Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinƏlvida, əzizim, əzizim (ing. Gone Baby Gone) — 2007-ci ildə istehsal olunmuş Amerika detektiv janrlı bədii filmi. Filmin rejissoru və ssenari müəlliflərindən biri Ben Afflekdir; bu ekran əsəri onun rejissor kimi debüt işi hesab olunur. Film amerikalı yazıçı Dennis Lihaynın eyniadlı romanının motivləri əsasında çəkilmişdir. Əsərin süjeti itkin düşmüş qızın axtarışları və bu prosesdə iştirak edən gənc xüsusi detektiv Patrik Kenzinin fəaliyyəti üzərində qurulmuşdur. Filmdə baş rolu rejissorun kiçik qardaşı Keysi Afflek ifa etmişdir.
| Əlvida, əzizim, əlvida | |
|---|---|
| ing. Gone Baby Gone | |
 | |
| Janr | cinayət filmi[2][3][…], Neonuar, müəmma filmi[3][4][…], dram filmi, roman ekranlaşdırması[d] |
| Rejissor | |
| Prodüserlər |
|
| Ssenari müəllifi | |
| Əsaslanır | Dennis Lihaynın "Əlvida, əzizim, əlvida" romanı |
| Baş rollarda | |
| Operator | Con Toll |
| Bəstəkar | Harri Qreqson-Vilyams |
| İstehsalçılar | Miramax, The Ladd Company |
| Distribütor | Fórum Hungary[d], Netflix |
| İlk baxış tarixi | 29 noyabr 2007[9], 2007 |
| Müddət | 114 dəq |
| Büdcə | 19 milyon $ |
| Gəlir | 34.6 milyon $[1] |
| Ölkə | |
| Dil | ingilis dili |
| Rəng | rəngli[d] |
| IMDb | ID0452623 |
2007-ci ildə[10] Boston şəhərinin ətraf qəsəbələrindən birində dörd yaşlı Amanda Makkridi adlı qızcığaz itkin düşür. Onun anası – işsiz, tənha qadın Helen (Emi Rayan) üç gün ərzində qızını tapmaq üçün polisə müraciət etsə də, nəticə əldə edilmir. Bundan sonra Amandanın xalası iki gənc şəxsi detektiv — Patrik Kenzi (Keysi Afflek) və Ancela Cennaro (Mişel Monaqan) ilə əlaqə saxlayır. Hər iki detektiv bu ərazini və orada yaşayanları yaxşı tanıdıqları üçün tədqiqata cəlb olunurlar. Onlar polis əməkdaşları Remi Bressan və Nik Pul ilə birgə işləməyə başlayırlar. İstintaqa təcrübəli və hörmətli kapitan Cek Doyl (Morqan Friman) rəhbərlik edir; onun da 12 yaşlı qızı vaxtilə qətlə yetirilmişdir.
Polisin yeganə izi ərazidə gizlənən pedofil manyak Korvindir. Patrik öz əlaqələri vasitəsilə öyrənir ki, Helen yerli narkotik satıcısı Reylə yaxın münasibətdə olub və qızın qaçırıldığı vaxt da onunla birlikdə imiş. Polis Helendən etiraf alır: o, Haitidən olan mafioz Pendirə (Filmin Azərbaycan dilindəki tərcüməsində bu addan istifadə edilib) işləyən narkokuryer olub və bir dəfə Reylə birlikdə Pendirin 130 min dollarlıq gəlirini mənimsəyiblər. Patrik və polis Reyin evinə gedərkən onun meyitini tapırlar; lakin pullar yerindədir, çünki onların harada gizlədildiyini yalnız Helen bilirmiş. Patrik əmindir ki, Pendir qızı girov götürüb ki, Helen və Rey pulları geri qaytarsınlar. Lakin Pendir Patriklə görüşdə bunu inkar edir. Buna baxmayaraq, ertəsi gün Remi Patrikə xəbər verir ki, Çiz gecə gizli mübadilə təklif edib. Görüş zamanı atışma baş verir, Çiz öldürülür, və gölün sahilində yalnız Amandanın kuklası və paltarı tapılır. Əməliyyatın müvəfəqiyyətsizliyinə görə kapitan Doyl istefaya çıxır, Amanda isə rəsmi olaraq ölmüş hesab edilir və onun üçün dəfn mərasimi keçirilir.
Bir müddət sonra yeddi yaşlı bir oğlan uşağı itkin düşür. Patrikin tanışı Bubbo Roqovski ona xəbər verir ki, axtardığı iki narkomanı tapıb; onların evində pedofil Korvin gizlənirmiş. Patrik və Bubbo narkotik satıcısı kimi evə daxil olurlar. Gecə Remi və Nik evi hücum təşkil edirlər, atışma zamanı Nik ağır yaralanır. Patrik içəri girəndə oğlan uşağının meyitini görür və qəzəbindən Korvini güllələyir. Nik xəstəxanada ölür.
Remi Patrikə etiraf edir ki, o, əvvəllər bir narkotacirin üzərinə qəsdən narkotik qoyaraq onu həbs etdirmiş və bununla onun oğlunu belə bir atadan xilas etmişdir. O həmçinin təsadüfən etiraf edir ki, Reyi əvvəldən tanıyırmış. Patrik polis Devidlə söhbət zamanı öyrənir ki, Remi Pendirdən əvvəl oğurlanmış pullar barədə məlumat əldə edib. Patrik anlayır ki, Helenin qardaşı Laynel Makkridi, eyni evdə yaşadığı üçün, Helenlə Reyin söhbətindən pullar barədə eşidib və Remi ilə əlbir olaraq Amandanı qaçırıb, Helendən pulu almaq məqsədilə şantaj edib.
