (müzakirə) 21:56, 11 yanvar 2022 (UTC)
Xeyal bəy, çox təşəkkür edirəm. Əməyimin qiymətləndirildiyini görmək məni sevindirdi :) - Dr.Wiki54 (müzakirə) 22:04, 11 yanvar 2022 (UTC)

SNS

Salam həmkar @Dr.Wiki54, zəhmət olmasa məqalələri SNS-yə təqdim edəndə Silinməyə Namizəd şablonunu məqalədə yerləşdirin. İlkin Şükürov müzakirə 05:28, 12 yanvar 2022 (UTC)

Unutmuşam, təşəkkür - Dr.Wiki54 (müzakirə) 05:59, 12 yanvar 2022 (UTC)

Dəvət

 
SİZİ DƏVƏT EDİRİK!
Salam!
Seçilmiş siyahı statusu üçün ilə əlaqədar Vikipediya:Qiymətləndirmə/Seçilmiş siyahılar/Alabama qraflıqlarının siyahısı səhifəsində keçirilən səsvermədə Sizin də iştirak etməyinizi xahiş edirik.

Dərin hörmətlə,— Drabdullayev17 (müzakirə) 12:04, 12 yanvar 2022 (UTC)

@Drabdullayev17 ☑️ - Dr.Wiki54 (müzakirə) 20:41, 12 yanvar 2022 (UTC)

Sizin üçün bir ulduz!

  Redaktor ulduzu
Hörmətli Dr.Wiki54,

Vikipediyaya qısa müddət ərzində əhəmiyyətli şəkildə töhfə verdiyinizə görə və 40.000-ci redaktəniz münasibətilə gördüyünüz işlərin yanında kiçik qalan "Redaktor" ulduzu ilə təltif edilirsiniz. Fəaliyyətinizdə uğurlar! Toghrul R (m) 07:11, 23 yanvar 2022 (UTC)

Toghrul R bəy, çox təşəkkür edirəm. Hətta özüm belə redaktə sayıma nəzarət etməyi unutmuş ikən sizin diqqət etməyiniz məni sevindirdi :):):) Fəaliyyətimi dəyərləndirdiyiniz və təqdir etdiyiniz üçün minnətdaram :) - Dr.Wiki54 (müzakirə) 07:22, 23 yanvar 2022 (UTC)

Salam, hörmətli həmkar. Bu məqalənin adı çox uzundur, sizcə, qısaca olaraq necə adlandıra bilərik? Lavici mesaj?16:28, 24 yanvar 2022 (UTC)

@Lavici, salam. Baxmayaraq ki, alim Yusif Məmmədəliyev də dövlət xadimi olub,məncə onun əsas fəaliyyəti alimliklə bağlı olduğu üçün nəvəyə (dövlət xadimi) yazmaq mümkündür. -Dr.Wiki54 (müzakirə) 16:36, 24 yanvar 2022 (UTC)
@Lavici Heç bir şeyə ehtiyc yox imiş. Baba Yusif, nəvə Yusuf imiş. Aydınlaşdırma şablonu ilə həll edilərz. -Dr.Wiki54 (müzakirə) 16:48, 24 yanvar 2022 (UTC)
Öncəki adlandırmalar (kiçik) və (nəvə) olub, amma fikrimcə düzgün adlandırma deyildi bunlar. (dövlət xadimi, təvəllüd) əlavə etsək daha yaxşı olmaz sizcə də? Lavici mesaj?17:00, 24 yanvar 2022 (UTC)
@Lavici ehtiyac yoxdur. Birinin adı Yusif Məmmədəliyevdir, digərininki Yusuf Məmmədəliyev. Hər iki məqalənin başlığına Aydınlaşdırma şablonu əlavə edərək həll edə bilərik Sultan Məmmədovda olduğu kimi.- Dr.Wiki54 (müzakirə) 17:03, 24 yanvar 2022 (UTC)
Haqlısınız, olar. Lavici mesaj?17:22, 24 yanvar 2022 (UTC)

Qasım Qasımov

Salam Qasim Qasimov (siyasetci) yeni vezifeye verilibdi zehmet olmasa, vikilesdire bilersiz? Transleytle yaziram, uzurlu sayin — Bu imzasız yazı 2A00:1FA0:86AD:1272:44B6:4F4C:6AB:728A () tərəfindən əlavə edilib;

Salam, . Xahiş etdiniz, icra etdim. Lakin yaxşı olar ki, bundan sonra redaktələri özünüz də etməyə çalışasınız. Mən bir dəfə əsaslı redaktə etmişəm deyə hər dəfə məqalə üzərində işləyə bilmərəm. Təşəkkürlər. - Dr.Wiki54 (müzakirə) 22:07, 28 yanvar 2022 (UTC)

Silinmə tələbi

Salam həmkar. SSK-nin tələbləri məlumumdur. Ancaq zəhmət olmasa mənə vaxt tanıyın, yaratmış olduğum məqalələrə lazımi əlavələri edəcəyəm. Lavici mesaj?21:30, 30 yanvar 2022 (UTC)

@Lavici, salam. Sizin məqalələr 2 ay əvvəl yaradılıb. Yaratmaq istədiyiniz məqaləni qaralama səhifənizdə yaradıb üzərində işlədikdən sonra yenidən yayımlaya bilərsiz. Toplu şəkildə qaralama halında məqalə yaratmaq sadəcə zərər verər. Sizə uğurlar. - Dr.Wiki54 (müzakirə) 21:31, 30 yanvar 2022 (UTC)
Həmkar qaydalara riayət edirsiniz, haqlısınız da. Buna görə sizə ayrıca təşəkkür də düşür. Məqalələrin mövzusu ensiklopedikdir və lakin toplu deyəndəki 2-3 dənə belə məqalə yaratmışam ancaq əlavələr etməyi unutmuşam. Fikrimcə şablonları çıxara bilərsiniz. Lazımi əlavələr tərəfimdən ən qısa zamanda ediləcəkdir. Sizə də uğurlar. Hörmətlə, Lavici mesaj?21:37, 30 yanvar 2022 (UTC)
@Lavici, sadəcə sizin məqalələrdə problem var demirəm, minlərlə belə aktyor-aktrisa məqaləsi var. Aylarla-illərlə qalır. Mən də həvəsinizə görə təşəkkür edirəm. Məqalələri qaralamada işləyin, sonra yayımlayın. Problem olmayacaq. Təşəkkürlər :) - Dr.Wiki54 (müzakirə) 21:39, 30 yanvar 2022 (UTC)

«Bürünc Ulduz»

  «Bürünc Ulduz»
Siz, 2022-ci ilin yanvar ayı ərzində 2.855 redaktə etmisiniz. Buna görə də Redaktə Liqasının «Bürünc Ulduz» mükafatına layiq görülürsünüz. — Xeyal (müzakirə) 20:24, 31 yanvar 2022 (UTC)
Xeyal təşəkkür edirəm :) - Dr.Wiki54 (müzakirə) 20:31, 31 yanvar 2022 (UTC)

Silinməyə namizəd səhifələr

Hörmətli Dr.Wiki54, VP:SNS səhifəsinə namizəd təqdim edərkən bu qaydanı mütləq nəzərdən keçirin: "Silinməyə namizəd səhifələr" səhifəsinə bir gündə maksimum 3 məqalənin silinməsi ilə bağlı təklif vermək olar. 3-dən artıq məqalənin silinməsi haqqında təklif yalnız eyni tipli məqalələr haqqında ümumi qərar qəbul edildikdə mümkündür. Qaydaları yenidən pozduğunuz halda fəaliyyətiniz müəyyən müddətlik məhdudlaşdırıla bilər. Hörmətlə — eldarado(müzakirə | fəaliyyət | meta səhifəsi) 13:05, 1 fevral 2022 (UTC)

