Vikipediya ?

Asif Bəkirli

Asif Bəkirli (Asif Şahnəzər oğlu Bəkirli; d. 1964, Alıkənd, Göyçay rayonu, Azərbaycan SSR, SSRİ) — SOCAR-ın Baş ofisinin İnsan Resursları Departamentinin rəisi, , "Tərəqqi" medalı, "Əməkdar mühəndis""Qızıl Qələm" mükafatı laureatı.

Asif Bəkirli
Asif Şahnəzər oğlu Bəkirli
A.Bəkirli.jpg
Doğum tarixi 1964(1964-Şablondakı doğum və ya ölüm tarixində texniki yanlışlıq var!-00)
Doğum yeri Alıkənd, Göyçay rayonu, Azərbaycan SSR, SSRİ
Atası Şahnəzər
Vətəndaşlıq Azərbaycan
İxtisası İnşaat mühəndisi
Təhsili Azərbaycan İnşaat Mühəndisləri İnstitutu
Mükafatları "Tərəqqi" medalı

"Tərəqqi" medalı
"Əməkdar mühəndis"
"Qızıl Qələm"
Commons-logo.svg Vikianbarda əlaqəli mediafayllar

Mündəricat

Həyatı

Asif Bəkirli 1964-cü ildə Göyçay rayonunun Alıkənd kəndində neftçi ailəsində anadan olmuşdur. Bakı şəhər 220 nömrəli və Göyçay şəhər 9 nömrəli orta ümüm-təhsil məktəblərində təhsil almışdır. 1981-ci ildən əmək fəaliyyətinə çilingər kimi başlamış, 1982-1984-cü illərdə Rusiya Federasiyasının Amur vilayətində həqiqi hərbi xidmətdə olmuşdur. 1984-1989-cu illərdə Azərbaycan İnşaat Mühəndisləri İnstitutunun Sənaye və mülki tikinti fakultəsində təhsil almış və oranı İnşaat mühəndisi ixtisası üzrə bitirmişdir.

Fəaliyyəti

Ali təhsilini aldıqdan sonra 1989-cu ildən etibarən ölkənin ictimai-siyasi proseslərində fəal iştirak etməklə yanaşı, gənc mütəxəssis kimi neft sənayesində layihəçi-mühəndisdən başlayaraq ardıcıl olaraq, aparıcı mühəndis, qrup rəhbəri, baş mütəxəssis, şöbə rəisi, Əməyin mühafizəsi və keyfiyyətə nəzarət xidmətinin rəisi kimi çalışmışdır. 2005–2011–ci illərdə Təlim Tədris Sertifikatlaşdırma departamentinin direktoru işləmiş, 2011-ci ildən etibarən SOCAR-ın Baş ofisinin İnsan Resursları Departamentinin rəisi kimi çalışır. 1997-ci ilin iyun ayında təsis edilmiş "Vətəndaşların Əmək Hüquqlarının Müdafiə Liqası" nin həmtəsisçisidir.

Fəaliyyəti dövründə dünyanın inkişaf etmiş bir çox ölkələrində işgüzar səfərlərdə olmuş, ölkə daxilində və xaricində ən yüksək səviyyəli mütəxəssislərin iştirakı ilə təşkil olunmuş menecmentlik, insan resurslarının idarəedilməsi, liderlik, keyfiyyət, sağlamlıq, əməyin təhlükəsizliyi, ətraf mühitin mühafizəsi idarəetmə sistemləri ilə bağlı təlim və praktiki kurslarda iştirak edərək müvafiq sertifikatlara layiq görülmüşdür. Bu sertifikatlar içərisində Avropa Keyfiyyət Təşkilatının (EQQ ) ISO keyfiyyət, OHSAS 18001 Əməyin Mühafizəsi Təhlükəsizliyi, ISO 14000 Ətraf Mühitin Mühafizəsi üzrə Beynəlxalq Auditor sertifikatları da vardır. Beynəlxalq standartların tətbiqi və insan resurslarının idarəedilməsi ilə bağlı mütəmadi olaraq mətbuat və Kütləvi İnformasiya vasitələrində çıxışlar etmiş və məqalələri dərc olunmuşdur.

“Dənizneftqaztikinti” Elmi Tədqiqat Layihə İnstitutunun aparıcı mühəndisi kimi dənizdəki bir çox layihələrin ana dilimizdə (dəniz estakadaları) işlənib hazırlanmasında, eləcə də “Xəzərdənizneftqaztikinti” trestində işlədiyi zaman ilk dəfə Beynəlxalq standartların tətbiqi (yüzlərlə mütəxəssislərə bu istiqamətdə təlim keçmişdir) və trestin xarici tenderlərdə uğurla iştirakında və Təlim, Tədris və Sertifikatlaşdırma Departamentinin direktoru olan zaman təlim-tədrisin beynəlxalq standartların tələbləri səviyyəsində təşkili üçün ISO seriyalı (ISO 9001, OHSAS 18001, ISO 14001, ISO 17025, ISO/IEC 17024 və EN 287-1) standartlar üzrə beynəlxalq sertifikatların alınmasında və həmin müəssisənin mükafatına layiq görülməsində, həmçinin İnsan Resursları Departamentinin rəisi kimi işə qəbulun tam şəffaf və müsabiqə yolu ilə həyata keçirilməsinin təmin edilməsindəki fəaliyyətinə görə Departamentin mükafatına layiq görülməsində və vətəndaş cəmiyyəti institutları ilə əməkdaşlığın təmin edilməsində xüsusi xidmətləri vardır.