Patrik Laynel ilə bardakı görüşdə onu Remi ilə birlikdə Amandanı qaçırmaqda ittiham edir. Laynel bunu qismən təsdiqləyərək bildirir ki, Helen heç vaxt qızına diqqət etməyib və Amandanın ölümü təsadüf nəticəsində baş verib. Elə bu anda maskalı bir şəxs bara daxil olub Laynelə silah çəkir. Bar işçisi onu yaralayır, Patrik isə təqib edir və həmin şəxsin Remi olduğunu görür. Remi damda ölür və son sözlərində uşaqları sevdiyini deyir.
Patrik hadisələrin ardıcıllığını yenidən analiz edərək başa düşür ki, əslində Laynel Helendən və Amandadan gələn təhlükəni görüb Remi və kapitan Doyldan kömək istəyib, qızın ölümünü saxtalaşdırmaqla onu narkoman anasından xilas etmək istəyiblər. Patrik şəhərdən kənarda Doylun evinə gedir və Amandanı onunla birlikdə xoşbəxt şəraitdə yaşayarkən görür. Doyl ondan bu sirri gizli saxlamağı xahiş edir; Patrikin sevgilisi Ancela da qızın Doylun yanında qalmasının daha doğru olduğunu düşünür.
Lakin Patrik Helendən aldığı "Amandanı tapacağı" vədini poza bilmir. O, polisə xəbər verir və nəticədə qız anasına qaytarılır, Doyl və Laynel isə oğurluqda ittiham edilərək həbs olunur. Ancela Patriki tərk edir.
Epiloqda Patrik Amandanı ziyarət edir. Helen bir oğlanla görüşə gedərkən Patrik qızla birlikdə qalır və onun kuklasının adını soruşur. Helen kuklanın adının "Mirabel" olduğunu demişdi, lakin Amanda onun adının "Annabel" olduğunu deyir. Bu, ananın öz qızını heç tanımadığını simvolizə edir.
| Aktyor | Rol |
|---|---|
| Keysi Afflek | Patrik Kenzi |
| Mişel Monaqan | Ancela Enci Cennaro |
| Ed Harris | detektiv Remi Bressan |
| Emi Rayan | Helen Makkridi |
| Morqan Friman | kapitan Cek Doyl |
| Con Eşton | detektiv Nik Pul |
| Emi Mediqan | Bi Makkridi |
| Titus Uelliver | Layonel Makkridi |
| Maykl K. Uilyams | detektiv Devin Amronklin |
| Edi Qateqi | Pendir |
| Mark Marqulis | Leon Trett |
| Corc "Slaine" Kerroll | Bubba Roqovski |
Film kino tənqidçiləri tərəfindən son dərəcə müsbət qarşılanmışdır. Rotten Tomatoes veb-saytında onun reytinqi 94 % təşkil edir (orta bal — 7,7/10).[11] Empire jurnalının resenziyasında Keysi Afflekin canlandırdığı qəhrəman haqqında belə yazılmışdır: "təcrübəsiz və cəsarətsiz təsir bağışlayan bu adam, əslində daşdan da möhkəmdir".[12] Tənqidçilər, həmçinin, Ben Afflekin rejissor kimi debütünü uğurlu hesab etmişlər.[13]
Filmin büdcəsi 19 milyon ABŞ dolları təşkil etmiş, ümumdünya kino gəlirləri isə 35 milyon dollar olmuşdur.[14]
- ↑ "Gone Baby Gone". Box Office Mojo.
- ↑ http://www.nytimes.com/2007/10/19/movies/19gone.html?_r=1.
- ↑ 1 2 3 4 5 http://www.metacritic.com/movie/gone-baby-gone.
- ↑ http://www.imdb.com/title/tt0452623/.
- ↑ 1 2 3 4 http://stopklatka.pl/film/gdzie-jestes-amando.
- ↑ 1 2 3 https://www.siamzone.com/movie/m/4990.
- ↑ http://www.imdb.com/title/tt0452623/fullcredits.
- ↑ Česko-Slovenská filmová databáze (çeş.). 2001.
- ↑ http://www.kinokalender.com/film6359_gone-baby-gone-kein-kinderspiel.html.
- ↑ Remi Bressanın məzar daşında 1948–2007-ci illər qeyd olunmuşdur.
- ↑ "Gone Baby Gone (2007)". Rotten Tomatoes. 17 avqust 2015 tarixində arxivləşdirilib. İstifadə tarixi: 20 avqust 2017.
- ↑ Empire, 2008
- ↑ ""Gone Baby Gone" among top crime movies of decade". Reuters. 6 sentyabr 2007. 31 iyul 2019 tarixində arxivləşdirilib. İstifadə tarixi: 31 iyul 2019.
- ↑ "Gone Baby Gone (2007)". Box Office Mojo. 4 avqust 2019 tarixində arxivləşdirilib. İstifadə tarixi: 2 dekabr 2012.
- "Прощай, детка, прощай". Empire (журнал) (5). 2008. 125/.
- Əlvida, əzizim, əlvida — Internet Movie Database saytında
- Əlvida, əzizim, əlvida Rotten Tomatoes saytında (ing.)
- Əlvida, əzizim, əlvida Metacritic-də
- Əlvida, əzizim, əlvida Box Office Mojo-da
- "Human Frailty and Pain on Boston's Mean Streets". The New York Times. 19 oktyabr 2007.