Martin Keloq (ing. Martin Kellogg; 15 mart 1828 – 26 avqust 1903, Berkli, Kaliforniya) — Amerikan teoloq, müəllim və akademik idarəçi;[1] Kaliforniya Universitetinin 7-ci prezidenti[2] (1890–1893 (icraçı); 1893–1899)
| Martin Keloq | |
|---|---|
| Doğum tarixi | 15 mart 1828 |
| Vəfat tarixi | 26 avqust 1903 (75 yaşında) |
| Vəfat yeri | |
| Təhsili | |
| Fəaliyyəti | klassik filoloq[d], universitet müəllimi[d] |
15 mart 1828-ci ildə Konnektikut ştatının Vernon şəhərində Eliza Vayt (White) və Elin Keloq (Allyn Kellogg) cütünün ailəsində doğulmuşdur.[2]
O, 1850-ci ildə Yel Universitetini bitirərək, həmin ilin valediktorianı olmuşdur.[2]
O, əvvəlcə Konqreqatsional Kilsəsində misyoner olaraq təyin olunmuş və 1855-ci ildə Kaliforniyanın Şasta şəhərində pastorluq etməyə başlamışdır. Sonra 1857–1860-ci illərdə Qras-Validə (Grass Valley), 1861-ci ildən isə Oklend şəhərində pastorluq etmişdir.
Keloq Kaliforniya Kollecinin fakültəsinə qoşulmuş və bu kollecin vəzifələrinin dövlətə verilməsi ilə Kaliforniya Universiteti qurulanda, bu universitetə keçən yeganə fakültə üzvü olmuşdur.
1 sentyabr 1868-ci ildə Kaliforniya Universitetinin Akademik Senatının ilk üzvü olmuşdur. 1890–1893-cü illərdə həmin universitetdə prezident səlahiyyətlərinin icraçısı, 1893–1899-cu illərdə isə universitetin 7-ci prezidenti olmuşdur.
O, həmçinin Berklidə Təhsil Şurasının üzvü olmuş və iki dəfə Kaliforniya Ümumi Assosiasiyasının moderatoru kimi fəaliyyət göstərmişdir. Həmçinin, Berklidəki Birinci Konqreqatsional Kilsəsinin idarə heyətində də yer almışdır.
Martin Keloq Kaliforniya Universitetinin qurulmasında əsas fiqurlardan biri olmuşdur və Kaliforniyada klassik dillərin inkişafında mühüm rol oynamışdır. O, 1855-ci ildə Kaliforniyaya kiçik bir kilsənin pastoru olaraq gəlib və altı il ərzində Berklidəki Kaliforniya Kollecində dərs verməyə başlamışdır.
Kollec 1869-cu ildə Kaliforniya Universitetinə çevrildikdə, Keloq onun II professoru olaraq təyin edilmiş və 1872-ci ilə qədər bütün Yunan və Latın dili dərslərini tədris etmişdir; bundan sonra isə Latın dili və dilçilik üzrə ixtisaslaşmışdır.
Keloq universitetin prezidenti olarkən də dərs verməyə davam etmişdir. Lakin ofis vəzifələri buna mane olmuşdur. O, Bencamin Ayd Vilırın (Benjamin Ide Wheeler) prezident olaraq onu əvəz etməsindən sonra da dərs deməyə davam etmiş və emeritus olduqdan sonra belə, mütəmadi olaraq dərslər keçmişdir.
Keloqun övladlığa götürdüyü qızı Eni Dey Keloqun (Annie Day Kellogg) 1903-cü ilin aprelində intihar etməsi bir neçə ay sonra onun özünün ölümünə səbəb olmuşdur.[3]
26 avqust 1903-cü ildə San-Fransiskodakı Voldek (Waldeck) Sanatoriyasında vəfat etmişdir.[1]
- ↑ 1 2 "Former President Martin Kellogg Has Passed Away". Berkeley Gazette. August 26, 1903. 1. İstifadə tarixi: 2024-12-18 – Newspapers.com vasitəsilə.
- ↑ 1 2 3 Bacon, Thomas R. Martin Kellogg, Y.C. '50 // The Yale Alumni Weekly (ingilis). 1904 – Google Books vasitəsilə.
- ↑ "Miss Kellogg's Funeral". San Francisco Call. 93. April 6, 1903. 34 – California Digital Newspaper Collection vasitəsilə.