@Eldarado bu qayda 7 aydır qüvvədə deyil. Hal-hazırda qüvvədə olan VP:SS-i nəzərdən keçirsəniz yaxşı olar. İdarəçi və bürokrat olaraq xəbərsiz olmanız məni təəccübləndirdi. - Dr.Wiki54 (müzakirə) 13:06, 1 fevral 2022 (UTC)
O zaman bir daha nəzərdən keçirin. "Qaydanın daxilində qüvvədən düşmə səbəbi qeyd olunmayıbsa, qaydada yalnız dəyişikliklər edilməsi üçün yenidən müzakirə başladılmalı və səsvermə keçirilməlidir. Hörmətlə — eldarado(müzakirə | fəaliyyət | meta səhifəsi) 13:35, 1 fevral 2022 (UTC)
Eldarado, qəribədir. Yenə təəccübləndirdiniz. Vikipediya:Səhifə silməVikipediya:Sürətli silmə kriteriyaları ilə bağlı əvvəlcə müzakirə burada getmişdir. Orada da qeyd edilmişdir. Müzakirə nəticəsində səsverməyə çıxarılmışdır. Yeni qaydalar buradaburada qəbul olunmuşdur. Təbii ki, prosseslərin heç birində olmamısınız. Sizi işarətləməmə baxmayaraq. Üstündən 7 ay keçəndən sonra deyirsiniz ki, Turkmen bəy tək qərar verib buna. Bütün vikiicmaya açıq şəkildə müzakirə keçirilib, səsvermə olub. İdarəçilərdən White Demon, Toghrul R, Araz Yaquboglu, yenilərdən isə SolavirumSura Shukurlu iştirak edib. Həm də başqa istifadəçilər. - Dr.Wiki54 (müzakirə) 19:08, 1 fevral 2022 (UTC)
Dr.Wiki54, Artıq ikinci dəfədir ki, mənə qarşı Nəzakət qaydalarının 11-ci bəndini pozursunuz və heç kəs müdaxilə etmir. Müzakirələrə qaydalar çərçivəsində qoşulmağa sizi dəvət edirəm. Bu mövzuda fikirlərimi Türkmenə Səhifə silmə kriteriyaları səhifəsinin müzakirə səhifəsində yazdım və həmin mətni buraya kopyalayıram: təşəbbüs gözəldir. Mən heç kəsin fəaliyyətinə və ya çəkdiyi əziyyətə kölgə gətirmək istəmirəm. Amma qaydanı müzakirəsiz və səsverməsiz qüvvədən salmaq doğru deyil. O zaman qaydaların gücü qalmaz. Əgər oxşar mövzu ilə bağlı yeni qayda hazırlanıbsa və eyni bəndlərə toxunulubsa yeni qayda qəbul olunduğu üçün həmin bəndlər köhnəsindən çıxarıla bilər. Çünki artıq yenidən cəmiyyət qərar verib. Lakin qaydanı tam qüvvədən salmaq bir nəfərəin qərarı ola bilməz. Səsvermə ilə qəbul olunan qaydalar səsvermə ilə qüvvədən düşməlidir. Misal üçün Səhifə silmə kriteriyalarında belə bir bənd var: "Silinməyə namizəd səhifələr" səhifəsinə bir gündə maksimum 3 məqalənin silinməsi ilə bağlı təklif vermək olar. 3-dən artıq məqalənin silinməsi haqqında təklif yalnız eyni tipli məqalələr haqqında ümumi qərar qəbul edildikdə mümkündür. Bu bəndi yeni qaydada tapa bilmədim, hanı bu qayda? iki nəfər bu qaydanı qüvvədən salaq deməsi ilə qüvvədən düşdü? Ümumiyyətlə qaydaların qəbulu üçün səsvermələrdə 10 nəfər həddinin götürülməsi qərarının doğru olmadığını görürük. 15 günün içində 5 nəfərin səsi ilə qayda dəyişir, bu nə dərəcədə məntiqlidir? Ümid edirəm fikrimi tam izah edə bildim. Hörmətlə — eldarado(müzakirə | fəaliyyət | meta səhifəsi) 07:19, 2 fevral 2022 (UTC)
@Eldarado, sizi anlamıram. Zəhmət olmasa göstərin, haradadır VP:N qaydasının 11-ci bəndinin pozuntusu? Siz deyirsiniz ki bir nəfərin beş nəfərin qərarı. 10 nəfər həddi 12 viki istifadəçinin lehinə səsi, 0 əleyhinə səs ilə qəbul olunub. O istifadəçilərdən Şöhrət və Vago bəylər aktiv deyillər. Onlardan 4-ü idarəçi, 1-i həm idarəçi, həm bürokrat, 1-i sabiq idarəçi, 2-si isəsonradan seçilən idarəçilərdir. 2 nəfər xaric hamısı aktiv istifadəçidir. Burada isə 9 istifadəçi lehinə, 0 istifadəçi əlehinə səs verib. Lehinə səs verənlərdən 5-i o dövrdə idarəçi, 1-i isə sonradan seçilən idarəçidir. Eləcə də burada. 6 nəfər lehinə, 0 nəfər əlehinə. 6 nəfərdən 3-ü idarəçi, 1-i sonradan seçiləcək idarəçidir. O dövrlərdə səs vermələrlə bağlı Kənd Meydanında məlumatlandırma verilmiş, hətta bəzən rəsmi olmasa da sosial şəbəkələrdə də qrupa yazılmışdır. Əlehinə səs verən olmayan, hal-hazırda belə ən aktiv istifadəçilər, idarəçilər olan şəxslərin fikirləri və səsləri ilə qəbul olan qaydaları siz necə görməzdən gəlirsiniz? Mən hüquqşunas deyiləm, amma bildiyimə görə, hüquq elminə görə eyni mövzu üzərində yeni qanun qəbul olunursa əvvəlki qanun qüvvədən düşür. Vikipediyada isə bu haqqda digər dillərdəki vikilərdə oxşar praktikalar var. Bunu Turkmen də yazıb. Müzakirə də olub, səsvermə də olub. Sadəcə siz iştirak etməmisiniz son səsvermələrdə. Sizi də müzakirələrə işarələmişdim. - Dr.Wiki54 (müzakirə) 08:32, 2 fevral 2022 (UTC)
Dr.Wiki54, istifadəçilərin müəyyən müddətlik fəaliyyətinin zəyifləməsi normal haldır və qəbul ediləndir. Bunu bilərəkdən dəfələrlə rişxəndlə bildirmək qeyd etdiyim qaydanı pozur. Mən qeyd etdiyiniz hər şeyin fərqindəyəm və xəbərim var. Diqqətlə oxusanız görərsiniz ki, "həmin qərarın doğru olmadığını görürük" yazmışam. Ən maraqlısı bilirsiz nədir? Səsvermədə qeyd olunub ki, qayda qəbul ediləndən buyana səsvermələrdə demək olar ki, 10 nəfər iştirak etmir. Ama elə bununla bağlı səsvermədə 12 nəfər iştirak edib :) demək ki, iştirak edirmiş. Hörmətlə — eldarado(müzakirə | fəaliyyət | meta səhifəsi) 08:44, 2 fevral 2022 (UTC)
@Eldarado, dəfələrlə rişxəndlə?? İnformativ cümlə yazmışam rişxənd yoxdur. Faktiki iştirak etməmisiniz. Mən də bunu sizə yazmışam. Rişxəndlə, ironiya ilə yazmaq istəsəm başqa cür yazardım. Mənim yazı tərzimlə ən azından VP:SNS-dəki müzakirələri oxuyaraq tanış ola bilərsiniz. Əslində mənim üçün bu mövzu maraqlı deyildi, siz toxundunuz. Fəaliyyətinizin zəifləməsi normal ola bilər. Amma siz idarəçi və bürokratsınız. Bu uzun müddətli olmamalıdır. Qalanı artıq sizin öz, şəxsi işinizdir. O ki qaldı qaydalara və müzakirələrə, mən çox diqqətlə oxumuşam hamısını. 2020-dən 2022-yə nələr dəyişib, o müzakirədə iştirak edən Şöhrət və Vago bəylər nadir hallarda vikiyə girirlər. Firuzə xanım isə onlardan nisbətən daha çox. Yenə 9 nəfər qalır. Faktiki olaraq vikicmanın xəbəri olması üçün hər şərait olan halda, həftəylə KM-də müzakirə olan halda, aktiv istifadəçilər, idarəçilər və bürokratlar işarələndiyi halda müzakirədə qaydalara uyğun olaraq 6 nəfər iştirak edir və qayda qəbul olunursa, bu da bir nəfərin istəyi ilə ləğv oluna bilməz. Buyurun istəyirsinizs qaydalara uyğun olaraq müzakirə başladın "10 nəfər" qaydasını geri gətirmək üçün, biz də iştirak edək. - Dr.Wiki54 (müzakirə) 08:54, 2 fevral 2022 (UTC)

