Vikipediya ?

Zəka Vilayətoğlu

Allahverdiyev Zəka Vilayət oğlu (Zəka Vilayətoğlu) — Azərbaycanlı yazıçı-nasir, şair, müğənni, melodist, Azərbaycan Yazıçılar Birliyinin üzvü (2002).

ZƏKA VİLAYƏTOĞLU
Zəka Vilayət oğlu Allahverdiyev
Fotoqrafiya
İlk adı Zəka Vilayət oğlu Allahverdiyev
Təxəllüsü Zəka Vilayətoğlu
Doğum tarixi 17 noyabr 1971 (1971-11-17) (47 yaş)
Doğum yeri Arabaçı kəndi, Gədəbəy rayonu Flag of the Azerbaijan Soviet Socialist Republic.svg Azərbaycan SSR,
Atası Allahverdiyev Vilayət
Anası Allahverdiyeva Pərvaz
Həyat yoldaşı Allahverdiyeva Təranə
Uşağı Əli
Toğrul
Vətəndaşlığı Flag of Azerbaijan.svg Azərbaycan
Milliyyəti azərbaycanlı
İxtisası Təşkilatçı-metodist
Təhsili
Fəaliyyəti yazıçı
Əsərlərinin dili azərbaycanca
Janr roman, hekayə
İlk əsəri "Keçi südü" (hekayə), 1994

Mündəricat

Həyatı

Zəka Vilayətoğlu 1971 - ci ildə Gədəbəy rayonunun Arabaçı kəndində ziyalı ailəsində doğulmuşdur. Arabaçı kənd orta məktəbini və Əlibəy Hüseynzadə adına Azərbaycan Dövlət Mədəniyyət və İncəsənət Universitetini bitirmişdir.

Bədii yaradıcılığa orta məktəbdə oxuduğu illərdən başlayan Zəka Vilayətoğlunun hekayələri, "Ulduz", "Azərbaycan", "Çıraq", "Ulu Xudafərin" jurnallarında, "Ədəbiyyat", "Ədalət", "Kaspi", "Azərbaycan" və bu kimi bir sıra mətbuu orqanlarda dərc olunmuşdur.

2004-2007 - ci illərdə aylıq nəşr olunan ədəbi, ictimai, tarixi jurnal olan "Ulu Xudafərin" jurnalının şöbə müdiri vəzifəsində çalışmışdır.

2013-cü ildə "Persona.az" adlı ictimai, ədəbi-bədii portal yaratmışdır. Portalın dörd illik fəaliyyəti dövründə maraqlı layihələrə imza atmış, "Qarabağ Müharibəsi Mövzusunda Ən Yaxşı Hekayə" müsabiqəsi keçirmiş, I, II və III nominasiyalar üzrə qaliblər pulla mükafatlandırılmışdır. Portalın bir illiyi münasibətilə, il ərzində portalda yer almış ən yaxşı bədii və tərcümə nümunələrindən ibarət kitab nəşr etdirmişdir. Beləliklə, bir sıra gənc yazarların yaradıcılığının təbliğinə, oxucu auditoriyasında tanınmasına çalışmışdır. Bir ədəbi-bədii sayt olaraq, "Persona.az", Türkiyə Cümhuriyyəti, Malatya şəhərində, İnönü Universiteti tələbələriylə Azərbaycanın tanınmış yazarlarıyla görüşünün və Azərbaycan Ədəbiyyatı Gecəsinin təşkilində önəmli rol oynamışdır.

Zəka Vilayətoğlu "Şah ölüm" (2000 -ci ildə kiril əlifbasıyla ilk nəşr, 2010-da latın qrafikasıyla təkrar nəşr), "Küsmüş Ay" (2002) "Güllələnmiş qaranlıqlar" (2010), "Milena"(2013) adlı nəsr, "Sənə bir söz deyəcəm..." (2019) şeir kitablarının müəllifidir. O, həmçinin tanınmış müğənni və bəstəkardır. Musiqi fəaliyyətinə də erkən yaşlarından başlamışdır. Onlarla, yaddaqalan, gözəl mahnılar bəstələmişdir. Özünəməxsus ifa tərzi ilə seçilən müğənni, bir sıra xalqların (fransız, ərəb, fars, italyan) mahnılarını da yüksək peşəkarlıqla ifa etmişdir.

Zəka Vilayətoğlu 2019 - cu ildə Prezident təqaüdünə layiq görülmüşdür.

Ailəsi

Ailəlidir, iki oğlu var.

Əsərləri

  • 1. Şah ölüm. Bakı: "Şərq-Qərb" nəşriyyatı
  • 2. Küsmüş ay. Bakı: "Adiloğlu" nəşriyyatı
  • 3. Daş qəfəsə salınmış şərqiçi(povest)
  • 4. Güllələnmiş qaranlıqlar. "VƏTƏN" nəşriyyatı 2010
  • 5. Dağdağan ağacı (povest)
  • 7. Nurkazımın Leylası(povest)
  • 8. Keçi südü (hekayə)
  • 9. Təzələşən dünya (hekayə)
  • 10.Moskva axşamları(hekayə)
  • 11.Şəki pitisi(hekayə)
  • 12.Qoca tutun qisası(hekayə)
  • 13.Meşin çanta(hekayə)
  • 14.Bir küpə bal(hekayə)
  • 15. Mütərcimin etirafı(hekayə)
  • 16.Gürcü qızı Maiko(hekayə)
  • 17. "Şah ölüm", təkrar nəşr "VƏTƏN" nəşriyyatı, 2010
  • 18. "Milena", "Araz" nəşriyyatı, 2013
  • 19. "Sənə bir söz deyəcəm..." "Araz" nəşriyyatı, 2019

İstinadlar

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2oo4-2o18