Ağdamskaya Kamilə Əhməd qızı - müəllimə.
KAMİLƏ AĞDAMSKAYA | |
---|---|
![]() | |
Doğum tarixi | 7 noyabr 1929 |
Doğum yeri | Ağdam, |
Vəfat tarixi | 9 noyabr 2009 (80 yaşında) |
Vəfat yeri | Bakı |
Mükafatları |
![]() |
Həyatı
Kamilə Ağdamskaya 1929-cu il noyabr ayının 7-də Ağdam rayonunda anadan olub.
1934-cü ildə ailəsi ilə birlikdə Ağdaş rayonuna köçüb. Orta təhsilini Ağdaş şəhərində S.M.Kirov adına məktəbdə alıb.
1947-ci ildə S.M.Kirov adına Azərbaycan Dövlət Universitetinin şərqşunaslıq fakultəsinə daxil olub.
1954-cü ildə həmin universiteti bitirib və Şərq biloloqu ixtisasına yiyələnib. Təyinatla Ağdaş rayonuna göndərilib, 1956-cı ilə qədər Ağdaş rayon Pedaqoji texnikomda və 3 saylı orta məktəbdə Azərbaycan dili və ədəbiyyat fənnlərini tədris edib.
1957-ci ildə (Yunis Vəlibəyovla) ailə həyatı qurub və ailə vəziyyəti ilə əlaqədar Sumqayıt şəhərinə köçüb.
Əmək fəaliyyətində bir-neçə illik fasilədən sonra 1964-cü ildən 1 saylı indiki İsmət Qayıbov adına orta məktəbdə Azərbaycan dili və ədəbiyyat fənnlərini tədris edib. İşlədiyi müddətdə bir sira medallar və fəxri adlara layiq bilinib, 1978 və 1987-ci illərdə Müəllimlərin Qurultayına nümayəndə seçilib.
1985-ci ildə Baş Müəllim adı alıb.
Kamilə Ağdamskaya 9 noyabr 2009-cu ildə Bakıda vəfat edib.
Mükafatları
- Əmək Veteranı medalı (1984)
- Azərbaycan Xalq Maarif əlaçısı döş nişanı (1985)
Mənbə
- Ənvər Çingizoğlu, Bədəlbəylilər (Miriyevlər), "Soy" еlmi-kütləvi dərgi, 2009, №5, səh.34-48.