Vikipediya ?

Yuxu (musiqi qrupu)

YuxuSumqayıt şəhərində yaranmış Azərbaycan rok qruplarından biri. 1988-2001-ci illərdə AzərbaycanTürkiyədə fəaliyyət göstərmişdir.

Yuxu
Yuxu (qrup).jpg
Əsas məlumatlar
Üslub heavy metal
hard-rok
folk rok
blüz
Fəaliyyət illəri 19882001
Ölkə Flag of the Soviet Union.svg SSRİ
Flag of Azerbaijan.svg Azərbaycan
Şəhər Sumqayıt
Dil Azərbaycan dili
Keçmiş üzvlər İbrahim Emin (ex Sirr)
Namiq Nağdəliyev
Cəsur Nemətov
Çingiz Eyvazov
Zaur Abdullayev

Mündəricat

Qrupun tarixi

Yuxu qrupu 1988-ci ildə qrupun bass-gitaristi İbrahim Emin tərəfindən Sumqayıt şəhərində yaradılıb. Daha sonra isə qrupa Namiq Nağdəliyev qoşulub. Qrupunun tarixi 1986-87-ci illərdən başlayır.

Qrupun ilk çıxışı 1987-ci ildə Sumqayıt şəhərində - "Kimyaçı" Mədəniyyət Sarayında baş tutub. 1989-cu ildə keçirilən ”Qızıl payız” festivalında isə qalib olub.

"Qızıl Payız" festivalının dinləyiciləri arasında olan Fransadan gəlmiş xanım menecer qrupa Fransada həm albom buraxmağı, həm də konsertlər verməyi təklif edərək kömək edəcəyini vəd edir. Qrup albom buraxmaq üçün öncə Türkiyəyə gedir və musiqi firmalarının birində ilk albomlarını buraxır. Sonra həmin menecer xanım qrupu aparmaq üçün Fransadan Türkiyəyə gələrək albomu buraxan firma ilə də razılıq əldə edir. Daha sonra sənədləri toplayıb Fransaya qayıdaraq qrupun Fransada konsertlər verməsi, orada qala bilməsi üçün əlindən gələn köməyi göstərir. Bütün bunlara, baxmayaraq qrupun Fransaya getməsi heç cür mümkün olmur. Buna səbəb Azərbaycandan qrupa Fransada müvəqqəti yaşamaq üçün lazım olan icazə sənədlərini verilməməsidir. Bundan sonra qrup Türkiyədə qalıb çalışmaq qərarına gəlir.

Qrupun hava limanında pullarının, biletlərinin oğurlanması barədə deyilənlər uydurmadır.

Üzvləri

  • İbrahim Emin - bass gitara (1988-2001)
  • Cəsur Nemətov - vokal (1988-1998)
  • Namiq Nağdəliyev - gitara (1988-2001)
  • Çingiz Eyvazov - zərb alətləri (1988-2001)
  • Zaur Abdullayev - vokal (1998-2001)

Fəaliyyətləri

Qrup Türkiyədə olduğu müddətdə 3 albom buraxmışdır; "Xəzərin Sahilində" (1993), "Sumqayıt" (1994), "Ölümə çarə yox" (2001). Bundan başqa qrup 1993-cü ilin 10 oktyabrında keçirilən "Atom Sentralına Qarşı Türkcə Rok Festivalı"nın iştirakçısı olmuşdur.

Albomları

Xəzərin sahilində

(1993)

  • 1.Məni Sənsən Düşündürən
  • 2.Şər
  • 3.Al Özünü Ələ
  • 4.Eşit, Ey Düşmən
  • 5.İstanbul
  • 6.Xəzərin Sahilində
  • 7.Papaq
  • 8.Üzbəüz
  • 9.Ala Gözlü Yar
  • 10.Döngə (Vokalda İbrahim Emin)

Sumqayıt

(1994)

  • 1.Bayatı Şiraz
  • 2.Sumqayıt
  • 3.Dünya Dəyişmir
  • 4.Xəyalpərəst
  • 5.Oyan Yuxudan
  • 6.Çayçıda
  • 7.Aldatdın Məni Sən
  • 8.Qul və Şah
  • 9.Sev Bu Dünyanı
  • 10.Yolçu

Ölümə çarə yox

(2001)

  • 1.Bəd
  • 2.Qonşu Qız
  • 3.Ölümə Çarə Yox
  • 4.Canlı Meyit
  • 5.İblis
  • 6.Sirr
  • 7.Ulu Tanrım
  • 8.Hey Qız
  • 9.Səbinə
  • 10.Qaradəniz Türküsü

Hazırkı fəaliyyəti

Qrup fəaliyyətini dayandırdıqdan sonra Çingiz Eyvazov öncə Türkiyədə, sonradan isə Bakıda tatuirovka sənəti ilə məşğul olur. Namiq Nağdəliyev Türkiyədə qaldı. O, bu gün Türkiyədə ad-san qazanıb. Kıraç, Funda Arar, Haluk Levent, Barış Akarsu və başqa rokerlərlə işləmiş, onların musiqilərini bəstələyib ifa etmişdir. Kıraçın "Dizi" adlanan kino seriallarında oxuduğu musiqilərin çoxunun bəstəkarı və gitara ifaçısıdır. "Bir İstanbul masalı" kino serialının beş mahnısı Namiqə aiddir. Bunlardan ən uğurlusu: "Pırıltı", "Göz yaşı", "Cığlık" kimi bəstələrdir.

Bassist İbrahim Eminov 2004-cü ildə Sumqayıtda Sirr qrupunu qurdu. 2019-cu il 2 iyulda vəfat etmişdir. Cəsur Nemətov isə Moskvadadır.

Xarici keçidlər

Həmçinin bax

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2oo4-2o18