Vikipediyada xidmətlərə görə III dərəcəli mükafat

  Vikipediyada xidmətlərə görə III dərəcəli mükafat
Vikipediyanın inkişafında göstərdiyiniz aktiv fəaliyyətə və gecə-gündüz demədən fəaliyyət göstərdiyinizə görə təltif edilirsiniz. — Xeyal (müzakirə) 22:17, 3 fevral 2022 (UTC)

Təşəkkür edirəm, Xeyal bəy! Minnətdaram :) - Dr.Wiki54 (müzakirə) 05:10, 4 fevral 2022 (UTC)

Kitab adı

Salam. kitabın rəsmi azərbaycanca adı varmı? Mən tapa bilmədim. --► Hörmətlə: SolaVirum 12:38, 5 fevral 2022 (UTC)

@Solavirum salam. Cəmil Həsənli . və eyni cür.- Dr.Wiki54 (müzakirə) 14:03, 5 fevral 2022 (UTC)
Təşəkkürlər. --► Hörmətlə: SolaVirum 14:08, 5 fevral 2022 (UTC)

Dəvət

Salam dəyərli Dr.Wiki54/Arxiv/2022, sizi burada olan səs verməyə dəvət edirəm. Təşəkkürlər Santorica 13:36, 5 fevral 2022 (UTC)

Salam, @Santorica, fikrimi bildirdim. - Dr.Wiki54 (müzakirə) 20:21, 5 fevral 2022 (UTC)

Dəvət

Salam dəyərli Dr.Wiki54/Arxiv/2022, sizi burada olan səsverməyə dəvət edirəm Santorica 16:36, 13 fevral 2022 (UTC)

@Santorica, ✅ - Dr.Wiki54 (müzakirə) 17:45, 13 fevral 2022 (UTC)

Səhifənin yaradılması və təkmilləşdirilməsinə dair müraciət

  Sual: Salam. Sizden, Orxan Mammadov haqqinda elave etdiyim meqalenin wikilesdirilmesi ile bagli komeklik gostermeyinizi rica edirem. Orada bezi elave etiyim melumatlar ve ardicilliq mutemadi deyisir. Cox guman ki neyise sehv edirem. Onceden tesekkur edirem. ````` — Bu imzasız yazı (mt) adlı istifadəçi tərəfindən əlavə edilib;

Məlumat üçün təşəkkür edirəm. Nəsə əlavə etməyim gərəkən məlumat varsa əlavə edə bilərəm. (müzakirə) 20:56, 14 fevral 2022 (UTC)
Xoşdur. Məcburiyyət yoxdur. Uğurlar :) @ - Dr.Wiki54 (müzakirə) 21:06, 14 fevral 2022 (UTC)

Məqalələr bölümü

Salam həmkar. Xahiş edirəm məqalələrdən Əsərlərinin siyahısını silərkən onları Vikikitaba köçürün. Bu həm o siyahının itməməsinə, həm də o layihənin inkişafına səbəb olardı. Məsələn mən Əhliman Əmiraslanov məqaləsindən sildiyiniz hissəni Vikikitaba köçürdüm. — Araz Yaquboglu (müzakirə) 06:40, 16 fevral 2022 (UTC)

Salam @Araz Yaquboglu bəy, vikikitabı çox yaxşı bilmədiyim üçün, etməmişdim. Bundan sonra belə edərəm. Təşəkkürlər :) - Dr.Wiki54 (müzakirə) 06:41, 16 fevral 2022 (UTC)

Qaydalarda dəyişiklik barədə məlumat

Salam hörmətli Dr.Wiki54. Vikipediyada yeni ad fəzasının tətbiqi ilə bağlı prinsiplər rəsmi olaraq qəbul edilib. Buradan : 1, 2 dəyişikliklər barədə xəbərdar olar bilərsiniz. Hörmətlə, Turkmen müzakirə20:22, 25 fevral 2022 (UTC)

@Turkmen, təşəkkür edirəm məlumatlandırma üçün :) - Dr.Wiki54 (müzakirə) 16:35, 25 fevral 2022 (UTC)

«Gümüş Ulduz»

  «Gümüş Ulduz»
Siz, 2022-ci ilin fevral ayı ərzində 2.758 redaktə etmisiniz. Buna görə də Redaktə Liqasının «Gümüş Ulduz» mükafatına layiq görülürsünüz. — Xeyal (müzakirə) 21:12, 28 fevral 2022 (UTC)
Təşəkkür edirəm, Xeyal! - Dr.Wiki54 (müzakirə) 21:39, 28 fevral 2022 (UTC)

Dəvət

Salam. Mənim idariçiliyimə aid burada keçirilən səsvermədə sizi iştirak etməyə dəvət edirəm.— Azerifactory (müzakirə) 20:14, 2 mart 2022 (UTC)

Salam, @Azerifactory. Fikrimi bildirdim. - Dr.Wiki54 (müzakirə) 20:22, 3 mart 2022 (UTC)

İdarəçi namizədi

Salam, hörmətli Dr.Wiki54. Son dövrlərdəki fəaliyyətiniz möhtəşəmdir. Demək olar ki, hal-hazırda məqalələrə ən çox nəzarət edən istifadəçi sizsiniz. Mənə elə gəlir ki, sizin idarəçi kimi fəaliyyətiniz də uğurlu olar. Ona görə idarəçi namizədliyinizi irəli sürməyi təklif edirəm. Eminn (müzakirə) 18:11, 13 mart 2022 (UTC)

Salam, hörmətli @Eminn bəy! Fəaliyyətimi təqdir etməyiniz məni sevindirdi :) Lakin yaxın gələcəkdə idarəçi olmağı düşünmürəm. İstifadəçi olaraq isə fəaliyyətimi gücləndirməyi düşünürəm. Hər halda göstərdiyiniz etimad, layiq gördüyünüz status üçün minnətdaram :) - Dr.Wiki54 (müzakirə) 19:46, 13 mart 2022 (UTC)
Təklifi qəbul etməməyiniz təəssüf doğurur. Yaxın gələcəkdə fikrinizi dəyişdirəcəyinizə ümid edirəm. Fəaliyyətinizdə uğurlar arzulayıram. Bayramınız mübarək.— Eminn (müzakirə) 10:01, 21 mart 2022 (UTC)
Təəssüf. Həm şəxsi işlərimlə əlaqəli olaraq bunun üçün hələ tez olduğunu (idarəçi passivliyinə qəti qarşı olan biri olaraq :) ), həm də hələ daha çox təcrübə toplamağım lazım olduğunu düşünərək gələcəkdə qeyri müəyyən bir zamana ertələyirəm. Təklif üçün, inam üçün çox təşəkkür edirəm, @Eminn bəy. Mən də sizi Novruz Bayramı münasibətilə təbrik edirəm! - Dr.Wiki54 (müzakirə) 14:24, 21 mart 2022 (UTC)

Ensiklopediklik

Salam. Hərbçilərin ensiklopedikliyi haqqında əlavə məzmun xahiş etmişdiniz. Səsverməsi budur. --► Hörmətlə: SolaVirum 19:10, 17 mart 2022 (UTC)

@Solavirum, salam. Təşəkkür edirəm. - Dr.Wiki54 (müzakirə) 19:54, 17 mart 2022 (UTC)

Sultanməcid Hacıbalayev

Salam. Xeyir, əsla mübarizə aparmıram. Mən nəvəsi olduğum üçün hər bir halda mən doğru mə'lumat bildirə bilərəm. Babam Qusar rayonu, Girik kəndində doğulub. İllərdir ki o kəndin adı Girik kəndidir. Və orada Hil rayonu qeyd olunub. Hil rayonu yoxdur.Qusarın Hil kəndi var. — Bu imzasız yazı Selcan Hacibalayeva (mt) adlı istifadəçi tərəfindən əlavə edilib;

