Üstüpü (əvvəlki adı: Ustupu) — Azərbaycan Respublikası Naxçıvan Muxtar Respublikasının Ordubad rayonunda kənd. Azərbaycan Respublikası Milli Məclisinin 1 mart 2003-cü il tarixli, 423-IIQ saylı Qərarı ilə Naxçıvan Muxtar Respublikasının Ordubad rayonunun Çənnəb kənd inzibati ərazi dairəsi tərkibindəki Ustupu kəndi Üstüpü kəndi adlandırılmış, Çənnəb kənd inzibati ərazi dairəsinin mərkəzi Çənnəb kəndindən Üstüpü kəndinə keçirilmiş, Çənnəb kənd inzibati ərazi dairəsi Üstüpü kənd inzibati ərazi dairəsi adlandırılmışdır.
| Üstüpü | |
|---|---|
 | |
| 39°01′34″ şm. e. 45°54′32″ ş. u. | |
| Ölkə | |
| Tarixi və coğrafiyası | |
| Saat qurşağı | |
|
| |
Tarixi
Toponimikası
Dağ ətəyindədir. Yerli əhali kəndin adını Üstüpü kimi tələffüz edir. Yaşayış məntəqəsi kimi hələ səfəvilər dövründən (XVI əsr) məlumdur. Yerli əhalinin məlumatına görə kəndin üst tərəfində pir olduğuna görə kənd Üstüpir adlandırılmış sonralar oykonim bir qədər dəyişilmişdir. Azərbaycan dilinin qərb qrupu dialektində ustupulu/ustuflu/ustublu "səliqəli, abad" mənalarında işlənir.Güman etmək olar ki, kəndin adı elə bu məna ilə bağlıdır. 2003- cü ildən kəndin adı Üstüpü kimi rəsmiləşdirilmişdir.
Coğrafiyası və iqlimi
Rayon mərkəzindən 36 km şimal-qərbdədir. Çənnəb və Məzrə kəndləri ilə qonşudur.
Əhalisi
Əhalisi 1281 nəfərdir. (2009-cu il)
Tanınmış şəxsləri
- Fərəc Quliyev — İctimai-siyasi xadim, istiqlalçı deputat, Azərbaycan Respublikası Milli Məclisinin dördüncü və beşinci çağırış deputatı; Milli Dirçəliş Hərəkatı Partiyasının lideri. Keçmiş döyüşçü; Azərbaycan Yazıçılar Birliyinin üzvü.
İqtisadiyyatı
Əhalisi , əkinçilik, heyvandarlıq və arıçılıqla məşğuldur.
Mədəniyyəti
Orta məktəbi, uşaq bağçası, klubu, kitabxanası var.
İstinadlar
- Azərbaycan Respublikasının inzibati - ərazi bölgüsü. Məlumat toplusu. Bakı – 2013. 488 səh.
- . 2022-03-26 tarixində . İstifadə tarixi: 2022-06-29.
- "Azərbaycan toponimlərinin ensiklopedik lüğəti". İki cilddə. I cild. Bakı, "Şərq-Qərb", 2007.
- Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629
- . 2010-09-26 tarixində arxivləşdirilib. İstifadə tarixi: 2009-10-03.