Ölülər — Bəstəkar Vasif Adıgözəlovun görkəmli dramaturq Cəlil Məmmədquluzadənin eynadlı əsəri əsasında yaratdığı dördpərdəli opera. Operanın libretto müəllifləri Firudin Mehdiyev və Cahid Hilaloğlu (şeirlər Aslan Aslanovun), musiqi rəhbəri və dirijor Niyazi, rejissor Şəmsi Bədəlbəyli idi. Əsər 1963-cü ildə M. F. Axundov adına Azərbaycan Dövlət Opera və Balet Teatrının səhnəsində tamaşaya qoyuldu.