Selcan Hacibalayeva, vikipediya qaydalarına tanış olmadığınız üçün səhv etməyiniz normaldır. Əvvəla Qusar rayonu 8 avqust 1930-cu ildə Hil rayonu adı ilə təşkil olunub. Rayonun adı 1938-cinildə Qusar rayonu olaraq dəyişdirilib. Girik kəndi isə 1999-cu ildə təşkil olunub. Qısacası, babanız anadan olduğu müddətdə (1937) indiki Girik kəndinin ərazisi Həzrə kəndinin ərazisində olub. Həzrə kəndi isə Qusar rayonun inzibati tabeliyindədir. Qusar rayonu isə 1937-ci ildə Hil rayonu adlanıb. Uğurlar. - Dr.Wiki54 (müzakirə) 19:13, 29 mart 2022 (UTC)

Kateqoriya

Salam həmkar. adını standart qaydada digərləri kimi Kateqoriya:"İstiqlal" medalı ilə təltif olunanlar (Türkiyə) adlandırsaq yaxşı olar. Lavici mesaj?20:52, 30 mart 2022 (UTC)

Salam, @Lavici, olar. Problem deyil. Osmanlı medallarına uyğun etmişdim, amma müvafiü dəyişikliyi icra edə bilərsiniz. - Dr.Wiki54 (müzakirə) 21:34, 30 mart 2022 (UTC)@Lavici

İdarəçi namizədliyi

Salam, uyğundursa sizin idarəçiliyə namizədliyinizi vermək istərdim.— Turkmen müzakirə11:25, 19 aprel 2022 (UTC)

Salam, @Turkmen bəy! Artıq ikinci dəfədir oxşar təklifi alıram :) Bu mənim üçün sevindirici haldır. Siz və @Eminn bəy kimi təcrübəli istifadəçi və idarəçilərin fəaliyyətimi təqdir edib məni bu səlahiyyətə layiq gördüyünüz üçün qürur duydum. Amma təəssüf ki, 1 ay əvvəlki kimi cavabım hələ də negativdir. Müəyyən şəxsi səbəblərdən bir dövr aktiv ola bilmirəm. Bu isə özümün də dəfələrlə tənqid etdiyim "idarəçi passivliyinə" səbəh olar. Tənqid etdiyim şeyləri icra etmək istəmərəm :) Hərhalda təklif üçün təşəkkür edirəm, artıq daha yaxın gələcəkdə dəyərləndirəcəyəm bu təklifi :) - Dr.Wiki54 (müzakirə) 13:36, 19 aprel 2022 (UTC)

SNS

Salam dəyərli Dr.Wiki54/Arxiv/2022, zəhmət olmasa burada keçirilən SNS-də iştirak edin :) Santorica 10:00, 26 aprel 2022 (UTC)

@Santorica, salam. Mövzuyla bağlı məlumatım yoxdur. Uğurlar. - Dr.Wiki54 (müzakirə) 22:59, 2 may 2022 (UTC)

«Silmə ulduzu»

  Silmə ulduzu
Davamlı olaraq məqalələrdən lazımsız və ya qeyri-ensiklopedik məlumatları çıxardığınıza görə «Silmə ulduzu» ilə təlif olunursunuz! — Xeyal (müzakirə) 22:49, 2 may 2022 (UTC)
Xeyal təqdiriniz üçün təşəkkür edirəm :) Əlimdən gəldiyi qədər səliqə-səhman yaratmağa çalışıram. -Dr.Wiki54 (müzakirə) 22:51, 2 may 2022 (UTC)
Möhtəşəmsiz. Sükanı belə saxlayın Xeyal (müzakirə) 22:55, 2 may 2022 (UTC)

İdarəçi seçkisi

Hörmətli Dr.Wiki54, idarəçi seçkisi üçün təqdimatınız və göstərdiyiniz daimi dəstəyə görə minnətdarlığımı bildirirəm. — Burocan (müzakirə) 23:49, 3 may 2022 (UTC)

Dəyərli @Burocan, siz bu dəstəyi öz əməyinizlə qazanmısınız. Mən sizə təşəkkür edirəm, fəaliyyətinizə görə. Uğurlar arzu edirəm, prinsiplərə sadiq qaldığınız müddətcə hər zaman dəstək olmağa hazıram ;) -Dr.Wiki54 (müzakirə) 00:02, 4 may 2022 (UTC)

İstifadəsiz fayllar

Salam həmkar. Vaxt itkinizə qənaətə görə qeyd edim məqalədən fayl linki silinəndə avtomatik İstifadəsiz fayllar kateqoriyasına düşür. Və idarəçilər oradan silir. Zəhmət çəkib bir də Sil şablonu qoymayın. — Araz Yaquboglu (müzakirə) 06:23, 4 may 2022 (UTC)

Salam, dəyərli @Araz Yaquboglu bəy. Təşəkkür edirəm, çox vaxt oranı sizdən başqa kontrol edən olmur deyə sil şablonu əlavə edirdim. Sizə çox yük düşür :) Düşünürəm ki, artıq lisenziyasız, azad olmayan faylların hamısını silməyin vaxtı gəlib çatıb. Buna görə də ilk növbədə öz yüklədiklərimi sildirməyə başladım. Deputatlae üçün (Naxçıvan və Azərbaycan) yayımlanmış rəsmi fotolar istisna. - Dr.Wiki54 (müzakirə) 06:25, 4 may 2022 (UTC)
Çox sağ olun, dəyəriniz üçün. Bəzi məqalələrdə şəkil vacibdi, tanınması üçün. Məncə məqalələrdəki artıq - 2-ci, 3-cü və s. şəkillər silinməlidi əsas. — Araz Yaquboglu (müzakirə) 07:06, 4 may 2022 (UTC)
@Araz Yaquboglu, siz buna layiqsiniz :) şəkil vacib ola bilər, amma konkret qaydalar da var. Əslində bizdə illərdor yumşaq yanaşılıb deyə minlərlə şəkil yüklənib. Gərək artıq sərt şəkildə qaydalar tətbiq olunsun. - Dr.Wiki54 (müzakirə) 07:09, 4 may 2022 (UTC)

Kömək

@Araz Yaquboglu salam.mənim nədənsə qurduğum vikipediya hər dəfə silinir.xahiş edirəm mənə kömək edin.silinməsin... Elesger1991 (müzakirə) 13:26, 5 may 2022 (UTC)

Elesger1991, salam. "Qurduğum vikipediya" deyəndə yəqin ki, yaratdığınız məqaləni nəzərdə tutursunz. Yaratdığınız məqalələr VP:EƏ (şəxslər üçün VP:ŞEƏ) və VP:SK qaydalarına uyğun olmalıdır. VP:SSK qaydalarını və adını çəkdiyim digər iki qaydanı ödəməyən məqalələrin silinməsi normaldır. Uğurlar. - Dr.Wiki54 (müzakirə) 13:45, 5 may 2022 (UTC)

Rayon xəritələri

Salam. Necəsiniz? Mən axtardım, amma belə düşdüm ki, sovet dövrünə aid rayon xəritələri yoxdur bizdə. Ona görə də qərara gəldim ki, özüm yaradım, lakin məsləhətlərə ehtiyac var və düşünürəm ki, bu mövzuda siz yaxşısınız. Neçə variant hazırlamaq lazımdır? --► Hörmətlə: SolaVirum 19:23, 9 may 2022 (UTC)

@Solavirum salam, yaxşı siz? Bu biraz çətin məsələdir. Hardasa 7-10 xəritə lazımdır. Xüsusilə 1950-1965-ci illər qarışıqdır. Sizə dəqiq sərhədlərlə bağlı sabah qəşənq materiallar ataram. Köməyi dəyər. - Dr.Wiki54 (müzakirə) 19:27, 9 may 2022 (UTC)
@Solavirum, sizə e-mail vasitəsi ilə göndərdim əlimdə olan bəzi mənbələri. Ümidvaram köməyi dəyər. - Dr.Wiki54 (müzakirə) 11:11, 19 may 2022 (UTC)

SNS

Salam, sizi bu məqalənin SNS-nə dəvət edirəm. Santorica 18:22, 13 may 2022 (UTC)

@Santorica, salam. Xahiş edirəm, məni SNS müzakirələrində iştiraka dəvət etməyəsiniz. Mən mütəmadi olaraq nəzarət edirəm, marağımı cəlb edən, məlumatlı olduğum mövzu haqda müzakirə olsa iştirak edirəm. Uğurlar. - Dr.Wiki54 (müzakirə) 10:47, 14 may 2022 (UTC)

