Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinŞapsuq su anbarı — Rusiyada, Adıge Respublikası ərazisində su anbarı. Su anbarı 1939–1952-ci illərdə inşa edilmişdir. Tikilməsində məqsəd Afips çayının axınını nizamlamaq, eləcə də Krasnodar diyarının su ehtiyatlarını müxtəlif xalq təsərrüfat sahələrində qənayətlə istifadəsi idi.
| Şapsuq su anbarı | |
|---|---|
| rus. Шапсугское водохранилище | |
 | |
| Ümumi məlumatlar | |
| Eni | 8 km |
| Uzunluğu | 9 km |
| Orta dərinliyi | 3,5 m |
| Tökülən çay | Afips |
| Axan çay | Afips |
| Yerləşməsi | |
| 44°58′34″ şm. e. 38°38′35″ ş. u. | |
| Ölkə |
 Rusiya |
| Region | |
.jpg)  Şapsuq su anbarı |
|
 Şapsuq su anbarı |
|
 | |
Şapsuq su anbarı Afips çayının mənsəbində, Kuban çayının sol sahilində yerləşir. Su anbarı Afips çayını keçmiş su basarı ərazisini əhaət edir. Su anbarının sahəsi 46 km²-dir. Dairəvi formaya malik olan su anbarının ən uzun yeri 9 km, eni isə 8 km-dir. Orta dərinliyi 3,5 metrdir. Ən dərin yeri 5 metrdir. Su anbarının cənub-şərqində kiçik körfəz mövcuddur. Anbarın dibi lil örtüyü ilə örtülmüşdür. Su anbarı qış aylarında Afips çayında səviyyə enişinin qarşısını alır. Eləcə də aşağı axarlarını Kuban çayında baş verən daşqınlardan qoruyur. Məhs Afips çayını Kuban çayından ensiz tirə ayırır. Daşqınlar zamanı toplanan sudan kənd təsərrüfatı sahələrində geniş istifadə olunur.
Şapsuq su anbarından 3 km şərqdən Krasnodar şəhərinin şəhər ətrafı başlayır. Su anbarı sahillərində Novobjeqokay, Drujnıy, Xomutı və Afipsip qəsəbələri yerləşir[1].
2007-ci ildə Şapsuq su anbarında rekonstruksiya işlərinə start verildi. Su anbarı kompleksinin yenidən qurulması layihəsinin dəyəri təxminən 1,8 milyard rubl təşkil edirdi. Yenidənqurma işləri 2013-cü ildə başa çatdırılmalı idi.[2] Lakin təhvil verilmə tarixi 2015-ci ilə təxirə salındı[3]. Daha sonra isə 2017-ci ilə uzadıldı[4]. 2010-cu ildə 159-cu maddənin 4-cü hissəsi ilə "Xüsusilə külli miqdarda dələduzluq" ilə cinayət işi başladıld. Cinayət işi su anbarının yenidən qurulması layihəsinin sifarişçisinə və podratçısı olan təşkilatların vəzifəli şəxslərinə açıldı[4].
Şapsuq su anbarı ətrafında istirahət üçün yetərincə şərait var. Ərazidə istirahət evləri, turizm bazası, idman-sağlamlıq mərkəzi və mövcuddur. Sahil boyunca balıq tutmaq üçün xüsusi yerlər var.[5]
- ↑ "Яндекс. Карты". maps.yandex.ru (rus). 12 mart 2016 tarixində arxivləşdirilib. İstifadə tarixi: 5 dekabr 2019.
- ↑ "РИА Новости — ЮГ — Происшествия — Ростехнадзор проводит проверку Шапсугского водохранилища в Адыгее". 4 yanvar 2014 tarixində arxivləşdirilib.
- ↑ "Шапсугское водохранилище в Адыгее достроят к 2015 году". www.yuga.ru (rus). 25 oktyabr 2021 tarixində arxivləşdirilib. İstifadə tarixi: 5 dekabr 2019.
- ↑ 1 2 "Шапсугское водохранилище: быть или не быть? — Общественно-политический портал Адыгеи". 01portal.com. 25 oktyabr 2021 tarixində arxivləşdirilib. İstifadə tarixi: 5 dekabr 2019.
- ↑ "Arxivlənmiş surət". 25 oktyabr 2021 tarixində arxivləşdirilib. İstifadə tarixi: 25 oktyabr 2021.