İlham Əliyevin Azərbaycanın dördüncü Prezidenti kimi andiçmə mərasimi — 2024-cü il, fevral ayının 14-də Azərbaycan Respublikasının Milli Məclisində keçirilmişdir.[1] Andiçmə mərasimində birinci xanım Mehriban Əliyeva, dövlət rəsmiləri, hökumətin üzvləri, Milli Məclisin deputatları iştirak ediblər. [2]
| Azərbaycan Prezidenti İlham Əliyevin 2024-cü ildə keçirilən andiçmə mərasimi | |
|---|---|
 | |
.jpg) | |
|
|
|
| Formalaşdırılma tarixi | 14 fevral, 2024 il |
| Hökumətin tərkibi | |
| Dövlət başçısı | Azərbaycan Prezidenti |
.jpg)
2024-cü il fevralın 7-də Azərbaycanda növbədənkənar Prezident seçkiləri keçirildi.[3] Bu seçkilər Qarabağın işğaldan azad olunmasından sonra keçirilən ilk Prezident seçkiləri idi və bütün ölkə ərazisində keçirilmişdir.[4] İşğaldan azad edilmiş ərazilərdə yaradılmış seçki məntəqələrində 20 min seçici səsvermədə iştirak edə bilmişdir.[5]
8 dekabr 2023-cü ildə Azərbaycan Respublikası Mərkəzi Seçki Komissiyasının iclası keçirilmişdir. İclasda növbədənkənar prezident seçkilərinin 7 fevral 2024-cü ildə keçirilməsi qərara alınmışdır.
92,12% səs toplayaraq İlham Əliyev 5-ci dəfə, 7 il müddətinə Azərbaycan Respublikasının Prezidenti seçildi. [6]
Ümumxalq səsverməsi ilə Azərbaycan Respublikasının Prezidenti seçilmiş İlham Heydər oğlu Əliyevi mərasim iştirakçıları hərarətlə qarşıladılar və andiçmə mərasimi açıq elan olundu.[2]
Silahlı Qüvvələrin əsgərləri Azərbaycan Respublikasının Dövlət Bayrağını və Azərbaycan Respublikası Prezidentinin ştandartını təntənəli marşın sədaları altında səhnəyə gətirdilər.
Azərbaycan Respublikası Konstitusiya Məhkəməsinin sədri və Konstitusiya Məhkəməsinin hakimləri səhnəyə dəvət olundular. Konstitusiya Məhkəməsinin sədri Fərhad Abdullayev çıxış etdi və bildirdi ki, Azərbaycan Respublikasının Konstitusiya Məhkəməsi 2024-cü il 13 fevral tarixli qərarı ilə növbədənkənar Azərbaycan Respublikası Prezidenti seçkilərinə dair Mərkəzi Seçki Komissiyasının nəticələrini təsdiq edərək, cənab İlham Heydər oğlu Əliyevi Azərbaycan Respublikasının Prezidenti elan etmişdir.
Azərbaycan Respublikasının Prezidenti seçilmiş cənab İlham Əliyev Azərbaycan Respublikası Konstitusiyasının 103-cü maddəsinə uyğun olaraq, Konstitusiya Məhkəməsi hakimlərinin iştirakı ilə and içməyə dəvət olunur.[2]
Azərbaycan Respublikasının Prezidenti İlham Əliyev əlini Azərbaycan Respublikası Konstitusiyasının üzərinə qoyaraq and içdi:
 |
Azərbaycan Respublikası Prezidentinin səlahiyyətlərini həyata keçirərkən Azərbaycan Respublikasının Konstitusiyasına əməl edəcəyimə, dövlətin müstəqilliyini və ərazi bütövlüyünü qoruyacağıma, xalqa ləyaqətlə xidmət edəcəyimə and içirəm! |  |
Sonra Prezident müqəddəs "Qurani-Şərif"ə əl basaraq and içdi:
|
“Qurani-Şərif”ə əl basaraq and içirəm: Azərbaycan xalqının əsrlər boyu yaratdığı milli-mənəvi dəyərlərə və ənənələrə sadiq olacağam, onları daim uca tutacağam. | |
Azərbaycan Respublikasının Dövlət Himni səsləndi.
Sonra Prezident İlham Əliyev təzim edərək, Azərbaycan Respublikasının Dövlət Bayrağını öpdü və nitq söylədi.
Prezident nitqində hərbi sənayenin inkişafı, ordu quruculuğu, sərhədlərin qorunmasının gücləndirilməsi, xarici risklərdən qorunmaq, milli birlik, azərbaycançılıq, azad edilmiş ərazilərin bərpası, məcburi köçkünlərin öz vətəninnə qaytarılması, iqtisadi və sosial sahədə inkişaf, işsizliyin aradan qaldırılması, xarici investisiyaların cəlbi, monopoliyalara qarşı mübarizə, nəqliyyat infrastrukturu, tranzit imkanlarından faydalanmaq, texnoloji və süni intellekt sahələrinin inkişafından danışıb.[7]
İlham Əliyev xarici siyasətin əsas prioriteti kimi Türk Dövlətləri Təşkilatına inteqrasiyasını göstərib.[7] Əliyev həmçinin İslam Əməkdaşlıq Təşkilatı və Qoşulmama Hərəkatı ilə əməkdaşlığın genişləndirilməsini qeyd edib.[7]
Nitqinin sonunda Prezident İlham Əliyev vurğuladı: Bu yeni dövr uğurla başlayır. Əminəm ki, uğurla da davam edəcək. Bu yolda hamımıza uğurlar, yolumuz açıq olsun!
Bununla da təntənəli andiçmə mərasimi başa çatdı.
- ↑ İlham Əliyevin andiçmə mərasimi keçirilib 14 fevral 2024
- 1 2 3 İlham Əliyevin andiçmə mərasimi keçirilib
- ↑ "Növbədənkənar Azərbaycan Respublikası Prezidenti seçkilərinin elan edilməsi haqqında Azərbaycan Respublikası Prezidentinin Sərəncamı 07 dekabr 2023". 29 dekabr 2023 tarixində arxivləşdirilib. İstifadə tarixi: 17 aprel 2025.
- ↑ Seçkilər ilk dəfə olaraq ölkəmizin bütün ərazilərində keçiriləcək - SPİKER
- ↑ Azad edilən ərazilərdə 20 min seçici var - Onlar tarixə düşəcək...
- ↑ İlham Əliyevin andiçmə mərasimi keçirilib
- 1 2 3 Azərbaycan Respublikasının Prezidenti İlham Əliyevin andiçmə mərasimi keçirilib Dövlətimizin başçısı mərasimdə nitq söyləyib