Aydın Məmmədov

Salam. Mən düşünürəm ki, "Aydın Məmmədov (dövlət xadimi)" kimi dəqiqləşdirmənin dəqiqləşdirmələrini açmaq əvəzinə "Mitridat" dəqiqləşdirmə səhifəsindəki modeldən istifadə etmək daha uyğun gəlir. --► Hörmətlə: SolaVirum 14:22, 14 may 2022 (UTC)

@Solavirum, salam. Əslində mən də belə düşünürəm. Amma azvikidə bu versiya geniş yayıldığı üçün elə edirəm. Konsensus əldə etdək məncə daha faydalı olar. - Dr.Wiki54 (müzakirə) 14:23, 14 may 2022 (UTC)

Ədalətlilik ulduzu

  Ədalətlilik ulduzu
Dəyərli həmkar sizi sonuncu müzakirələrdə ədalətli seçimləriniz ilə yadda qalan, birtərəfli fikirlərinizə görə «Ədalətlilik ulduzu» ilə təltif olunursunuz. — Xeyal (müzakirə) 21:10, 18 may 2022 (UTC)
Salam, Xeyal bəy. Son hadisələrlə bağlı məyusluğumu bildirir, mükafat üçün isə təşəkkür edirəm. İnanıram ki, son baş verənlər fəaliyyətinizdə axsamaya səbəb olmayacaq. Uğurlar arzu edirəm! - Dr.Wiki54 (müzakirə) 10:03, 19 may 2022 (UTC)

Mühafizə ediləcək səhifələr

Salam həmkar. Bu yaxınlarda AzVikidə qarşıma təxminən belə bir layihə səhifəsi çıxmışdı. İndi axtardım ancaq tapa bilmədim. Həmin səhifənin adı nə idi? Keçidi ata bilərsiz? Lavici mesaj?11:43, 23 may 2022 (UTC)

Salam, @Lavici. Bunu deyirsiniz? Dr.Wiki54 (müzakirə) 12:00, 23 may 2022 (UTC)
Dəqiq bilmirəm, ancaq deyəsən, "mühafizə" ilə başlayırdı. Lavici mesaj?12:06, 23 may 2022 (UTC)
@Lavici, mənim bildiyim sadəcə o idi. O da tvinkle qadceti ilə istifadə zamanı yarandı. - Dr.Wiki54 (müzakirə) 12:11, 23 may 2022 (UTC)
Anladım, təşəkkür edirəm. Lavici mesaj?12:16, 23 may 2022 (UTC)

Sizin üçün bir ulduz!

  Xüsusi ulduz
Aktual problemlərin həlli ilə bağlı apardığınız inadlı mübarizəyə görə Surə 🗯 18:34, 23 may 2022 (UTC)
Sura Shukurlu minnətdaram, ümidvaram bu problemlər həllini tapar. - Dr.Wiki54 (müzakirə) 19:19, 23 may 2022 (UTC)

Deputat məqalələri

Hər vaxtınız xeyir, Dr.Wiki54. Siz bir müddət öncə deputat məqalələri üzərində çalışırdınız,ona görə mənə aydın olmayan bir məsələni soruşmaq istədim. Deputat məqalələrindəki şəkillərin sırf hər çağırışda Milli Məclis saytına yerləşdirilən şəkillər olmasına dair viki cəmiyyət nəzdnində hansısa müzakirə, yaxud konsensus varmı? Ya da siz şəxsi təcrübənizdə necə edirsiniz? Məsələn, Nurlan Həsənov (deputat) məqaləsində, şəxsin MM tərəfindən dərc olunan şəkli başqa bir şəkillə əvəzlənib. Bu halda optimal həlli nədə görürsünüz? Diqqətiniz üçün əvvəlcədən təşəkkürlər. — Burocan (müzakirə) 13:35, 24 may 2022 (UTC)

Salam, @Burocan! Təəssüf ki, tam konsensus yoxdur. Mənim və bir neçə digər istifadəçinin ortaq fikri belə oldu ki, sadəcə ən son (Məsələn: Fəzail Ağamalının VI çağırış şəkli) foto yüklənə bilər lokala. Bu da sadəcə şəxsin məqaləsində istifadə olunmalıdır. Əslində "bilər" yox, göz yuma bilərik. Mövcud deputatların məqalələrində şəkil dəyişmə tez-tez olur. Xüsusən də gənc deputatlar da. Çox vaxt şəkillərini bəyənmirlər, PR komandası və ya köməkçiləri və ya özləri tərəfindən birbaşa Commons-a azad olmayan, lisenziyasız şəkillər yüklənir və əvəz etmə baş verir. Mən Commons-da da aktiv fəaliyyət göstərirəm, daimi nəzarət edirəm və belə şəkillərin olmasına şərait yaratmıram. Amma məsələn bəzən Bahar Muradovanın məqaləsindəki kimi azad və keyfiyyətli şəkillər də yüklənir. Qısaca, plan belə olmalıdır, çağırış məqalələrin statusları alınmalı, şəkillər məqalələrdən silinməli, azad şəkli olmayan deputatlar üçün MM rəsmi şəkillərindən ən sonuncusu yüklənməlidir. - Dr.Wiki54 (müzakirə) 13:55, 24 may 2022 (UTC)
Ətraflı rəyiniz üçün minnətdaram. Kifayət qədər izahedici oldu. Burocan (müzakirə) 13:58, 24 may 2022 (UTC)
@Burocan, xoşdur, hər zaman köməyə hazıram :) - Dr.Wiki54 (müzakirə) 14:01, 24 may 2022 (UTC)

İnzibatçıların siyahısı

Salam. VP:İ#İnzibatçıların siyahısı bölməsi VP:H#Hizmetliler listesi kimi tərtib edilə bilər, xüsusən də "etkinlik" bölməsi diqqətimi çəkdi. Necə fikirləşirsiniz? Lavici mesaj?22:28, 31 may 2022 (UTC)

Salam. O səhifə üzərində işləyirəm. İyunun ikinci yarısına tam hazır edəcəyəm. @Lavici, diqqətiniz üçün təşəkkürlər - Dr.Wiki54 (müzakirə) 22:48, 31 may 2022 (UTC)

Rasim Əliquliyev

Salam, Dr.Wiki54. Siz məqaləyə "Rasim Əliquliyev bir müddət Azərbaycan Milli İstiqlal Partiyasının üzvü olmuşdur" mətni əlavə etmisiz, lakin heç bir istinad daxil etməmisiz. Bilmək olar, siz bu məlumatı hardan əldə etmisiz? Bir də, məqalədə 5 mötəbər mənbəyə söykənən məlumatları silmisiz. Xahiş edirəm, məlumatları bərpa edin. Hörmətlə, — Tarlan23 (müzakirə) 07:50, 2 iyun 2022 (UTC)

@Tarlan23, salam. Müavfiq mənbə əlavə edildi. Vikipediya platformasında "elmi məqalələrin təsnifatı" alt başlığından və s. istifadə olunmur. Bu barədə əlavələr etmək istəyirsinizsə Vikikitaba müraciət etməniz daha məqsədəuyğun olar. Uğurlar. Dr.Wiki54 (müzakirə) 08:13, 2 iyun 2022 (UTC)
Göstərdiyiniz mənbə mötəbər sayılmır və yazdığınız məlumat həqiqətə uyğun deyil, qərəzlidir. Sildiyiniz məlumatlar isə Vikikitaba aid deyil. Burada məqalələrin statistikası haqqında məlumat verilmişdi və statistik göstəricilər Vikipediyaya uyğundur, Vikikitaba deyil. Mən təkrarən məqaləni normal vəziyyətinə bərpa etməyi xahiş edirəm.— Tarlan23 (müzakirə) 10:40, 2 iyun 2022 (UTC)
@Tarlan23, mötəbər mənbə AMEA-nın saytıdır? Əksi isbat edilənə qədər yerli mənbələrdən istifadədə problem yoxdur. Burada heç bir qərəz yoxdur. Statistik məlumat daxil etmək istəyirsinizsə, "Elmi fəaliyyəti" qismində bir cümlə içində daxil edin və VP:SK qaydalarına riayət edin. Uğurlar. - Dr.Wiki54 (müzakirə) 10:44, 2 iyun 2022 (UTC)

Sizin üçün bir ulduz!