Mükafatları

Azərbaycan KİVİHİ RH-nin qərarı ilə "Qızıl Qələm" media mükafatı laureatı, ilə eləcə də "XXI əsrin tanınmış ziyalısı" beynəlxalq diplomu ilə və Neft və qaz sənayesinin inkişafındakı xüsusi xidmətlərinə görə "Fəxri Fərman" ilə təltif edilmişdir.

Azərbaycan Respublikası Prezidenti cənab İlham Əliyevin “Azərbaycan Respublikasının neft sənayesi işçilərinin təltif edilməsi haqqında” 2014-cü il 19 sentyabr tarixli 734 nömrəli Sərəncamı ilə Azərbaycan neftçilərinin peşə bayramı və “Əsrin müqaviləsi”nin 20 illiyi münasibətilə ölkənin neft sənayesinin inkişafında xidmətlərinə görə "Tərəqqi" medalı ilə təltif edilmişdir.

Azərbaycan Respublikasının neft sənayesi işçilərinə “Əməkdar mühəndis” fəxri adının verilməsi haqqında Azərbaycan Respublikası Prezidentinin 19 sentyabr 2016-cı il tarixli Sərəncamına əsasən Azərbaycan neft sənayesinin inkişafında xidmətlərinə görə Asif Şahnəzər oğlu Bəkirliyə "Əməkdar mühəndis" fəxri adı verilmişdir.

Yaradıcılığı

Bir sıra bədii və elmi kitabların məsləhətçisi, həmmüəllifi və müəllifidir. Bu kitablardan Azərbaycanda ilk dəfə çapdan çıxmış ISO 9000/OHSAS 18001/ISO 14000 Beynəlxalq İdarəetmə Standartları, OHSAS/TS 18001:2008 Əməyin Mühafizəsi və Təhlükəsizliyi İdarəetmə Sistemi (son versiyanın izahlı şərhi) və Beynəlxalq İdarəetmə Sistemlərinin İnteqrasiyası və Auditi (sənədləşdirmə nümunələri) eləcə də “İnsan resurslarının idarə edilməsi: nəzəriyyədən praktikaya” adlı kitabı misal göstərmək olar.

Bundan başqa 2003-cü ildə çap olunmuş "Haqq səsiyəm" adlı şerlər kitabının da müəllifidir.

AMEA-nın İqtisadiyyat İnstitutunda Fəlsəfə doktoru üzrə “İdarəetmənin Keyfiyyətinin Yüksəldilməsi İstiqamətləri” mövzusunda elmi araşdırmalar aparır.

Kitabları

  • "Haqq səsiyəm" (şerlər), Bakı, 2003.
  • "Beynəlxalq İdarəetmə Standartları", Bakı, "Adiloğlu", 2006.
  • "Əməyin Mühafizəsi və Təhlükəsizliyi İdarəetmə Sistemi", Bakı, 2009
  • "Beynəlxalq idarəetmə sistemlərinin inteqrasiyası və auditi (sənədləşdirmə nümunələri)", Bakı, 2010.
  • "İnsan resurslarının idarə edilməsi: nəzəriyyədən praktikaya", Bakı, "Elm və təhsil" nəşriyyatı, 2016.
  • "Düşündüklərim... Qənaətlərim... Praktikadan nəzəriyyəyə, Bakı, "Elm və təhsil" nəşriyyatı, 2017.

İstinadlar

  1. Orxan Fikrətoğlu.  (azərb.). 525.az (06-03-2014).
  2. Orxan Vahidoğlu.  (azərb.). "İki sahil" qəzeti (19-02-2016).
  3.  (azərb.). Azərbaycan Respublikası Prezidentinin rəsmi internet saytı. president.az (19 sentyabr 2014).
  4.  (azərb.). Azərbaycan Respublikası Prezidentinin rəsmi internet saytı. president.az (19 sentyabr 2016).
  5.  (azərb.). AZLİBNET Milli Kitabxana-İnformasiya Mərkəzi. elibrary.azlib.net.
  6. M.Mükərrəmoğlu.  (azərb.). Xalq qəzeti (21-04-2010).
  7.  (azərb.). "İki sahil" qəzeti (13-06-2016).

Xarici keçidlər

Vikianbarda Asif Bəkirli ilə əlaqəli mediafayllar var.

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2oo4-2o18