Vikipediya ?

Mehri Məmmədova

Mehri Qafar qızı Məmmədova- şöbəsinin müdiri, filologiya üzrə fəlsəfə doktoru, dosent.

Mehri Məmmədova
Mehri Qafar qızı Abutalıbova
Mehri Məmmədova (2).jpg
Doğum tarixi 17 dekabr 1935 (1935-12-17) (83 yaş)
Doğum yeri Ordubad, Naxçıvan MR
Milliyyəti Flag of Azerbaijan.svg azərbaycanlı
Elm sahəsi Şərqşünas
İş yeri M.Füzuli adına Əlyazmalar İnstitutu
Elmi dərəcəsi filologiya üzrə fəlsəfə doktoru
Elmi adı Dosent
Atası Abutalıbov Qafar
Anası Abutalıbova Fatma
Mükafatları


Tərəqqi medalı

"Tərəqqi" medalı“Tərəqqi” medalı (2005)

Mündəricat

Həyatı

Mehri Məmmədova 17 dekabr 1935-ci ildə Naxçıvan Muxtar Respublikası Ordubad şəhərində anadan olmuşdur.

1953-cü ildə Ordubad şəhər 1№li orta məktəbini, 1961-ci ildə isə S.M.Kirov adına ADU-nun (indiki Bakı Dövlət Universiteti) Şərqşünaslıq fakültəsi “Azərbaycan dili və fars ədəbiyyatı müəllimi” ixtisası ilə bitirmişdir.

Universitetin göndərişi ilə 1 sentyabr 1961-ci ildən  AMEA Məhəmməd Füzuli adına Əlyazmalar İnstitutunda kiçik elmi işçi, baş elmi işçi və hal hazırda şöbə müdiri vəzifəsində fəaliyyət göstərir.

1993-cü ilin mart ayından Yeni Azərbaycan Partiyasının üzvüdür.

YAP Respublika Qadınlar Şurasının müavini, YAP Binəqədi Rayon Qadınlar Şurasının sədri kimi fəaliyyət göstərmişdir. (1994-2010-cu illər)

YAP Binəqədi Təşkilatı tərəfindən Binəqədi rayonunun 8-ci dairəsində Bələdiyyə seçkilərinə qatılmış və Binəqədi Rayonu, Binəqədi Bələdiyyəsinə üzv seçilmişdir (17 dekabr 2004-cü il).

Azərbaycan Qadınlar Qurultayları, Yeni Azərbaycan Partiyasının I, II, III və IV Qurultayının (1999, 2003, 2005, 2008) və Dünya Azərbaycanlılarının I Qurultayının iştirakçısı olmuşdur.

AMEA Məhəmməd Füzuli adına Əlyazmalar İnstitutunun ictimai-siyasi həyatında fəal iştirak etmişdir. Hazırda İnstitutun Veteranlar şurasının sədri kimi fəaliyyət göstərir.

Ailəlidir. 2 övladı var.

Elmi fəaliyyəti

Fars dili və klassik Azərbaycan ədəbiyyatının tədqiqatçısı olaraq, 1974-cü ildə XVIII yüzilliyin tanınmış ədəbiyyatşünas alimi, məşhur “Atəşkədə” təzkirəsinin müəllifi, lirik şeirlər ustadı Lütfəli bəy Azər Bəydilinin həyat və yaradıcılığını açıqlayan “Lütfəli bəy Azər Bəydilinin həyat və yaradıcılığı” mövzusunda namizədlik dissertasiyasını müdafiə edərək, filologiya elmləri namizədi alimlik dərəcəsi adını almışdır.

Elmi axtarışlarını Nizami Gəncəvi yaradıcılığı üzərində davam etdirir. Nizaminin “Yeddi gözəl” poeaması və Yaxın Şərq ədəbiyyatı monoqrafiyası üzərində işləyir.  Mövzu ilə bağlı “Yeddi gözəl kitabı” adlı kitab və onlarla məqaləsi çıxmışdır.

Dəfələrlə Bakı, Gəncə, Naxçıvan şəhərlərində keçirilən konfranslarda iştirak etmiş, eləcə də Moskva, Daşkənd, Tehran, Təbriz və İstanbul şəhərlərində elmi ezamiyyətlərdə olmuşdur.  2005-ci ilin martında İİR Təbriz Milli kitabxanasına ezam olunduğu zaman, orada Hacı Hüseyn Naxçıvaninin əlyazma  kolleksiyasında mövcud olan əlyazmaları içərisində qədimiliyi baxımından  dünyada 2-ci nüsxə olan Nizami “Xəmsə”sini müəyyənləşdirmişdir. Nüsxə haqqında mətbuatımızda və İİR-in Tehran şəhərində keçirilən Ümumdünya İranşünaslıq konqresində məruzə etmiş və yeni tapıntı nizamişünas alimlər tərəfindən yüksək qiymətləndirilmişdir.

100 elmi, elmi publisist, ictimai-siyasi məqalənin, 13 kitabın müəllifidir. Onlardan biri əlyazma kataloqudur.

Rus, türk, fars dillərini bilir.

Kitabları

  • Mir Möhsün Nəvvab. Nəsihətnamə. Fars dilində və azərbaycan dilinə tərcüməsi ilə. Bakı, Yazıçı, 1987.
  • Nizami “Yeddi gözəl kitabı”. Azərnəşr 1991.
  • Каталог персидских рукописей. I том. Həmmüəllif, ön sözün müəllifi, buraxılışda məsul. Bakı, Örnək, 1994-cü il.
  • Lütfəli bəy Azər və Azərbaycan ədəbiyyatı. Bakı, Örnək, 2001.
  • Müslüm Maqomayev arxivinin təsviri. Bakı, Nurlan, 2005.
  • Əzim Əzimzadə. Bakı. Nurlan, 2006.
  • Həsən bəy Zərdabinin biblioqrafiyası və epistolyar irsi. Bakı, Nurlan, 2006.
  • Səməd Vurğun arxivinin təsviri. Bakı, Nurlan, 2010.
  • N.Nərimanov arxivinin təsviri. Bakı, Elm və təhsil. 2012.
  • Ə.Haqverdiyev arxivinin təsviri. Bakı, Elm və təhsil, 2012.
  • M.F.Axundov arxivinin təsviri. Elm və təhsil, 2012.
  • N.B.Vəzirov. “Palıd” elmi əsəri. Transfoneliterasiya ilə M.Məmmədova. Bakı, Elm və təhsil, 2013.
  • M.S.Ordubadi arxivinin izahlı təsviri. Bakı, Elm və təhsil, 2015.

Mükafatları

  1.  14 dekabr 2005-ci il-Azərbaycan Respublikasının “Tərəqqi” medalı.
  2. Akademiya Birləşmiş Veteranlar Şurası tərəfindən “Hərbi vətənpərvərlik, xeyirxahlıq, dövlətçilik, daxili və xarici düşmənlərə qarşı barışmaz mübarizədə fəal iştirakına görə medalı”.
  3. İctimai-siyasi fəaliyyətinə görə YAP Binəqədi Rayon Təşkilatı tərəfindən müxtəlif dövrlərdə Fəxri Fərmanlarla təltif olunmuşdur. (5 Fəxri Fərman ).

İstinadlar

  1. Məhsəti şairlər məclisinin almanaxı. I kitab. “Adiloğlu”. Bakı-2002.
  2. XX əsr Azərbaycan qadınları. Ensiklopedik toplu.  2001-ci il.
  3. Azərbaycan ziyalıları. II hissə. “Bayramoğlu”, Bakı-2011.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2oo4-2o18