  Yorulmaz töhfəverən ulduzu
Fəaliyyətiniz təqdirəlayiqdi. Düşündüm ki, mən də sizə bir ulduz təqdim edim ki, ayıb olmasın :) Hər halda bunu qiymətləndirməsəm, sizə haqsızlıq etmiş olaram. Uğurlar! Lavici mesaj?14:53, 6 iyun 2022 (UTC)
Təşəkkür edirəm, Lavici. Mən təmənna gözləmirdim, amma yenə də minnətdaram :) - Dr.Wiki54 (müzakirə) 16:22, 6 iyun 2022 (UTC)

Geri qaytarma

Salam. Niyə geri qaytardız? Lavici mesaj?22:31, 10 iyun 2022 (UTC)

Salam, @Lavici. Telefondan girəndə vikipediyada bəzən problem yaşayıram. Bu səbəbdən yanlışlıq oldu, sonra isə açılmadığı üçün geri ala bilmədim. - Dr.Wiki54 (müzakirə) 22:42, 10 iyun 2022 (UTC)
Aydındır, təşəkkürlər. Lavici mesaj?22:48, 10 iyun 2022 (UTC)

İnzibatçı namizədi

Salam Dr.Wiki54 bəy. Vikipediyada qəşəng fəaliyyətiniz var. Aktiv fəaliyyət göstərən istifadəçilərdənsiniz. Məlum inzibatçı passivliyi müşahidə olunur hələ də. Düşünürəm ki, sizin də inzibatçı olmağınızın tam vaxtıdır. Vikipediyadan yetəri qədər anlaşıyınız var və yetərli təcrübəyə də maliksiniz. Seçilməmək üçün də bir əksiyinizin olduğunu görmürəm. Əgər sizdə etiraz etmisinizsə, namizədliyinizi təqdim edərdim. Və ya özünüz. Necə məsləhətdirsə sizə. Lavici mesaj?19:25, 11 iyun 2022 (UTC)

Salam, @Lavici. Açığı bu mənə olunan artıq 4-cü təklifdir. Hər biri də müxtəlif şəxslər tərəfindən. İnzibatçı passivliyi nisbətən yaxşılaşıb. Burocan sağolsun. Həm də limitlər yada salınandan sonra formal olaraq fəaliyyəti artıranlar da çoxaldı. Fəaliyyətimi təqdir etdiyiniz üçün minnətdaram. Bu ay ərzində fəaliyyətim zəifləyib və artacağına gümanım azdır. Hər dəfə belə yazıram, amma fəaliyyətim tam dayanmır. Yanlış anlaşılmasın, mənə görə zəif fəaliyyət fəaliyyətsizlik deyil. Layiq gördüyünüz üçün təşəkkürlər. Amma hələ ki, həm mental olaraq, həm də fiziki olaraq inzibatçılığa özümü hazır görmürəm. Ola bilər ki, bir neçə ay sonra, ola bilər ki, ilin sonuna doğru özüm namizədliyimi təqdim edim. Amma hələ ki, düşünmürəm. Təşəkkürlər hərhalda. - Dr.Wiki54 (müzakirə) 20:07, 11 iyun 2022 (UTC)

Salam həmkar. Niyə sildiniz ki? Lavici mesaj?17:31, 11 iyun 2022 (UTC)

Salam. Yaratdığınız keçid orfoqrafiya qaydalarına ziddir. Fəaliyyətinizdə uğurlar diləyirəm! --Babək Akifoğlu (müzakirə) 18:52, 11 iyun 2022 (UTC)
Hörmətli Babək Akifoğlu bəy. Məqalənin əsas adı deyil ki, problem təşkil etsin. Orfoqrafiya səhvlərinin əsas ada yönləndirməsi normaldır. Lavici mesaj?19:10, 11 iyun 2022 (UTC)
Düzgün yazılış qaydası istənilən halda qorunmalıdır. --Babək Akifoğlu (müzakirə) 20:21, 11 iyun 2022 (UTC)
Babək Akifoğlu, "hökümət" - "hökumət", "kompyüter" - "kompüter" və s. də səhifəsinə yönləndirir. Yəni, deyirsiniz ki, bu da doğru deyil? Bu axtarışı asanlaşdırır əksinə. Və səhifəni daha əlçatan edir. Səhifənin əsas adı yanlış olmadığı müddətçə problem yoxdur. Lavici mesaj?20:29, 11 iyun 2022 (UTC)
Qeyd etdiyiniz sözlərin yazılışı Dilçilik İnstitutu tərəfindən qərarsızcasına gah bir, gah da digər formada zaman-zaman dəyişdirildiyi üçün həmin dəqiqləşdirmə keçidlərinə müəyyən ehtiyac yaranıb. Hazırkı sözlə bağlı belə bir hal yoxdur və yazılış forması yalnız olduğu şəkildə qalmalıdır. --Babək Akifoğlu (müzakirə) 09:41, 12 iyun 2022 (UTC)
Lavici düz qeyd edir. Əgər bir sözün səhv yazılışı geniş yayılıbsa, istiqamətləndirilməsi verilməlidir. EnVikidə belə qayda var. Amma "qeyrihökumət" sözü geniş yayılmış səhv yazılışdı ki? Onun istiqamətləndirməsi niyə olmalıdı? White Demツnyaz 09:56, 12 iyun 2022 (UTC)
Hər qrammatik səhvə yönləndirmə açmaq ifratçılığa səbəb olar. - Dr.Wiki54 (müzakirə) 10:05, 12 iyun 2022 (UTC)

Babək Akifoğlu, düzdü, ancaq belə də axtarış asanlaşır, mövzu daha əlçatan olur, qeyd etdiyim kimi. Məsələn, orfoqrafiyada qeyri-hökumət kimi verilib, ancaq hərə bir cürə axtarış edir. White Demon, həmin qayda bizdə də olsa gözəl olardı. Fərq etmir. İstər geniş yayılmış olsun, istərsə də olmasın. Bütün orfoqrafiya səhvləri əsas ada yönləndirməlidir. Dr.Wiki54, lazım gələrsə, olması gərəkən qədər çox yönləndirmə olacaq. Heç bir problem yoxdur burada. Yetər ki, əlaqəsiz olmasın. Bu səhifənin ingilis versiyasındakı yönləndirmə səhifələrinə nəzər yetirin. (69 yönləndirmə səhifəsi) :) Lavici mesaj?00:52, 16 iyun 2022 (UTC)

"Qeyri-hökumət" yazılışı zamanı elə ilk hərflərdən əsas səhifənin adı çıxır. Keçid vermək istədiyiniz yazılışa heç bir ehtiyac yoxdur. Üstəlik, bu məntiqlə razılaşmağımız, saysız-hesabsız gərəksiz keçidlərin yaranmasına imkan verəcək. İnsanlar quqlda axtarışa "Reshid Behbudov" və ya "Shovket Elekberova" yazırlarsa, bu o demək deyil ki, bu cür keçidlər yaradılmalıdır. Keçidin verilməsi başqa hallar üçün nəzərdə tutulub, onun mahiyyətini dəyişmək mənasızdır. --Babək Akifoğlu (müzakirə) 19:43, 17 iyun 2022 (UTC)

Xahiş

Salam həmkar. Bir xahişim var. AWB ilə Şirvan şəhəriŞirvan (şəhər) səhifələrinə olan keçidləri Şirvan (Azərbaycan) səhifəsinə daşıya bilərsən? Hörmətlə, dancewithdevil (müzakirə) 23:52, 13 iyun 2022 (UTC)

Salam, @dancewithdevil. Bu işə vaxtım və həvəsim yoxdur. - Dr.Wiki54 (müzakirə) 12:47, 19 iyun 2022 (UTC)

Azərbaycan Ordeni

  Azərbaycan Ordeni
Azərbaycanın mövcud siyasi vəziyyəti və siyasi tarixi mövzularında Azərbaycanca Vikipediyaya verdiyiniz töhfəyə görə.

--► Hörmətlə: SolaVirum 04:59, 30 iyun 2022 (UTC)

@Solavirum, təşəkkür edirəm, minnətdaram. - Dr.Wiki54 (müzakirə) 07:52, 30 iyun 2022 (UTC)

İnzibatçı seçkisi

 
İdarəçi seçkisi
Salam, Dr.Wiki54/Arxiv.
Sizi mənim inzibatçılıq statusumla bağlı keçirilən səsvermədə iştirak etməyə dəvət edirəm. Hörmətlə, dancewithdevil (müzakirə) 15:38, 4 iyul 2022 (UTC)
@Dancewithdevil  Y - Dr.Wiki54 (müzakirə) 08:42, 5 iyul 2022 (UTC)

Əlaqə qurmaq

mənə yaza bilərsiz ? — Bu imzasız yazı ( • t) adlı istifadəçi tərəfindən əlavə edilib; 20:29, 8 iyun 2022 (UTC)

Salam. @ buyurun yazın. - Dr.Wiki54 (müzakirə) 20:47, 8 iyul 2022 (UTC)

VP:ŞEƏ

Salam. Mən düzü qaydanı bir neçə dəfə oxudum, amma hələ də qaranlıq qaldı: sırf elmlər doktoru adını almış şəxs, hansı ki, bundan başqa heç bir fərqliliyi və ya nailiyyəti olmayıb, ensikilopedik hesab edilir ya yox? Surə 🗯 11:47, 10 iyul 2022 (UTC)

Salam. @Sura Shukurlu Ümumiyyətlə hansısa ad almaq hələ tam ensiklopedikliyə zəmanət vermir. Eləcə də orden/medal. Dr.Wiki54 (müzakirə) 11:53, 10 iyul 2022 (UTC)
@İstifadəçi:Dr.Wiki54 təşəkkür edirəm cavablandırdığınız üçün. Elədirsə, deyəsən mövcud olan alim məqalələrinin yarısı silinməli olacaq ) Surə 🗯 11:59, 10 iyul 2022 (UTC)
Buyurun @Sura Shukurlu xanım, ümumiyyətlə bu təkcə alimlərə aid deyil. Şəxs haqqında yetərincə məlumat yoxdursa, onu xüsusi fərqləndirən, ensiklopedikləşdirən fakt yoxdursa, məqalə mövzusu ensiklopedik sayılmır. Bizdə elmi ad alan minlərlə şəxs var. Sabah bu əhatə dairəsi Türkiyə, Rusiyaya da yayılacaq ki, orada da alıblar. Ən yaxşı halda professorlara göz yummaq olar ki, mən buna da qarşıyam. Amma yenə də professorlar üçün ayrıca müzakirə təşkil oluna bilər. Dr.Wiki54 (müzakirə) 12:03, 10 iyul 2022 (UTC)

Görünüş

Salam. Siz KM-da qeyd etmişdiniz ki, patrullama aləti və son dəyişikliklər bölməsinin görüntüsü istifadə üçün effektiv deyil. Digər vikilərdə mövcuddursa təklif etdiyiniz görünüş və ya alətləri nümunə göstərə bilərsinizmi? Mən azviki xaricində digər vikilərdə fəaliyyət göstərmirəm deyə məlumatım yoxdur. Surə 🗯 12:21, 15 iyul 2022 (UTC)

@Sura Shukurlu salam. Mən trvikidəki versiyanı bəyənirəm. Nisbətən ruvikidəki də bənzərdir. - Dr.Wiki54 (müzakirə) 19:52, 16 iyul 2022 (UTC)

Kömək

Salam. Bu sənədin: "Депутаты Верховного Совета Азербайджанской ССР. Восьмой созыв. — Баку: Азербайджанское государственное издательство, 1973." onlayn versiyasını tapmaq mükündür? Surə 🗯 13:50, 19 iyul 2022 (UTC)

Salam @Sura Shukurluxanım. Buyurun web.anl.az:81/read/page.php?bibid=vtls000226972 . Dr.Wiki54 (müzakirə) 16:07, 19 iyul 2022 (UTC)
Bir sualım daha olacaqdı. Mənbədə deyərkən nəyi nəzərdə tutur? Surə 🗯 08:50, 21 iyul 2022 (UTC)
@Sura Shukurlu, Azərbaycan Lenin Kommunist Gənclər İttifaqı Mərkəzi Komitəsi. - Dr.Wiki54 (müzakirə) 10:44, 21 iyul 2022 (UTC)
Təşəkkür edirəm. Surə 🗯 11:30, 21 iyul 2022 (UTC)

Mündəricatın götürülməsi

Salam. Bu məqalədən mündəricatı necə götürə bilərəm ? Grenzsoldat 16:44, 29 iyul 2022 (UTC)

@Grenzsoldat, salam. Həll etdim Dr.Wiki54 (müzakirə) 16:57, 29 iyul 2022 (UTC)

Fotonun dəyişdirilməsi

Salam, həmkar. Zəhmət olmasa, Səadət Cahangir məqaləsində mən yüklədiyim fotonu azad fayl kimi əlavə edib dəyişə bilərsiniz? Həmin şəxs mənə yazıb xahiş etdi. Hörmətlə: Orkhan Juvarli (müzakirə) 11:37, 4 avqust 2022 (UTC)

@Orkhan Juvarli, salam. Azad fayl məsələsi Commons-a yüklənməklə bitmir. Hər bir faylın öz müəllifi var. Gərək müəllif özü Commons-a şəkli yükləsin. Ya da azad lisenziya ilə şəkil hansısa mənbədə olsun. Hal-hazırda Azərbaycanda azad lisenziya ilə şəkli Amerikanın Səsi və President.az yayımlayır. - Dr.Wiki54 (müzakirə) 12:15, 4 avqust 2022 (UTC)
salam, fotonu Commons-a yükləyib (fotonun özünü elə commons-a ixrac edib) sonra həmin fotonu çəkən fotoqraf Commons-a mail vasitəsi ilə fotonu özü çəkməsini və azad fayl olmasını bildirə bilər. təsdiq edildikdən sonra problem olmaz. Atakhanli (müzakirə) 12:34, 4 avqust 2022 (UTC)
@Atakhanli, bəli mümkün versiyadır. Əgər Səadət xanım öz telefonu ilə şəklini çəkdirib özü yükləsə daha rahat olar. @Orkhan Juvarli - Dr.Wiki54 (müzakirə) 14:10, 4 avqust 2022 (UTC)

Rəsul Çunayev

Salam. Bu fotodan Rəsul Çunayevin fotosunu cropped edib, Commonsa əlavə edə bilərsiniz ? Məqalə üçün lazımdır. Grenzsoldat 10:36, 10 avqust 2022 (UTC)

Salam. @Grenzsoldat, buyurun. - Dr.Wiki54 (müzakirə) 11:02, 10 avqust 2022 (UTC)

Sizin üçün bir ulduz!

  Qraf Ulduzu
Hörmətli həmkar Vikipediyada əvəz olunmaz töhvələrinizə və fəaliyyətinizə görə sizə öz təşəkkürümü bildirirəm və yeni yaratdığım Qraf ulduzunu sizə təqdim edirəm. Fəaliyyətinizdə uğurlar arzu edirəm. -- ⟨Qraf⟩061   (müzakirə) 11:16, 10 avqust 2022 (UTC)
@Qraf061 təşəkkür. - Dr.Wiki54 (müzakirə) 11:23, 10 avqust 2022 (UTC)

Redaktələrin silinməsi

Salam. 2022-ci ildə Azərbaycan adlı məqaləyə edilən redaktələrini silməyin. — Bu imzasız yazı 5.197.200.91 () tərəfindən əlavə edilib;

salam. Qeyri ensiklopedik əlavələr etməyin. - Dr.Wiki54 (müzakirə) 13:05, 11 avqust 2022 (UTC)

Gmailə məktub

Salam, həmkar. Necəsiniz, yaxşı olasınız. Mən Sevindik Nəsiboğluyam. Kompüterimi bir həftə olar dəyişdirmişəm, parolumu da unutmuşam təəssüf ki. Mənim gmailimə məktub yollaya bilərsiniz ki, yeni parol əldə edim? Təşəkkürlər. - İstifadəçi:Sevindiknesiboglu2008 (müzakirə) 13:29, 11 avqust 2022 (UTC)

@Sevindiknesiboglu2008. Salam bunun üçün vikipediya səhifənizi açıb "Parolumu unutmuşam" bölməsinə istifadəçi adınızı və emailinizi yazaraq parol əldə edə bilərsiniz. - Dr.Wiki54 (müzakirə) 14:53, 11 avqust 2022 (UTC)
Bunları elədim. İndi mənə kimsə gmaildən mesaj atacaq? Keçən dəfə atmışdılar, sonra yenidən qoşula bildim, ona görə deyirəm. Ya da Siz zəhmət olmasa mənim gmailimə mesaj göndərə bilərsinizmi? Təşəkkürlər. - İstifadəçi:Sevindiknesiboglu2008 16:55, 12 avqust 2022 (UTC) 212.47.143.246 16:55, 12 avqust 2022 (UTC)
@Sevindiknesiboglu2008, gmailinizi yazın. - Dr.Wiki54 (müzakirə) 17:09, 12 avqust 2022 (UTC)
Gmailim budur: sevinesiboglu@gmail.com. Mümkünsə məni vikipediyaya qaytarın. - 212.47.141.211 14:06, 13 avqust 2022 (UTC)
Email adresinizi yoxlayın. Mümkünsə "spam" qutusunu da. - Dr.Wiki54 (müzakirə) 14:39, 13 avqust 2022 (UTC)
Təəssüf ki, e-mailimə və gmailimə gəlməyib mesaj. 212.47.142.121 12:07, 14 avqust 2022 (UTC)
Yenə yoxlayın. - Dr.Wiki54 (müzakirə) 15:23, 17 avqust 2022 (UTC)

Cropped

Salam. Bu fotonun sağ hissəsini cropped edə bilərsiniz ? Bu hissədə vizual olaraq pis görünür. Mehriban Əliyeva və ondan sağında olanları cropped edə bilərsiniz ? Grenzsoldat 15:18, 17 avqust 2022 (UTC)

Salam. Buyurun Kateqoriyalara siz baxarsınız amma, idmançıları tanımıram yaxşı :( - Dr.Wiki54 (müzakirə) 15:23, 17 avqust 2022 (UTC)
Çox sağolun, əla alınıb. Amma Xetaq Qazyumovu yarı bölmüsünüz. Bizə isə elə o, lazımdır. Biraz daha sağa olar ? :-D Grenzsoldat 19:00, 17 avqust 2022 (UTC)
@Grenzsoldat Diqqətsizlik etmişəm :D həll etdim. - Dr.Wiki54 (müzakirə) 20:42, 17 avqust 2022 (UTC)

Fayl

Salam, həmkar. Bu faylın adına düzəliş edə bilərsinizmi? Fayl commonsda imiş, bildiyim qədəriylə də sizdə bu səlahiyyət var. Məqalənin adına uyğun olaraq "Faiq Ağayev" adlandırın, zəhmət olmasa. Hörmətlə, dancewithdevil (müzakirə) 09:21, 20 avqust 2022 (UTC)

@Dancewithdevil, salam. Şəxsin birdən çix şəkli yüklənə bilər deyə il əlavəsi də etdim ada. - Dr.Wiki54 (müzakirə) 09:25, 20 avqust 2022 (UTC)
Anladım, ancaq məncə, ilə gərək yoxdur. Şəkil məqalə üçün istifadə olunan əsas şəkildir (şablondakı şəkil). Belə olanda çox vaxt il və s. qeyd edilmir. Hörmətlə, dancewithdevil (müzakirə) 09:29, 20 avqust 2022 (UTC)
@Dancewithdevil, elə bir qayda və ya ənənə yoxdur. Uğurlar. - Dr.Wiki54 (müzakirə) 09:30, 20 avqust 2022 (UTC)
Yox deyirsiniz, var axı. Dəfələrlə şahidi olmuşam. Yenə də siz bilərsiniz, sağ olun, sizə də. Hörmətlə, dancewithdevil (müzakirə) 09:36, 20 avqust 2022 (UTC)
Mən elə bir şey deməmişəm. Şəkillər haqda nə qədər konkret adlandırma olsa o qədər yaxşıdır. Faiq Ağayevin vikianbarda 5 azad şəkli var. Daha dəqiq adlandırılması daha məqsədəuyğundur. - Dr.Wiki54 (müzakirə) 09:38, 20 avqust 2022 (UTC)

Cropped

Salam. Zəhmət deyilsə bu fotoda Lorenso Sotomayoru cropped edə bilərsiniz ? Fotoda yumruqlarıda görünsə, əla olardı. :-D Grenzsoldat 15:00, 29 avqust 2022 (UTC)

Salam buyurun. hazırdır Dr.Wiki54 (müzakirə) 15:03, 29 avqust 2022 (UTC)
Əladır. Bəyəndim. Çox sağolun. Grenzsoldat 15:12, 29 avqust 2022 (UTC)
Xoşdur, buyurun @Grenzsoldat :) - Dr.Wiki54 (müzakirə) 15:14, 29 avqust 2022 (UTC)

Cropped

Salam. Bu fotoda Ağacan müəllimi cropped edə bilərsiniz ? Lorenso Sotomayor məqaləsi üçün lazımdır. :-D Grenzsoldat 16:22, 29 avqust 2022 (UTC)

Yenə salam. Lap öz məqaləsi üçün də idealdır. Buyurun. - Dr.Wiki54 (müzakirə) 16:48, 29 avqust 2022 (UTC)
Çox sağolun. Əladır. Məqalədə ideal görünür. Grenzsoldat 17:24, 29 avqust 2022 (UTC)
@Grenzsoldat, xoşdur, buyurun :) - Dr.Wiki54 (müzakirə) 17:25, 29 avqust 2022 (UTC)

Sual

Salam. Bir sualım olacaq. Redaktə sayını göstərən, yəni hər dəfə yeniləməli olmadığım bir şablon tipi var mı ? Keçid olsa da, olar. Şablonu özüm düzəldərəm. Grenzsoldat 18:50, 4 sentyabr 2022 (UTC)

Sizin üçün bir ulduz!

  Çalışqanlıq ulduzu
Son 2 il ərzində Azərbaycan dilli Vikipediyada bütün sahələr üzrə fəaliyyətiniz təqdirə layiqdir. Həm məqalələrin hazırlanmasın da, həm də vandalizma qarşı mübarizə də, xüsusilə də q/e məqalələrin silinməsində göstərdiyiniz fəallığa görə sizə "Çalışqanlıq" ulduzunu təqdim edirəm. Növbəti günlərdə əvvəl göstərdiyiniz fəal fəaliyyəti bərpa edəcəyinizə ümidvaram :-D Uğurlar. Grenzsoldat 20:10, 7 sentyabr 2022 (UTC)
Salam, Grenzsoldat, xoş sözlərə görə minnətdaram. Gecikmiş cavab üçün üzrlü sayın :) - Dr.Wiki54 (müzakirə) 19:19, 24 sentyabr 2022 (UTC)

Qarabağ xanlığının bayrağı

Salam bəy zəhmət olmasa bu məqalədə keçidlərdə arxivləşdirmə edə bilərsiz? Siz həmişə botla edirdiz. Turkmen müzakirə13:53, 24 sentyabr 2022 (UTC)

@Turkmen bəy, salam! Nəsə yoxladım alınmadı. Rahat vaxtı yenə baxaram. - Dr.Wiki54 (müzakirə) 19:21, 24 sentyabr 2022 (UTC)
Təşəkkürlər. Turkmen müzakirə07:43, 25 sentyabr 2022 (UTC)
@TurkmenDr.Wiki54 (müzakirə) 22:32, 26 sentyabr 2022 (UTC)

Siyasi partiyalar

Salam.

Niyə Azərbaycan partiyaların məqalələrində, siyasi partiya şablonunda, partiyaların ideologiyaları və siyasi meylləri yazmır?

Lakin ideologiyalar və siyasi meyllər partiyaların ən mühüm elementləridir.

Hörmətlə, 31.200.19.222 14:25, 27 oktyabr 2022 (UTC)

Salam. Rəsmi nizamnamələri, məramnamələri əldə edə bilmədiyimiz üçün dəqiq olmayan məlumatlar əlavə edilmir. Çox az sayda partiyanın rəsmi mənbələrində belə məlumatlar var. - Dr.Wiki54 (müzakirə) 18:13, 27 oktyabr 2022 (UTC)
İzahınız üçün təşəkkür edirəm. Bəli, bu barədə haqlısınız. İnternetdə partiyaların ideologiyaları haqqında məlumat tapmaq çətindir. 31.200.18.89 18:39, 27 oktyabr 2022 (UTC)
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023